Sakaria 14:12 - AHYERƐLƐ KRONGRON

¹² Na maen maen amukoraa bɔ bafa koɛ baatoa Yerusalem ne, ɛhawo he yeɛ AWURADE kɔprapra kogua bɛ so ɔ: Bɛ nwonaen kɔporɔ wɔ mmerɛ bɔ bɛtɛ gyigyi bɛ gya so ɔ, bɛ nye kɔporɔ wɔ bɛ nye tokuro ne anu, yeɛ bɛ temverema kɔporɔ wɔ bɛ noa nu.

Sakaria 14:12 Iomraidhean Croise

2 Aberɛso Dwirɛ 21:15

Na wɔ bɔbɔ deinn koso, koɛ anwonyerɛ kandinga kɔtɔ wɔ so, kɔpem kyɛ anwonyerɛ ne kɔma wɔ nyaa kɔhɔ so koturu daa biala ɔ.’ ”

YOB NWOMAA NE 18:13

Anwonyerɛ didi ye nwonaen, na ewue anwonyerɛ suronyisuronyi didi ye gya ne ye sa.

Edwein 90:11

Nwa yeɛ ɔse wɔ ɛyaafɛlɛ ne noa hyerɛ ɔ? W’ahonehulɛ ne, ɔne esurolɛ bɔ odi kyɛ besuro wɔ ne, bɛte pɛ.

Lewitikɔso 26:16

bɔ me koso ngɔfa ngɔyɔ ɛmɔ ɛhe: ngɔmaa asane kandinga kɔto ɛmɔ; anwonyerɛ koangɔ kɔbɔ ɛmɔ, yeɛ ebunu bɔ ɔma bɛ nye yɛ wusiwusi ná ɔma sona ngoa so te ɔ kɔhye ɛmɔ. Sɛ ɛmɔdua nningyein a, ɛmɔkɔfɛ bekogua mbaen, ofikyɛ ɛmɔ pɔfoɛ mɔ yeɛ bekoli ɔ.

Lewitikɔso 26:18

Na sɛ ɛhe amukoraa si ye po, ɛmɔanyɛ sotie bamma me a, ɔnate ɛmɔ bɔne ti, ngɔhɔ so ngɔhwe ɛmɔ so mmɔhoɛ nzoo.

Lewitikɔso 26:21

“Sɛ ɛmɔkɔso bedwɔso betia me, na ɛmɔandie me dwirɛ a, ɔnate ɛmɔ bɔne ti, ngɔhɔ so ngɔfa amaneɛ piri ngɔto ɛmɔ so pɛen nzoo.

Lewitikɔso 26:24

ye de me koso ngɔhɔ so ngodwɔso ngotia ɛmɔ, ná ɔnate ɛmɔ bɔne ti, mahwe ɛmɔ so pɛen nzoo.

Lewitikɔso 26:28

ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

Sakaria 1:15

nakoso maen maen mɔ bɔ bɛ so anu atɔ bɛ ne de, mafɛ bɛ so yaa piri paa; ofikyɛ mvɛle yaa kaaba bie, nakoso maen maen nemɔ de, bɛmane amaneɛnwunɛ ne yɛle piri paa.

Sakaria 12:9

Na sɔ kyẽa ne, ngɔfa ngosie me nye so kyɛ ngɔbɔ maen maen amukoraa bɔ bafa koɛ baateta Yerusalem ɔ.

Sakaria 14:15

Na mbɔngɔ, yoma, afupɔngɔ, afunum ne ngaka mukoraa bɔ bɛwɔ asikyeleɛ nemɔ anu ne, ɛhawo bɔ ɔkɔto bɛ ne, ɔkɔyɛ kyɛ sɔ hawo ne ala.

Sakaria 14:18

Na sɛ Misraim abusua wammanzɔne a, ye de ɔngɔtɔ ngɔma bɛ; na maen maen bɔ bɛmma nni Asese aluolue nen, ɛhawo bɔ AWURADE kɔprapra kogua bɛ so nen, sɔ hawo ne ala yeɛ ɔkɔto bɛ ɔ.

Sakaria 14:3

Na afei AWURADE kotu kɔtengyɛ ɔne sɔ maen maen nemɔ bɛkɔɔho, kyɛbɔ ɔhone koɛ wɔ koɛ kyẽa ne ala.

Sakaria 2:4

na osele ye kyɛ, “Tu amirika kɔhã kyire aberandeɛ he kyɛ, ‘Yerusalem kɔyɛ kyɛ nguraa nguraa bɔ fasue nne bɛ nwo ɔ, ɔnate nu mmenia somaa ne nu nyɛmmoa somaa ti.

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Deuteronomi 28:21

AWURADE kɔfa ewue anwonyerɛ kɔto wɔ so, kɔpem kyɛ ɔkɔpra wɔ boso kofi aseɛ bɔ ɛkwaafa tena so ne aso ɔ.

Deuteronomi 28:22

AWURADE kɔma ɛfɔen, ebunu ne ɛfokyɛlɛ kɔwa wɔ so; wawa kɔpe serɛserɛ, ewienu kɔyɛ hye, anwonyerɛ kɔha wɔ fieso nningyein, na amaneɛ hemɔ koli wɔ si toonn kɔpem kyɛ ekowu ɔ.

Deuteronomi 28:59

ye de AWURADE kɔprapra amaneɛ bɔ ye noa yɛ hye kogua wɔ ne wɔ bosofoɛ so: amaneɛ pirikua bɔ ɔkɔhyɛ ɔ, ɔne anwonyerɛ tɛɛ koangɔ.

Nyekyire 17:16

Na mmɛen buru bɔ enwuni bɛ ne, bɛ ne kaka ne bɛkɔpɔ adwamanbɔlɛniɛ ne; bɛkɔyɛ ye pasapasa ná baye ye nwo bato so, bekoli ye naen, ná bafa see bayera ye.