Sakaria 14:16 - AHYERƐLƐ KRONGRON

¹⁶ Na ɔkɔwa kyɛ, maen maen amukoraa bɔ bɛfale koɛ bɛɛtoale Yerusalem ne, bɛ nu ama bɔ bekonya bɛ ti bekodidi nu ne, afoɛnoa biala bɛkɔɔsɔne Ɛhene Asafo AWURADE, ná bali Asese aluolue ne.

Sakaria 14:16 Iomraidhean Croise

2 Aberɛso Dwirɛ 8:13

Ɔbɔle afɔleɛ biala bɔ odi kyɛ ɔbɔ ye kyẽa biala ɔ, kyɛbɔ Mose mmeraa nu afɔleɛ nhyehyɛleɛ te ne: ɔbɔle afofikyẽa deɛ, ɛsraen foforɛ deɛ, afoɛnoa afoɛnoa aluolue nza nemɔ deɛ bɔ bɛ ole Paanoo Kabrɛdi aluolue, Dapɛn Dapɛn aluolue ne Asese aluolue ne.

Ɛsra 3:4

Belili Asese aluolue ne, kyɛbɔ bahyerɛ bato berɛ ne. Ngaka somaa bɔ ɛlɛho biala odi kyɛ bɛfa bɛbɔ naen yeralɛ afɔleɛ wɔ aluolue ne anu ne, belili so kyɛbɔ nhyehyɛleɛ ne te ne ala.

Edwein 66:4

Aseɛ so nikyee biala sɔne wɔ; bɛto wɔ nwo ayɛyelɛ dwein, bɛto wɔ dumaa nwo ayɛyelɛ dwein.” Sela

Yesaya 18:7

Na sɔ mmerɛ ne, bɛkɔfa akyɛdeɛ bɛkɔbrɛ Asafo AWURADE, bɛkɔfa bekofi maen bɔ nu mmenia te ndendenn anwonyemenefoɛ, bɔ bɛ nwo suronyi atɔ mmenia bɔ bepingye bɛ ɔ so, ɔne nziɛnziɛfoɛ mɔ so ɔ, anwoserɛ ne ngonimlilɛ maen ne, bɔ asue mɔ ahyehyɛ b’aseɛ nu ne, bɛkɔfa bɛkɔbrɛ Asafo AWURADE wɔ Sion bokaa ne aso, nekaa bɔ AWURADE dumaa la so ne.

Yesaya 19:21

AWURADE kɔye ye nwo ali kohyire Misraim; Misraimfoɛ konwu AWURADE sɔ kyẽa ne, bɛkɔbɔ afɔleɛ ne naen yeralɛ afɔleɛ bɛkɔfa bɛkɔsɔne ye, bɛkɔhyɛ AWURADE bɔ, na bekoli so.

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yesaya 6:5

Na ngane kyɛ, “Edwirɛ ato me oo! Mawu oo! Ofikyɛ nde sona bɔ me noa kekã amumuyɛɛ dwirɛ, yeɛ nde maen bɔ nu ama kekã amumuyɛɛ dwirɛ ɔ nu; ɔnate kyɛ me nye anwu Ɛhene ne, bɔ ye ole Asafo AWURADE!”

Yesaya 66:23

Na ɔkɔwa kyɛ, ɛsraen foforɛ biala ne afofikyẽa biala, anwoɔnaen amukoraa kɔwa bɛkɔɔsɔne wɔ me nyunu, AWURADE noa dwirɛ ɛne.

Yeremia 46:18

“Ɛhene bɔ ye dumaa ole Asafo AWURADE ne, ɔnwa: Kyɛ nde ase ye, amba, kyɛ Tabɔ ɔte wɔ mmokaa mɔ nu, ɔne kyɛ Kamɛl ɔla mboanoa ne, sɔ ala yeɛ ɔkɔwa ɔ.

Yeremia 48:15

Moabo abɔ, na sɛkyefoɛ ne wafo wahɔ ye nguro nemɔ anu, na ye mmerandeɛ bɔ baneanea nu baye bɛ nemɔ, baahu bɛ wɔ akumyɛɛ, Ɛhene ne, bɔ ye dumaa ole Asafo AWURADE ne, ye noa dwirɛ ɛne.

Yeremia 51:57

Na ngɔma ye atitire mɔ, ye nworɛfoɛ, ye safohene mɔ, ye maen mbanyi mɔ ne ye koɛhonɛfoɛ mɔ bɛkɔbobo, bɛkɔla nnaa afebɔɔ, na bengotingye. Ɛhene bɔ ye dumaa ole Asafo AWURADE ne, ye noa dwirɛ ɛne.

Hosea 12:9

Ofi Misraim aseɛ so, me ole AWURADE wɔ Nyameɛ. Ngɔmaa ekosa kɔtena ɛtena sua mɔ nu, kyɛ aluolue ngyẽa bɔ mahyehyɛ mato berɛ ne ala.

Yoel 2:32

Na ɔkɔwa kyɛ ebiala bɔ ɔkɔfa ye nwo kɔto AWURADE dumaa so ne, okonya ye ti kodidi nu, ofikyɛ Sion bokaa so ne Yerusalem yeɛ bɛ bɔ banya bɛ ti badidi nu ne bɛkɔtena ɔ, kyɛbɔ AWURADE ahã ne ala, na bɛ bɔ AWURADE frɛ bɛ ne, bɛkɔboka bɛ bɔ banya bɛ ti badidi nu ne aso.”

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Sakaria 9:7

Ngɔye ye naen mogya mogya ne ngofi ye noa nu, ɔne ye nikyee bɔ ɔte akyiwadeɛ ne ngofi ye gye nemɔ b’afia. Na mmenia bɔ bɛkɔha ne, bɛkɔyɛ yɛ Nyameɛ ye deɛ, bɛkɔyɛ kyɛ Yuda nu mbanyi nemɔ bie, na Ekron kɔyɛ kyɛ Yebusifoɛ.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Luka 19:38

kyɛ, “Saleɛ ole Ɛhene bɔ ɔnate Awurade dumaa nu ɔba ye! Asomdwee wɔ nyameɛso, na animnyam wɔ anwuro anwuro!”

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 7:2

Né Yudafoɛ Asese aluolue ne apingye.

Asomafoɛ 15:17

amaa ɔnate so mmenia bɔ baha ne, yeɛ Amaenmaensofoɛ bɔ mafrɛ bɛ kyɛ bɛyɛ me deɛ ne, bapena Awurade si atee.

Romanfoɛ 11:16

Sɛ bakaammaa bɔ bekoli moa bɛkɔte ne te krongron ma Nyameɛ a, nzaade ye ngaa bɔ waha ne amukoraa te krongron; na sɔ ala yeɛ sɛ bakaa ndii ne te krongron a, ye mmaen ne koso te krongron ɔ.

Romanfoɛ 11:26

Yiti bekole Yisrael amukoraa ngoa, kyɛbɔ bahyerɛ kyɛ, “Defoɛ ne kofi Sion yeɛ ɔkɔwa ɔ, na ɔkɔye amumuyɛɛ biala kofi Yakob nu.

Romanfoɛ 11:5

Sɔ ala yeɛ kekesaala ye Nyameɛ nate ye adom so wasa nu waye bɛ ngaa ne ɔ.

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”