Sakaria 13:8 - AHYERƐLƐ KRONGRON

⁸ Na ɔkɔwa kyɛ, aseɛ ne aso amukoraa, bekohũhũ nza nu ngyɛmuɛ nyɔ, nakoso nza nu ngyɛmuɛ ko ne de, bɛkɔyakyi bɛ wɔ so, AWURADE noa dwirɛ ɛne.

Sakaria 13:8 Iomraidhean Croise

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Yesaya 66:24

“Na bekofite bɛkɔɔnea mmenia bɔ bayɛ me nwo lɔen nemɔ bɛ fuin, ofikyɛ bɛ nnɔboakoma nemɔ ngowu, bɛ see ne ngonua, na bɛkɔyɛ akyiwadeɛ bɛkɔma anwoɔnaen amukoraa.”

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Amose 9:10

Me maen nu bɔnefoɛ amukoraa bɛkɔtotɔ ngrandɛ noa; bɛ yeɛ bɛkekã kyɛ, ‘Musue biala ngɔto yɛ anaa ɔngɔhora yɛ’ ne.

Sefania 3:12

Anwumvoin mmenia ne awiɛmvoɛ mmenia yeɛ ngɔmaa bɛkɔha wɔ wɔ nu ɔ, na AWURADE dumaa yeɛ bɛkɔfa bɛ wora bekowura nu ɔ.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 22:7

Na ɛhene ne tele ne, ye ahone huli, na ɔsomane ye asraafoɛ maa beehuhuni sɔ awudifoɛ nemɔ, na bɛyerale bɛ kuro.

Marko 13:20

Na sɛ Awurade ande sɔ ngyẽa ne aso a, ahaa ongole sona biala ngoa; nakoso ɔnate bɛ bɔ waneanea nu waye bɛ, bɔ ɔsale nu yele bɛ ne ati, wate ngyẽa ne aso.

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.