Sakaria 12:4 - AHYERƐLƐ KRONGRON

⁴ AWURADE nwa nyoo, sɔ kyẽa ne, ngɔte anyesotanɛ ngogua pɔngɔ biala so, yeɛ ngɔte ɛlaenbɔlɛ ngɔto bɔ ɔte ye so ne aso. Nakoso Yuda awuro ama de, ngɔlo bɛ, na ngɔprapra anyesiniwaa ngogua maen maen mɔ bɛ pɔngɔ biala so.

Sakaria 12:4 Iomraidhean Croise

1 Ahemvo 8:29

amaa sɛ eyia oo, kɔngɔen oo, sua ye bɔ ɔte nekaa bɔ ahã kyɛ, ‘Me dumaa kɔla so’ ye, wɔ nye ali ye si; amaa ɔnate so, atie mbaeɛ bɔ w’akoaa kɔfa ye nye kohyire ɛwa kɔbɔ ɔ.

2 Ahemvo 6:14

Yiti Siria hene somane koɛhonɛfoɛ pee maa bɛfale mbɔngɔ ne teaseɛnam mɔ bɛhɔle dɔ. Beedwuli kɔngɔen, na bɛpɛle kuro ne anwo beyiale.

2 Ahemvo 6:18

Siriafoɛ nemɔ hɔle Elisa so ne, Elisa bɔle mbaeɛ hyirele AWURADE kyɛ, “Mesrɛ wɔ, ma mmenia hemɔ bɛ nye osi.” Yiti Nyameɛ mane bɛ nye sini kyɛbɔ Elisa srɛle ne ala.

2 Aberɛso Dwirɛ 6:20

amaa sɛ eyia oo, kɔngɔen oo, sua ye bɔ ɔte nekaa bɔ ahyɛ bɔ kyɛ ɛkɔfa wɔ dumaa kɔto so ye, wɔ nye ali ye si; amaa ɔnate so, atie mbaeɛ bɔ w’akoaa kɔfa ye nye kohyire ɛwa kɔbɔ ɔ.

2 Aberɛso Dwirɛ 6:40

Ao me Nyameɛ, ma wɔ nye li sua ye asi, ná mbaeɛ biala bɔ bɛkɔbɔ ye wɔ ɛwa ne, tie.

2 Aberɛso Dwirɛ 7:15

Afei ngɔma me nye koli sua ye asi, na mbaeɛ bɔ bɛkɔbɔ ye wɔ awuro ye anu ne, ngotie.

Nehemia 1:6

mesrɛ wɔ, yɛ asoɛ tie, ná fa wɔ nye nea, amaa ate w’akoaa me mbaeɛ bɔ mebɔ wɔ wɔ nyunu kekesaala ye mema wɔ ngoaa Yisraelfoɛ eyia ne kɔngɔen ne. Afei, Yisraelfoɛ, yɛ bɔne bɔ yayɔ yatia wɔ ne, mekã mekyire wɔ. Me ne me baba awuro ama amukoraa, nahorɛ nu, yayɔ bɔne.

Yesaya 24:21

Na ɔkɔwa kyɛ, sɔ kyẽa ne, AWURADE kɔhwe anwuro abɔdeɛ mɔ bɔ bɛwɔ ewienu ɔ bɛ so, yeɛ ɔkɔhwe aseɛ so ahemvo mɔ bɔ bɛwɔ aseɛ so ɔ bɛ so.

Yesaya 37:17

AWURADE, mesrɛ wɔ, yɛ asoɛ tie me! AWURADE, mesrɛ wɔ, nea, ná tie! Tie edwirɛ amukoraa bɔ Senakeribo ɔkekã ɔ, bɔ wafa wasoma kyɛ bɛfa bɛɛgoro Nyameɛ teasefoɛ nwo ɔ.

Yeremia 24:6

Bɛ yeeyɛlɛ ti, ngɔma me nye kɔhɔ bɛ nwo, na ngosa ngɔfa bɛ ngɔwa aseɛ he aso. Ngɔmaa bɛ bo kotimu, na mengɔma bɛngɔtɔ ase. Ngolua bɛ, na mengotutu bɛ bo.

Hesekiel 38:4

Ngɔmaa ɛkɔfa wɔ nye kohyire neka foforɛ, ngɔfa koaa ngɔsosɔ w’awogyee, na ngɔhwe wɔ ne wɔ lɔen amukoraa ngofite, ɛne wɔ mbɔngɔ ne pɔngɔhanɛfoɛ, bɔ bɛ mukoraa bewurawura koɛ ndaadeɛ ahoroɔ, ɛlɔen piri paa bɔ bɛ mukoraa bewurawura buralɛ ataadeɛ, bɔ betiratira akokyɛm ne pealɛɛ ɔ.

Hesekiel 39:20

Me poentolɛ ne abo, ɛmɔkoli mbɔngɔ, pɔngɔhanɛfoɛ, katakyie mɔ ne koɛhonɛfoɛ amukoraa naen kɔma ɛmɔ ko koyi,’ AWURADE Nyameɛ noa dwirɛ ɛne.

Daniel 9:18

O me Nyameɛ, yɛ asoɛ tie, bukye wɔ nye ná nea amaneɛ bɔ wato yɛ ne kuro bɔ wɔ dumaa la so ne; ofikyɛ nna yɛ tenenee so yeɛ yɛgyi bɔ yɛfa yɛ sufrɛ yɛto wɔ nyunu ɔ, na mmom w’anwumvoinnwunɛ piri ne ati ɔ.

Sakaria 10:5

Na bɛkɔyɛ kyɛ katakyie mɔ bɔ betiatia bɛ pɔfoɛ mɔ so wɔ mmorɔnoɛ so nnɛterɛ nu wɔ koɛ nu ɔ. Bɛkɔho koɛ, ofikyɛ AWURADE gyi bɛ si, na pɔngɔhanɛfoɛ bɔ bɛtete pɔngɔ so ɔ bɛ nyunu kogua ase.

Sakaria 12:11

Sɔ kyẽa ne, awuyebɔlɛ piri paa kɔwa Yerusalem bɔ ɔte kyɛ Hadadrimon awuyebɔlɛ wɔ Megido bɔnza nu ne.

Sakaria 12:3

Na sɔ kyẽa ne, ngɔfa Yerusalem ngɔyɛ nyɔboɛ nonɛnonɛ ngɔma maen maen amukoraa, ebiala bɔ ɔkɔpagya ye ne, okopura piri paa, ɔwɔ nu kyɛ aseɛ so maen maen amukoraa bɛkɔboa bɛ noa bekodwɔso bekotia ye de.

Sakaria 12:5

Na Yuda mbanyi mɔ kɔkekã ye wɔ bɛ ti anu kyɛ, ‘Yerusalemfoɛ bɛte m’anwoserɛ wɔ Asafo AWURADE bɛ Nyameɛ nu.’

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 14:15

Na mbɔngɔ, yoma, afupɔngɔ, afunum ne ngaka mukoraa bɔ bɛwɔ asikyeleɛ nemɔ anu ne, ɛhawo bɔ ɔkɔto bɛ ne, ɔkɔyɛ kyɛ sɔ hawo ne ala.

Sakaria 9:8

Afei ɔnate ɛlɔen ne ati, ngɔto waen ngɔfa m’awuro ne anwo, ɔnate mmenia bɔ bɛpɛ nu berɛ bɛkɔ, ɔne bɛ bɔ besa bɛba ne ati, na nhyɛsoɛniɛ biala ngɔpɛ nu ngɔfa bɛ nu berɛ ko, ofikyɛ afei de, mefa me nye menea.

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Deuteronomi 28:28

AWURADE kɔfa ɛlaenbɔlɛ, anyesiniwaa ne anyesotanɛ kɔto wɔ so.