Sakaria 13:3 - AHYERƐLƐ KRONGRON

³ Na ɔkɔwa kyɛ, sɛ ebie kɔso ɔhyɛ ngɔm a, ɔse ne oni bɔ bɛwole ye ɔ bekose ye kyɛ, ‘Onni kyɛ ɛtena ngoa nu ɔ, ofikyɛ ɛkã ngondombo dwirɛ wɔ AWURADE dumaa nu.’ Na sɛ ɔhyɛ ngɔm a, ɔse ne oni bɔ bɛwole ye ɔ bɛkɔfa nikyee bekosina ye.

Sakaria 13:3 Iomraidhean Croise

Yeremia 23:25

Ngɔmhyɛlɛfoɛ bɔ bɛfa me dumaa bedi ngɔndorɔ ne, mate bɔ bɛkekã ɔ. Bɛnwa, ‘Mahye laleɛ, mahye laleɛ!’

Yeremia 23:34

Na ngɔmhyɛlɛniɛ, ɔsɔfo ne maen bɔ ɔkɔhã kyɛ, ‘AWURADE adesoa ne’, ngɔhwe sɔ sona ne ɔne ye awuro ama bɛ so.

Yeremia 28:15

Na ngɔmhyɛlɛniɛ Yeremia sele ngɔmhyɛlɛniɛ Hanania kyɛ, “Hanania, tie, nna AWURADE yeɛ wasoma wɔ ɔ, nakoso ama maen he bale ngondombo bali.

Hesekiel 13:23

Ye sɔ ne ati, ɛmɔngonwu ngondombo nyekyire ko, yeɛ ɛmɔngɔhyɛ ngɔm ko. Na ngole me mmenia ngofi ɛmɔ sa nu, amaa ɔnate so ɛmɔanwu kyɛ me ole AWURADE.”

Hesekiel 14:9

Na sɛ ngɔmhyɛlɛniɛ ne ma ye nwo ate maa bɛlakalaka ye, ná ɔkã dwirɛ a, ye de me AWURADE yeɛ malakalaka sɔ ngɔmhyɛlɛniɛ ne ɔ. Ngɔtengyɛ me sa ngɔhwe ye so, ná mahũ ye mafi me maen Yisrael nu.

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Luka 14:26

“Sɛ ebie ba me berɛ, ná ɔmbɔ ɔse ne oni, ɔye ne ye mma, oliɛma mmienzua ne oliɛma mmrasua, ɔne ye bɔbɔ ye ngoa a, ngɔhora ngɔyɛ me suaniɛ.

2 Korintofoɛ 5:16

Yiti ofi ɛnɛ bɔ ɔkɔ ɔ, yɛmva dasaniɛ adwene yɛnzusu kyɛbɔ sona si te ɔ, na sɛ sɔ yeɛ daa ne yɛfa yɛsusuli Yesu a, ɛnɛ de yɛnyɔ ye sɔ ko.

Deuteronomi 18:20

Nakoso ngɔmhyɛlɛniɛ biala bɔ okodwudwo nyameɛ foforɛ biemɔ dumaa nu, anaa bɔ okoli ye bɔbɔ ye ti piri kɔfa me dumaa kɔha edwirɛ bɔ nnhyɛle ye kyɛ ɔhã nen, ɔsɛ kyɛ beku ye.

Deuteronomi 33:9

Ye bɔ ɔhane edwirɛ fale ɔse ne oni nwo kyɛ, ‘Memva bɛ menyɛ huu’; obuli ye nye guale oliɛma mɔ so, na ɔpole ye mma mɔ. Ofikyɛ Lewifoɛ lele wɔ dwirɛ bɛtole nu, na belili w’apam ne aso.