Sakaria 14:10 - AHYERƐLƐ KRONGRON

¹⁰ Aseɛ ne amukoraa kɔkakyi aseɛ frɛtɛɛ ofi Geba okoodwu Rimon wɔ Yerusalem ngwaen. Nakoso Yerusalem de, ɔkɔha bokaa so wɔ ye boso, ofi Benyamin pambim ne maa okoodwu pambim bɔ oli moa ne, maa okoodwu ndweasoɛ pambim ne; na okofi Hananel abandenden ne okoodwu ɛhene ne kumaa bɔ betwi nu nzaa ne.

Sakaria 14:10 Iomraidhean Croise

1 Ahemvo 15:22

Yeɛ Nana Asa maa bɛbɔle dawure wɔ Yuda amukoraati kyɛ ebiala ɔɔyɔ maen adwuma, na ebiala wanye ye nwo wamvi nu. Nyɔboɛ ne ndaboa bɔ né Baasa wafa watua Rama kuro ne, bɛsesa bɛhɔle, na Nana Asa fa kyekyele nguro hemɔ: Geba bɔ ɔwɔ Benyamin, yeɛ Misepa.

2 Ahemvo 14:13

Yuda hene Amasia bɔ ye baba ole Yehoase bɔ ye koso ye baba ole Ahasia ne, Yisrael hene Yehoase hyele ye nnure wɔ Bete Semese. Yisrael hene Yehoase hɔle Yerusalem, na obubuli Yerusalem fasue ne guale ase, fi Efraim Pambim ne kɔka Ndweasoɛ Pambim ne. Efi Efraim pambim ɛkɔ Ndweasoɛ pambim a, ye tendenn te agyirɛ ɛyaa nna.

1 Aberɛso Dwirɛ 4:32

Na né bɛ nguraa mɔ ole Etam, Ayin, Rimon, Tokyen yeɛ Asan; bɛte nguraa nnu,

1 Aberɛso Dwirɛ 6:77

Bɛyele nguro hemɔ befili Sebulɔn abusua kure b’aseɛ nu bɛmane Merari boso ama ngaa nemɔ: Rimono ne ye nwo aseɛ bɔ nyɛmmoa didi so ɔ, yeɛ Tabɔ ne ye nwo aseɛ bɔ nyɛmmoa didi so ɔ.

2 Aberɛso Dwirɛ 25:23

Yuda hene Amasia bɔ ye baba ole Yoase bɔ ye koso ye baba ole Ahasia ne, Yisrael hene Yoase hyele ye nnure wɔ Bete Semese fale ye hɔle Yerusalem. Na Yisrael hene Yoase bubuli Yerusalem fasue ne guale ase, fi Efraim Pambim ne kɔka Ndweasoɛ Pambim ne, bɔ ye tendenn te agyirɛ ɛyaa nna ne.

2 Aberɛso Dwirɛ 26:9

Afei koso, Yusia sisili abandenden wɔ Ndweasoɛ Pambim ne aso, Bɔnza nu Pambim ne aso, yeɛ Ndweasoɛ ne aso wɔ Yerusalem, na ɔbrambramone bɛ si.

Nehemia 12:39

wɔ Efraim Pambim ne anwuro wɔ Pambim Daa ne anwo ne Tire Pambim ne Hananel Abandenden ne, ɔne Ɛyaa Abandenden ne anwo yɛɛdwuli Mmoaen Pambim ne anwo. Na beegyinane Awɛmvoɛ Pambim ne anwo.

Nehemia 3:1

Ɔsɔfo panyi paa Eliasibo ɔne ye mmango asɔfo nemɔ, bɛhyɛle ye bo bɛyɔle adwuma, na besili Mmoaen Pambim ne. Bɛtele Mmoaen Pambim ne anwo bɛyɛle ye krongron, na betuatuale ye anoa nemɔ. Bɛtele ye nwo alaa beedwuli Mmenia Ɛyaa Abandenden ne anwo ɔne Hananel abandenden ne anwo.

Yesaya 10:29

Baafa kongonyi ne anu dɔ, baasikye kɔngɔen wɔ Geba. Ahunundetelɛ atɔ Rama so, Sɔɔlo kuro Gibea so ama banwati.

Yesaya 2:2

Na ɔkɔwa kyɛ, mmerɛ bɔ oli nziɛ ne, bokaa bɔ AWURADE awuro ne gyi so ne, ye bo kotimu maa ɔkɔware kɔtra bokaa biala, ɔkɔyɛ tendenn kɔtra pambaa biala, na maen maen mukoraa bekobiri bɛkɔwa so.

Yeremia 20:2

Yeɛ Pasure bole ngɔmhyɛlɛniɛ Yeremia, na ɔbɔle ye panwu wɔ Benyamin anoa piri bɔ opingye AWURADE awuro berɛ ne, ye sorɔ dɔ.

Yeremia 30:18

“Bɔ AWURADE kã ɛhe: Tie, ngɔfa Yakob ɛtena sua mɔ ngosa ngofi nnurehyelɛ nu ngɔwa, na ngonwu ye atenaleɛ nemɔ anwumvoin. Bekosa bɛkɔkyekye kuro ne wɔ ye boso, ná bagyina ahemvie ne wɔ nekaa bɔ né ogyi daa ne.

Yeremia 37:13

Odwuli Benyamin pambim ne anu ne, né wɛmvoɛ mɔ so panyi bie bɔ bɛfrɛ ye Yiriya, bɔ ye baba ole Selemia bɔ ye baba ole Hanania ne, ɔwɔ berɛ. Ɔhyele ngɔmhyɛlɛniɛ Yeremia, na ɔhane kyɛ, “Wɔ, ɛnwati fa wɔ nwo kɔbɔ Kaldeafoɛ!”

Yeremia 38:7

Na Yitiopianiɛ sayɛɛ Ebede Meleke, bɔ né ɔwɔ ahemvie berɛ ne, ɔtele kyɛ bafa Yeremia bato kumaa nu kuku ne anu. Sɔ mmerɛ ne, né ɛhene ne te Benyamin anoa piri ne anu berɛ.

Amose 9:11

“Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;

Mika 4:1

Nakoso ɔkɔwa kyɛ, ngyẽa bɔ oli nziɛ ne anu, bokaa bɔ AWURADE awuro ne gyi so ne, okotimu kɔyɛ tendenn paa wɔ mmokaa nemɔ anu, na ɔkɔhɔ anwuro kɔtra pambaa nemɔ. Mmenia kotu bi bɛkɔhɔ so,

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 2:4

na osele ye kyɛ, “Tu amirika kɔhã kyire aberandeɛ he kyɛ, ‘Yerusalem kɔyɛ kyɛ nguraa nguraa bɔ fasue nne bɛ nwo ɔ, ɔnate nu mmenia somaa ne nu nyɛmmoa somaa ti.

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.

Yosua 15:32

Lebaote, Silihim, Ayin ne Rimon. Nguro ne amukoraa bɛte aburanyɔ ne ngona, bɛ ne bɛ namue mɔ.

Yosua 21:17

Bɛyele nguro hemɔ ne bɛ nwo aseɛ bɔ nyɛmmoa didi so ɔ befili Benyamin abusua kure nu bɛmane bɛ: Gibeon, Geba,

Maenbulɛfoɛ 20:45

Bɛkakyili bɛ nwo bɛfale bɛ nye behyirele ɛserɛ so bɛhɔle Rimon nyɔbotaen ne anwo ne, Yisraelfoɛ huhuni bɛ nu apee nnu wɔ atimbire nemɔ aso. Bɛfoane bɛ alaa beedwuli Gidom, na behuhuni bɛ nu apee nyɔ.

Maenbulɛfoɛ 20:47

Nakoso bɛ nu ɛyaa nzia kakyili bɛ nwo bɛfale bɛ nye behyirele ɛserɛ so bɛhɔle Rimon nyɔbotaen ne anwo, na bɛtenane Rimon nyɔbotaen ne anwo alaa bosome nna.

Maenbulɛfoɛ 21:13

Afei Yisraelfoɛ amukoraa bɛfale ngraa bɛɛmane Benyaminfoɛ bɔ baatena Rimon nyɔbotaen ne anwo ne kyɛ, afei de bɛ ne bɛ kɔtena asomdwee nu.