Sakaria 13:1 - AHYERƐLƐ KRONGRON

¹ “Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Sakaria 13:1 Iomraidhean Croise

Edwein 51:2

Nwunzi me nwo sannwuu fi m’amumuyɛɛ nwo, ná pete me nwo fi me bɔne nwo.

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Yesaya 12:3

Ɛmɔkɔfa anigye yeɛ bɛkɔto nzue bekofi ngoalelɛ abura mɔ nu ɔ.

Yesaya 4:4

mmerɛ bɔ AWURADE kɔfa ndɛenbualɛ sunzum so ne ɛyeralɛ sunzum so kobia Sion mma mmrasua nwo fiɛ kogua, ná wanwunzi mogya bɔ Yerusalem ahã agua ne.

Yeremia 17:13

Ao AWURADE, Yisrael anyelasoɛ! Ebiala bɔ ɔpo wɔ ne, ye nyunu kogua ase; bɛ bɔ bɛkakyi bɛ si bɛma me ne, bɛkɔhyerɛ bɛ dumaa wɔ aseɛ so, ofikyɛ bapo AWURADE bɔ ɔte ngoa asue ti ne.

Yeremia 2:13

Ofikyɛ me maen abɔ musue nyɔ: bapo me, me bɔ nde ngoa nzue mbombonzue ne, yeɛ baatu bɛ bɔbɔ b’abura mɔ, abura bɔ ye nwo adwudwa, bɔ nzue ngora nu gyina ɔ.

Yeremia 29:26

‘AWURADE afa wɔ wali sɔfo maa asi ɔsɔfo Yehoada gya nu, kyɛ ɛnea AWURADE awuro ne aso, ná ebiala bɔ wabɔ laen, nakoso ɔyɛ ye nwo ngɔmhyɛlɛniɛ ne, ɛ́bɔ ye panwu, ná égua ye ngɔnzɔngɔnzɔ.

Yeremia 33:8

B’amumuyɛɛ amukoraa bɔ ɔnate so bayɔ bɔne batia me ne, ngɔte bɛ nwo ngofi ye nwo. Na b’amumuyɛɛ amukoraa bɔ ɔnate so bayɔ bɔne, ná bayɔ mvomsoɛ batia me ne, ngɔfa ngɔhyɛ bɛ.

Hesekiel 36:17

“Sona awa, mmerɛ bɔ né Yisrael awuro ama bɛte b’aseɛ so ne, bɛfale bɛ suban ne bɛ yɔleɛ beguale aseɛ ne anwo fiɛ. Na me nye so de, bɛ bra ne yɛle kyɛ brasua bɔ wabu ye sa ɔ ye nwo bɔ ɔnde ɔ.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Hesekiel 36:29

Ngɔpepɛ ngole ɛmɔ ngofi ɛmɔ nwo bɔ ɔnde ne amukoraa nu; ngɔfrɛ aleɛ ngɔwa maa okobu, na mengɔma ɛhɔen biala ngɔwa ɛmɔ so.

Hesekiel 47:1

Afei osa fale me wale awuro berɛ anoa ne anu, na yieee, né nzue opu fi awuro berɛ aponnwaa ne abo ɔsẽ kɔ eyia afiteleɛ so dɔ (ofikyɛ né awuro ne nye kyire eyia afiteleɛ). Né nzue ne ɔtengyɛ bagua ase fi awuro ne famaa so, wɔ afɔleɛ bokyea ne ngwaen.

Lewitikɔso 11:36

Mbombonzue anaa abura nu nzue nwo te; nakoso sɛ nikyee bie la nu, ná sɔ ngaka nemɔ nu bie fuin ka ye a, sɔ nikyee ne nwo nde.

Mika 5:12

Ngonyaayelɛ bɔ ɛye ne, ngotu ye bo, na engonya ahɔmeɛ ko.

Sakaria 12:14

mmusua ngaa ne amukoraa, abusua biala kɔbɔ ye deɛ, yeɛ bɛ ye mɔ kɔbɔ bɛ deɛ.

Sakaria 12:3

Na sɔ kyẽa ne, ngɔfa Yerusalem ngɔyɛ nyɔboɛ nonɛnonɛ ngɔma maen maen amukoraa, ebiala bɔ ɔkɔpagya ye ne, okopura piri paa, ɔwɔ nu kyɛ aseɛ so maen maen amukoraa bɛkɔboa bɛ noa bekodwɔso bekotia ye de.

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 5:6

Yesu Kristo yeɛ ole bɔ bafa nzue ne mogya bali ye walɛ ne nwo adanzeɛ ne. Nna nzue ngome, na mmom nzue ne mogya. Na Sunzum ne yeɛ odi adanzeɛ ɔ, ofikyɛ Sunzum ne ole nahorɛ ne.