Sakaria 12:6 - AHYERƐLƐ KRONGRON

⁶ “Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 12:6 Iomraidhean Croise

Yesaya 54:3

Ofikyɛ ɛkɔtrɛtrɛ nu kɔhɔ wɔ sa famaa so ne bɛen so, wɔ boso ama kɔfa maen maen mɔ bekoli so, na bɛkɔma mmenia kɔtenatena kurofoen nemɔ aso.

Yesaya 9:20

Befoti aleɛ wɔ famaa so, nakoso ɛhɔen tɛ ku bɛ, bedidi wɔ bɛ sa bɛen so, nakoso bɛ ko nyi, na ebiala keka ye bɔbɔ ye sa nwo naen di.

Yeremia 30:18

“Bɔ AWURADE kã ɛhe: Tie, ngɔfa Yakob ɛtena sua mɔ ngosa ngofi nnurehyelɛ nu ngɔwa, na ngonwu ye atenaleɛ nemɔ anwumvoin. Bekosa bɛkɔkyekye kuro ne wɔ ye boso, ná bagyina ahemvie ne wɔ nekaa bɔ né ogyi daa ne.

Obadia 1:18

Yakob boso ama kɔyɛ see, Yosef boso ama kɔyɛ see bɔ ogye ɔ, na Yisɔ boso ama de, bɛkɔyɛ ngyɛngyɛma, na bɛkɔsɔ wɔ bɛ nu bɛkɔyera bɛ. Yisɔ boso ama biala ngɔha, ofikyɛ bɔ AWURADE ahã hɔ ɛne.

Mika 4:13

Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 11:1

Wɔ, Lebanon, bukyebukye w’anoa nemɔ ma see ne ɔyera wɔ sida nemɔ.

Sakaria 12:5

Na Yuda mbanyi mɔ kɔkekã ye wɔ bɛ ti anu kyɛ, ‘Yerusalemfoɛ bɛte m’anwoserɛ wɔ Asafo AWURADE bɛ Nyameɛ nu.’

Sakaria 2:12

AWURADE kɔfa Yuda kɔyɛ ye agyapadeɛ kyɛ ye kyɛfa deɛ wɔ aseɛ krongron ne aso, na okosa kɔfa Yerusalem kɔyɛ ye deɛ.”

Sakaria 2:4

na osele ye kyɛ, “Tu amirika kɔhã kyire aberandeɛ he kyɛ, ‘Yerusalem kɔyɛ kyɛ nguraa nguraa bɔ fasue nne bɛ nwo ɔ, ɔnate nu mmenia somaa ne nu nyɛmmoa somaa ti.

Sakaria 9:15

Asafo AWURADE kɔbɔ bɛ nwo waen, bekoli ngonim, bekohwi bɛkɔfa taya nyɔboɛ so, bɛkɔno, na bɛkɔbɔ ese kyɛ ebiaa babobo ne, bɛ ko koyi kyɛ talie, kyɛ afɔleɛ bokyea ndweasoɛ nemɔ.

2 Korintofoɛ 6:7

nahorɛ dwirɛ hanɛ nu, Nyameɛ tumi nu, yeɛ tenenee akodeɛ wɔ yɛ bɛen ne famaa so.

Nyekyire 20:9

Bɛfo bɛhɔle aseɛ so nekaa biala, na bɛpɛle anwoteefoɛ asikyeleɛ ne nwo beyiale, ɔne kuro bɔ Nyameɛ kuro ye dwirɛ ne. Na see [fili Nyameɛ berɛ] wɔ nyameɛso wale ase ɔɔyerale bɛ.