Sakaria 12:3 - AHYERƐLƐ KRONGRON

³ Na sɔ kyẽa ne, ngɔfa Yerusalem ngɔyɛ nyɔboɛ nonɛnonɛ ngɔma maen maen amukoraa, ebiala bɔ ɔkɔpagya ye ne, okopura piri paa, ɔwɔ nu kyɛ aseɛ so maen maen amukoraa bɛkɔboa bɛ noa bekodwɔso bekotia ye de.

Sakaria 12:3 Iomraidhean Croise

Yesaya 60:12

Ofikyɛ maen anaa ahennie bɔ ɔngɔso wɔ ne, okogu; na bɛkɔbɔ sɔ maen nemɔ bɔkɔɔ.

Obadia 1:18

Yakob boso ama kɔyɛ see, Yosef boso ama kɔyɛ see bɔ ogye ɔ, na Yisɔ boso ama de, bɛkɔyɛ ngyɛngyɛma, na bɛkɔsɔ wɔ bɛ nu bɛkɔyera bɛ. Yisɔ boso ama biala ngɔha, ofikyɛ bɔ AWURADE ahã hɔ ɛne.

Mika 5:15

Na maen maen mɔ bɔ banyɛ sotie bamma me ne, nne ɛyaa ne ahonehulɛ ngɔtɔ bɛ so wereɛ.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Habakuku 2:17

Ofikyɛ nzɛmmɔne bɔ ayɔ atia Lebanon ne, ɔne ngaka mɔ huhunɛ bɔ ɔmaa besurole ne, okobu kosa wɔ, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Sefania 3:19

Tie, sɔ mmerɛ ne, me ne bɛ bɔ bɛhyɛ wɔ so ne yɛkoli. Ngɔpepɛ ngole wɔ mmubuafoɛ nemɔ, ngɔboaboa bɛ bɔ babɔ aya nemɔ noa, na ngɔmaa bekonya animnyam ne dumaa wɔ aseɛ amukoraa bɔ bagua bɛ nyunu ase wɔ so ne aso.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

Sakaria 12:11

Sɔ kyẽa ne, awuyebɔlɛ piri paa kɔwa Yerusalem bɔ ɔte kyɛ Hadadrimon awuyebɔlɛ wɔ Megido bɔnza nu ne.

Sakaria 12:4

AWURADE nwa nyoo, sɔ kyẽa ne, ngɔte anyesotanɛ ngogua pɔngɔ biala so, yeɛ ngɔte ɛlaenbɔlɛ ngɔto bɔ ɔte ye so ne aso. Nakoso Yuda awuro ama de, ngɔlo bɛ, na ngɔprapra anyesiniwaa ngogua maen maen mɔ bɛ pɔngɔ biala so.

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Sakaria 14:13

Sɔ kyẽa ne, AWURADE kɔma ahunundetelɛ piri kɔtɔ bɛ so, maa ɔnate so ebiala kɔpari kɔsɔ obiɛngo sa, na bɛkɔbobɔ bɛ nwo.

Sakaria 14:6

Na sɔ kyẽa ne, kanea ngɔta, ɛyerɛ ngɔwa, yeɛ ɛborɔ ngogua.

Mateo 21:44

Na ebiala bɔ okofi ase kɔtɔ nyɔboɛ he aso ne, okobubu ye nu ahuronzi ahuronzi; yeɛ sɛ ɔte tɔ ebie so a, okonuku ye nyokonyoko.”]

Luka 20:18

Ebiala bɔ okofi ase kɔtɔ sɔ nyɔboɛ ne aso ne, okobubu ye nu ahuronzi ahuronzi; yeɛ sɛ ɔte tɔ ebie so a, okonuku ye nyokonyoko.”

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.