Sakaria 14:11 - AHYERƐLƐ KRONGRON

¹¹ Mmenia kɔtenatena Yerusalem nu, ofikyɛ ɔngɔbɔ ko, na kuro ne kɔtena berɛ anwotɔ nu.

Sakaria 14:11 Iomraidhean Croise

Yesaya 26:1

Sɔ kyẽa ne, bɛkɔto sɔ dwein he wɔ Yuda aseɛ so: “Yɛle kuro bɔ ye nwo yɛ se ɔ, wafa ngoalelɛ wayɛ yɛ nwo fasue ne ɛwaen.

Yesaya 60:18

Bɛngɔte basabasayɔlɛ nga ko wɔ w’aseɛ so, bɛngɔte nzɛmmɔne anaa nningyein sɛkyelɛ nga wɔ w’aseɛ ne aso kodwu ɛwɛen so; ɛkɔfrɛ wɔ fasue mɔ: Ngoalelɛ, ɔne wɔ kuro pambim mɔ: Ayɛyelɛ.

Yesaya 66:22

“AWURADE nwa nyoo: Kyɛbɔ anwuro foforɛ ne aseɛ foforɛ bɔ mebaayɔ ne kɔtena berɛ wɔ me nyunu ne, sɔ ala yeɛ ɛmɔ bosofoɛ ne ɛmɔ dumaa kɔtena berɛ ɔ.

Yeremia 31:40

Na efuin ne nzoen bɔnza ne amukoraa, ɔne aseɛ amukoraa bɔ ɔkwaadwu asue Kidron, bɔ ɔkwaadwu Pɔngɔ pambim ne ndweasoɛ so wɔ eyia afiteleɛ so ne, ɔkɔyɛ krongron kɔma AWURADE. Ye bo ngotutu ko, yeɛ bengodwiri bengogua ase ko le.”

Yeremia 32:37

Tie, ngɔboaboa bɛ noa ngofi maen maen amukoraa bɔ nne ɛyaa, ahonehulɛ ne anyeborolɛ kandinga mvoane bɛ ngonguale so ne aso. Ngosa ngɔfa bɛ ngɔwa wa, na ngɔmaa bɛkɔtena anwotɔ nu.

Hesekiel 37:26

Asa koso, me ne bɛ yɛkɔyɛ asomdwee apam, ɔkɔyɛ me ne bɛ daa apam; ngɔmaa bekotindim, ngɔmaa bɛkɔta pee, na ngɔfa me nekaa krongron ne ngosie bɛ nu afebɔɔ.

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Yoel 3:20

Nakoso Yuda de, ɔkɔtena berɛ afebɔɔ, yeɛ Yerusalem kɔtena berɛ aworɛ ndoatoasoɛ amukoraa nu.

Amose 9:15

Ngolua bɛ wɔ b’aseɛ so, na bɛ bo ngotutu ko le ngofi b’aseɛ bɔ mafa mama bɛ ne aso,” AWURADE wɔ Nyameɛ noa dwirɛ ɛne.

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 2:4

na osele ye kyɛ, “Tu amirika kɔhã kyire aberandeɛ he kyɛ, ‘Yerusalem kɔyɛ kyɛ nguraa nguraa bɔ fasue nne bɛ nwo ɔ, ɔnate nu mmenia somaa ne nu nyɛmmoa somaa ti.

Sakaria 8:13

O Yuda awuro ama ne Yisrael awuro ama, kyɛbɔ ɛmɔakakyi amoenwaa dwirɛ wɔ maen maen mɔ nu ne, sɔ ala yeɛ ngole ɛmɔ ngoa ɔ, na ɛmɔkɔyɛ saleɛ. Nnɛma ɛmɔsuro, na mmom ɛ́mɔmia ɛmɔ nye.”

Sakaria 8:4

Asafo AWURADE nwa nyoo: Mmienzua nworowaa ne mmrasua nworowaa kɔhɔ so kɔtenatena Yerusalem dwaaso, na bekotiratira pɔmaa, ɔnate kyɛ bɛkɔyɛ nworowaa posoposo.

Sakaria 8:8

na ngɔfa bɛ ngɔwa maa bɛkɔɔtena Yerusalem; bɛkɔyɛ me maen, na me koso mayɛ bɛ Nyameɛ, wɔ nahorɛ ne tenenee nu.”

Numeri 21:3

AWURADE tiele Yisrael abisadeɛ ne, na ɔfale Kanaanfoɛ ne wurale bɛ sa. Behuhuni bɛ bɛsɛkyele bɛ nguro nemɔ pasaa; yiti bɛfrɛle berɛ Hɔma.

Deuteronomi 33:28

Yiti Yisrael te asomdwee nu, nikye fee nha Yakob atenaleɛ, bɔ ɔwɔ aburoo ne nzaa aseɛ so ne, nekaa bɔ anwuro tɔ bosue gua ase ɔ.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.

Nyekyire 22:3

Musue nikyee biala nne berɛ ko, na mmom Nyameɛ ne Boaen Ba ne, b’ahennie bia ne yeɛ ɔwɔ berɛ ɔ, na ye ngoaa kɔsɔne ye;