Sakaria 14:13 - AHYERƐLƐ KRONGRON

¹³ Sɔ kyẽa ne, AWURADE kɔma ahunundetelɛ piri kɔtɔ bɛ so, maa ɔnate so ebiala kɔpari kɔsɔ obiɛngo sa, na bɛkɔbobɔ bɛ nwo.

Sakaria 14:13 Iomraidhean Croise

Hesekiel 38:21

Na ngɔfrɛ ngrandɛ maa ɔkɔwa ye so wɔ me mmokaa ne amukoraa so, na ebiala kɔfa ngrandɛ kɔhɔ obiɛngo so, AWURADE Nyameɛ noa dwirɛ ɛne.

Sakaria 11:6

Ofikyɛ mengonwu aseɛ ne aso ama anwumvoin ko, AWURADE noa dwirɛ ɛne. Tie, ngɔma mmenia kɔtotɔ, bɔ ebiala kɔtɔ wɔ obiɛngo sa nu, ɔne ye hene sa nu ɔ. Bɛkɔyɛ aseɛ ne pasaa, na mengɔpepɛ mengole bɛ nngofi bɛ sa nu.”

Sakaria 12:4

AWURADE nwa nyoo, sɔ kyẽa ne, ngɔte anyesotanɛ ngogua pɔngɔ biala so, yeɛ ngɔte ɛlaenbɔlɛ ngɔto bɔ ɔte ye so ne aso. Nakoso Yuda awuro ama de, ngɔlo bɛ, na ngɔprapra anyesiniwaa ngogua maen maen mɔ bɛ pɔngɔ biala so.

Sakaria 14:14

Yuda koso kɔho koɛ wɔ Yerusalem. Na bɛkɔboaboa maen maen amukoraa bɔ bapɛ ye nwo bayia nemɔ b’anwonya worawora ne noa. Ɔte sikaa kɔkorɛ, ɛdwetɛ ne ndena.

Maenbulɛfoɛ 7:22

Behuli totorobɛndo ɛyaa nza nemɔ nen, AWURADE mane Midian koɛhonɛfoɛ nemɔ bɔbɔ bɛpɛle bɛ nwo bɛfale ngrandɛ behuhuni bɛ nwo. Na bɛnwatili toonn beedwuli Bete Sita. Bɛfale bɛ nye behyirele Serera beedwuli Abel Melola wɛen so, bɔ opingye Tabate ne.