Sakaria 12:2 - AHYERƐLƐ KRONGRON

² “Tie, mebaafa Yerusalem meyɛ nzaabolɛ kulie mema maen maen bɔ bapɛ ye nwo bayia amukoraa; na bekotua Yuda wɔ mmerɛ bɔ bekotua Yerusalem ne anu.

Sakaria 12:2 Iomraidhean Croise

Edwein 75:8

Ofikyɛ AWURADE tira kwangoa bie wɔ ye sa nu, bɔ nzaa bɔ ye noa yɛ hye, bɔ opu ahure wɔ nu ɔ; okohwie nzaa ne bie, na wiase bɔnefoɛ amukoraa bɛkɔno bekotu ye bo.

Yesaya 51:17

Kanyane wɔ nwo, kanyane wɔ nwo! O Yerusalem, dwɔso! Wɔ bɔ ano AWURADE sa nu ɛyaafɛlɛ kulie ne noa, kulie bɔ ɔmaa bɛbo tendaenn ne, wɔ bɔ ano nu atu ye bo ne.

Yeremia 25:15

AWURADE Yisrael Nyameɛ sele me kyɛ, “Ɛyaafɛlɛ nzaa kwangoa he bɔ otira me sa nu ye, de, ná ma maen amukoraa bɔ ngɔsoma wɔ bɛ berɛ ne bɛno.

Yeremia 25:17

Yiti nnele kwangoa ne wɔ AWURADE sa nu, na mmane maen maen amukoraa bɔ AWURADE somane me bɛ berɛ ne bɛnone.

Yeremia 49:12

Na AWURADE nwa nyoo, “Tie, sɛ bɛ bɔ ahaa onni kyɛ bɛno sɔ kwangoa ne (anoa) po bano amba a, né aso wɔ de ɛkɔfa wɔ nwo koli anaa? Ɛngɔfa wɔ nwo ngoli, na mmom amba, ɛkɔno kwangoa ne (anoa).

Yeremia 51:57

Na ngɔma ye atitire mɔ, ye nworɛfoɛ, ye safohene mɔ, ye maen mbanyi mɔ ne ye koɛhonɛfoɛ mɔ bɛkɔbobo, bɛkɔla nnaa afebɔɔ, na bengotingye. Ɛhene bɔ ye dumaa ole Asafo AWURADE ne, ye noa dwirɛ ɛne.

Yeremia 51:7

Né Babilɔn te AWURADE sa nu esikaa kɔkorɛ kulie bɔ ɔmane aseɛ amukoraa bole ɔ; maen maen mɔ bano ye nzaa ne bie, yiti maen maen mɔ babobɔ laen.

Yeremia 8:14

Yɛtɛ te berɛ yɛyɔ nzu? Ɛ́mɔboaboa ɛmɔ noa, ná ɛ́mɔma yɛhɔ nguro bɔ bato bɛ nwo fasue nemɔ anu yɛɛwuwu wɔ dɔ, ofikyɛ AWURADE yɛ Nyameɛ wanoma yɛ kyɛ yɛwuwu, na wama yɛ nzue bɔ ɛborɔ wɔ nu ɔ kyɛ yɛno, ofikyɛ yayɔ bɔne yatia AWURADE.

Habakuku 2:16

Animguaseɛ yeɛ wabia wɔ ɔ, nna animnyam ɔ; wɔ koso, no nzaa bo ma wɔ bienzua bɔ bambɛ ne ɔla so. AWURADE sa famaa nu kwangoa kɔkakyi kɔwa wɔ so, na animguaseɛ kɔkata w’animnyam ne aso.

Sakaria 14:14

Yuda koso kɔho koɛ wɔ Yerusalem. Na bɛkɔboaboa maen maen amukoraa bɔ bapɛ ye nwo bayia nemɔ b’anwonya worawora ne noa. Ɔte sikaa kɔkorɛ, ɛdwetɛ ne ndena.

Sakaria 14:2

Ofikyɛ ngɔboaboa maen maen mukoraa bɛ noa maa bɛkɔfa koɛ bɛkɔteta Yerusalem, bɛkɔho bɛkɔfa kuro ne, bɛkɔfẽ awuro nemɔ anu nningyein, ná bato mmrasua nemɔ mmɔnaa. Kuro ne anu ama ne, bɛkɔhye nu bue nnure bɛkɔhɔ, nakoso maen ne ngaa de, bengohu bɛ ngofi kuro ne anu.

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.

Nyekyire 18:6

Ɛ́mɔtua ye so kerɛ kyɛbɔ otuale ɛmɔ so kerɛ ne, ɛ́mɔtua ye so kerɛ mmɔhoɛ nyɔ, kyɛbɔ ye yɔleɛ te ɔ; kwangoa bɔ nu yeɛ ɔfrafrale ne, ɛ́mɔfra ye mmɔhoɛ nyɔ bɛ́ma ye.