Sakaria 12:5 - AHYERƐLƐ KRONGRON

⁵ Na Yuda mbanyi mɔ kɔkekã ye wɔ bɛ ti anu kyɛ, ‘Yerusalemfoɛ bɛte m’anwoserɛ wɔ Asafo AWURADE bɛ Nyameɛ nu.’

Sakaria 12:5 Iomraidhean Croise

Edwein 144:1

Animnyam hã AWURADE me Nyɔbotaen ne bɔ okyire me koɛhonɛ, ɔne me sa mmaa kyɛbɔ besi bɛko ɔ.

Edwein 18:32

Sɔ Nyameɛ he bɔ ɔma me anwoserɛ ne, ɔma me brabɔlɛ tengyɛ.

Edwein 18:39

Ɛmane me koɛ nu anwoserɛ, na ɛmane me pɔfoɛ mɔ lili ngoguo wɔ me nyunu.

Edwein 46:1

Nyameɛ te yɛ nwo ɛwaenbɔlɛ ne y’anwoserɛ, bokafoɛ paa bɔ opingye yɛ wɔ amaneɛnwunɛ mmerɛ nu ɔ.

Yesaya 1:10

Mbanyi bɔ bedi Sodom so ɔ, ɛ́mɔtie AWURADE noa dwirɛ! Ɛmɔ Gomorafoɛ, ɛ́mɔyɛ asoɛ bétie yɛ Nyameɛ ngyerɛkyerɛ!

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 1:26

Ngosa ngɔma wɔ maenbulɛfoɛ kyɛ daa ne ala, yeɛ foɛtulɛfoɛ koso, kyɛbɔ ahyɛaseɛ ne né ɔte ne ala. Na ɛhe asi ne, bɛkɔfrɛ wɔ tenenee kuro ne nahorɛlilɛ kuro.

Yesaya 28:5

Sɔ kyẽa ne, Asafo AWURADE kɔyɛ animnyam abotire ne ahemvo kyerɛ nyemenenyemene kɔma ye mmenia bɔ baha ne.

Yesaya 28:6

Ɔkɔyɛ ndɛenbualɛ pɛpɛɛpɛ sunzum wɔ sona bɔ obua ndɛen ɔ nu, yeɛ ɔkɔyɛ anwoserɛ kɔma bɛ bɔ bɛfoa koɛhonɛfoɛ mɔ befi kuro pambim nu maa besa bɛkɔ ɔ.

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

Yesaya 32:1

Tie, ɛhene bie baawa bɔ ɔkɔfa tenenee koli hene ɔ, na pɛpɛɛpɛyɛlɛ yeɛ maen mbanyi kɔfa kobu maen ɔ.

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Yesaya 60:17

“Ngɔfa sikaa kɔkorɛ mmom ngoosi kɔɔbere gya nu, ngɔfa ɛdwetɛ mmom ngoosi buralɛ gya nu, ná kɔɔbere mmom waasi bakaa gya nu, ná buralɛ mmom waasi nyɔboɛ gya nu. Ngɔma asomdwee kɔyɛ wɔ so panyi kɔnea wɔ so, ná mama tenenee ayɛ wɔ mene.

Yeremia 30:21

Bɛ bɔbɔ bɛ nu yeɛ b’atitirefoɛ kofi ɔ, yeɛ bɛ maenbulɛniɛ ne koso kofi bɛ nu. Ngɔmaa ɔkɔhwe kopingye, na okopingye me; ofikyɛ nwa yeɛ ɔkɔhora kosi ye hue kopingye me ɔ? AWURADE noa dwirɛ ɛne.

Yeremia 33:26

ahaa ye de ngɔpo Yakob ne me somvoɛ Dawide bɛ boso ama, bɔ mengɔneanea nu mengɔye ye boso ama nemɔ anu ko maa ongoli hene wɔ Abraham, Yisake ne Yakob bɛ boso ama so ɔ. Ofikyɛ ngosa ngɔfa bɛ ngofi nnurehyelɛ nu ngɔwa, na ngonwu bɛ anwumvoin.”

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Sakaria 10:12

Ngɔmaa bekogyina pindinn wɔ AWURADE nu, na ye dumaa nu yeɛ bɛkɔnate ɔ,” AWURADE noa dwirɛ ɛne.

Sakaria 10:6

“Ngɔma Yuda awuro ama b’ahone kɔyɛ se, na ngɔpepɛ ngole Yosef awuro ama. Ngosa ngɔfa bɛ ngɔwa ngɔɔbɔ bɛ atenaseɛ, ofikyɛ manwu bɛ anwumvoin, ngɔyɛ bɛ kyɛ nna bɛ yeɛ mbole bɛ ne, ofikyɛ me ole AWURADE bɛ Nyameɛ, na ngotie bɛ sufrɛ.

Sakaria 12:4

AWURADE nwa nyoo, sɔ kyẽa ne, ngɔte anyesotanɛ ngogua pɔngɔ biala so, yeɛ ngɔte ɛlaenbɔlɛ ngɔto bɔ ɔte ye so ne aso. Nakoso Yuda awuro ama de, ngɔlo bɛ, na ngɔprapra anyesiniwaa ngogua maen maen mɔ bɛ pɔngɔ biala so.

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 14:14

Yuda koso kɔho koɛ wɔ Yerusalem. Na bɛkɔboaboa maen maen amukoraa bɔ bapɛ ye nwo bayia nemɔ b’anwonya worawora ne noa. Ɔte sikaa kɔkorɛ, ɛdwetɛ ne ndena.

Maenbulɛfoɛ 5:9

M’ahone la Yisrael safohene mɔ anwo, bɔ betuli bɛ nwo besiele berɛ ne. Ɛ́mɔye AWURADE ayɛ.