Sakaria 12:8 - AHYERƐLƐ KRONGRON

⁸ Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Sakaria 12:8 Iomraidhean Croise

Edwein 8:5

Nakoso amaa wahɔ ase kãa bie watra abɔfo mɔ, na afa animnyam ne anidie abɔ ye abotire.

Edwein 82:6

Menwa nyoo, “Ɛmɔte nyameɛ mɔ, ɛmɔ amukoraa, ɛmɔte Anwuro Anwuroniɛ ne, ye mma mmɔ.

Ɛksadɔso 14:19

Afei Nyameɛ abɔfo bɔ né oli Yisrael ɛlɔen ne nyunu ne, ɔse oolili bɛ si. Na munungum ningɔnn ne fili bɛ nyunu oolili bɛ si,

Ɛksadɔso 33:2

Ngɔsoma m’abɔfo maa okoli wɔ nyunu, na ngɔfoa Kanaanfoɛ, Amorifoɛ, Hitifoɛ, Perisifoɛ, Hiwifoɛ ne Yebusifoɛ mɔ ngofi so.

Yesaya 30:26

Asa koso, ɛsraen talɛ ne kɔyɛ kyɛ eyia talɛ, yeɛ eyia talɛ ne kɔyɛ mmɔhoɛ nzoo kyɛ bafa ye talɛ ɛlɛsoo babɔ nu ɔ, wɔ kyẽa bɔ AWURADE kɔkyekye ye maen ngena so, bɔ ɔkɔma bɛ nwo pakyepakyelɛ ne kɔhɔ ɔ.

Yesaya 31:4

Ofikyɛ AWURADE sele me kyɛ: Kyɛbɔ gyata anaa gyata akrɔngrɔma ɔyɛ ye komvi hoohoo gua naen bɔ wahye ye ɔ so, bɔ mmoaenneafoɛ kure bɛba ye so a onzuro kyɛ bɛteatea nu begua ye so, anaakyɛ ɔndɛ b’anwunanwuna ne aso ne, sɔ ala yeɛ Asafo AWURADE kodwu kɔwa kɔɔho koɛ wɔ Sion bokaa ne ye pambaa ne aso ɔ.

Yesaya 33:24

Maen baa biala ngɔhã kyɛ, “Mafokyɛ.” Na bɛ bɔ bɛte maen ne anu ne, bɛkɔfa b’amumuyɛɛ bɛkɔhyɛ bɛ.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yeremia 27:10

Ofikyɛ ngɔndorɔ yeɛ bedi bekyire ɛmɔ ɔ, kyɛbɔ ɔkɔyɛ bɔ bekotu ɛmɔ bo bekofi ɛmɔ aseɛ so maa ɛmɔkɔhɔ dedeede ɔ; kyɛbɔ ɔkɔyɛ bɔ ngɔfoa ɛmɔ ngofi ɛwa maa ɛmɔkowuwu ɔ.

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

Hosea 12:3

Ɔsɔle oliɛma gya si wɔ bɛ kunu, na ole ye anwoserɛ ɔne Nyameɛ bɛfa bɛtetale so.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Yoel 3:10

Ɛ́mɔboro ɛmɔ kona mɔ bɛbɔ ngrandɛ, ná ɛ́mɔboro ɛmɔ asɔsɔaa mɔ bɛbɔ pealɛɛ; sona bɔ ɔyɛ mmerɛ ne, ɔhã kyɛ, Nde anwoserɛniɛ.

Lewitikɔso 26:8

Ɛmɔ nu mmenia nnu kɔfoa mmenia ɛyaa ko, yeɛ ɛmɔ nu mmenia ɛyaa ko kɔfoa mmenia apee buru, na ɛmɔ pɔfoɛ mɔ kɔtotɔ ɛmɔ ngrandɛ noa.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Mika 7:16

Maen maen mɔ konwu ye, na bɛ nyunu kogua ase, b’anwoserɛ amukoraa si ne. Bɛkɔfa bɛ sa bɛkɔto bɛ noa, na bɛ so koti.

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.

Sakaria 10:7

Efraim kɔyɛ kyɛ katakyie, na bɛ ti anu kɔyɛ bɛ fɛfɛɛfɛ kyɛ bano nzaa ɔ. Amba, bɛ mma konwu ye, na bekoli ahurusi, na bɛ ti anu kɔyɛ bɛ fɛfɛɛfɛ wɔ AWURADE nu.

Sakaria 2:5

Ofikyɛ me bɔbɔ, ngɔyɛ ye see fasue ngɔpɛ ye nwo ngɔbra ngoyia, AWURADE noa dwirɛ ɛne, na ngɔyɛ ye nu animnyam.’ ”

Sakaria 9:14

Afei AWURADE kɔye ye nwo ali wɔ bɛ so, ye agyaen ne kɔhɔ kyɛ agralaa, AWURADE Nyameɛ kohu totorobɛndo, na ɔkɔfa ngwaen dɔ mvrama bɔ ɔpɛ ye nwo ne anu yeɛ ɔkɔhɔ ɔ.

Sakaria 9:8

Afei ɔnate ɛlɔen ne ati, ngɔto waen ngɔfa m’awuro ne anwo, ɔnate mmenia bɔ bɛpɛ nu berɛ bɛkɔ, ɔne bɛ bɔ besa bɛba ne ati, na nhyɛsoɛniɛ biala ngɔpɛ nu ngɔfa bɛ nu berɛ ko, ofikyɛ afei de, mefa me nye menea.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Romanfoɛ 9:5

Bɛ yeɛ yɛ nana mbanyi mɔ bɛte bɛ deɛ ɔ; na anwoɔnaen nu, bɛ bosoniɛ ole Kristo bɔ ɔte nningyein mukoraa so Nyameɛ bɔ bayira ye afebɔɔ ne. Amen.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

Yosua 23:10

Ɛmɔ nu sona ko kora foa mmenia apee, ofikyɛ AWURADE ɛmɔ Nyameɛ yeɛ ɔko ma ɛmɔ ɔ, kyɛbɔ ɔhyɛle ɛmɔ bɔ ne.

Nyekyire 22:13

Me ole Alfa ne Omega, ahyɛaseɛ ne ayieleɛ, bɔ oli moa ne bɔ ɔpɛ ye bo ɔ.”

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”