Sakaria 12:1 - AHYERƐLƐ KRONGRON

¹ AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Sakaria 12:1 Iomraidhean Croise

Gyenesise 1:8

Nyameɛ tole ewienu ne dumaa Anwuro. Aleɛ sane, na aleɛ hyene: kyẽa bɔ ɔtɔ so nyɔ ɛne.

Gyenesise 2:7

Na AWURADE Nyameɛ fale aseɛnwo nnɛterɛ nwone kuro sona, na olele ngoa nwomeɛ guale ye bonyi anu, na kuro sona ɔɔyɛle teasefoɛ.

YOB NWOMAA NE 26:7

Nyameɛ yeɛ ɔtrɛ sorɔ dɔ ewienu maa okodwu nekaa bɔ ɛhwee nne berɛ ɔ, na ɔma aseɛ sinze berɛ bɔ nikyee fee nzosɔ nu ɔ.

YOB NWOMAA NE 37:18

aso ɛne ye yeɛ bɛtrɛtrɛle ewienu bɔ ɔhata berɛ ne, maa ɔyɛle kyɛ neanu bɔ bahuro ye maa wala ɔ?

Edwein 104:2

Afa kanea agurɔ wɔ nwo kyɛ ɛtena; atrɛtrɛ ewienu nu kyɛ ɛtena sua.

Edwein 134:3

AWURADE bɔ ɔbɔle anwuro ne aseɛ ne, ófi Sion oyira wɔ.

Nworɛ Dwirɛhanɛniɛ 12:7

koraka né nnɛterɛ asa ahɔ nnɛterɛ nu kyɛbɔ né ɔte daa ne ala, koraka né nwomeɛ wasa wahɔ Nyameɛ bɔ ɔfa mane ne berɛ.

Yesaya 40:12

Nwa yeɛ wabɔ ye sa nonongu wasusu ɛpo nzue ɔ, anaa wafa ye sa mmɛseka wasusu ewienu ɔ, anaa wafa kwangoa wasusu aseɛ so mvuture ɔ, anaa wafa tonyi wahari mmokaa mɔ ɔ, anaa wafa asusudeɛ wahari pambaa mɔ ɔ?

Yesaya 40:22

Aseɛ noa dɔ kango ne, ye yeɛ ɔte so ɔ, bɔ aseɛ so ama bɛte kyɛ torɔka ɔ. Ye yeɛ ɔtrɛtrɛ anwuro nu kyɛ mbɛmuɛ tena ɔ, na ɔbayebaye nu kyɛ ɛtena sua bɔ bɛtena nu ɔ.

Yesaya 42:5

AWURADE Nyameɛ bɔ ɔbɔle anwuro ná ɔtrɛtrɛle nu ne, ye bɔ ɔbayele aseɛ nu, ɔne bɔ ofi nu ba biala nu tole berɛ ne, ye bɔ ɔma so mmenia nwomeɛ, ná ɔma bɛ bɔ bɛnate so sunzum ne, ɔnwa nyoo:

Yesaya 44:24

AWURADE bɔ ɔte wɔ Defoɛ, bɔ ɔnwone wɔ wɔ eni akunu ne, ɔnwa nyoo: “Me, AWURADE, me yeɛ nyɔle nningyein amukoraa ɔ, me ngome yeɛ ndrɛtrɛle ewienu nu ɔ, me yeɛ me ngome mmayebayele aseɛ nu ndole berɛ ɔ.

Yesaya 45:12

Me yeɛ mmɔle aseɛ ɔ, yeɛ mmɔle sona ndole so ɔ; me bɔbɔ me sa yeɛ ɔtrɛtrɛle ewienu nu ɔ, na mvale ahyɛdeɛ mane b’asafo amukoraa.

Yesaya 45:18

Ofikyɛ AWURADE bɔ ɔbɔle anwuro, Nyameɛ bɔ ɔhyehyɛle aseɛ ná ɔyɔle ne, ye bɔ ɔbɔle aseɛ tole berɛ ne, ye bɔ wammɔ ye sesakaa wando berɛ, na mmom ɔbɔle ye kyɛ bɛtena so ne, ɔnwa nyoo: “Me ole AWURADE bɔ ebiala nne berɛ bɔ ɔboka me so ɔ.

Yesaya 48:13

Me sa yeɛ ɔtole aseɛ fapem ɔ, yeɛ me sa famaa trɛtrɛle ewienu nu ɔ; na sɛ meto me sa mefrɛ bɛ a, bɛ mukoraa bɛbagyinagyina me nyunu.

Yesaya 51:13

bɔ yeɛ ama wɔ wora afi AWURADE bɔ ɔbɔle wɔ ne, ye bɔ ɔtrɛtrɛle ewienu nu sinzele berɛ, bɔ ɔtole aseɛ fapem ne ɔ? Nhyɛsoɛniɛ ne, nzu ati yeɛ ye yaafɛlɛ bɔ osoma kyɛ onya wɔ a okohu wɔ ne ati, ɛma ɛserɛ tɔ wɔ so daa biala ɔ? Nhyɛsoɛniɛ ne, ye yaafɛlɛ ne odwu nisua?

Yesaya 57:16

Mengɔbɔ kwaadu afebɔɔ, yeɛ m’ahone koso ngohu daa, anyɔ a, sona sunzum ne ye kra bɔ me yeɛ mabɔ ne, bɛkɔyɛ mmerɛ wɔ me nyunu.

Yeremia 10:12

Ye yeɛ ole ye tumi bɔle aseɛ ɔ, ɔnate ye nworɛ so fale wiase timuni berɛ, na ɔnate ye nimdeɛ so yeɛ ɔtrɛle ewienu nu ɔ.

Yeremia 30:10

“Yiti wɔ, me somvoɛ Yakob, nnɛsuro, AWURADE noa dwirɛ ɛne. Ao Yisrael, nnɛma wɔ kunu tete wɔ; ofikyɛ tie, ngɔpepɛ ngole wɔ ngofi dedeede, na wɔ boso ama mɔ, ngɔpepɛ ngole bɛ ngofi aseɛ bɔ bahye bɛ nnure bahɔ so ne aso. Yakob kosa kɔwa kɔɔtena asomdwee nu konn, na ebiala ngonwunanwuna ye.

Yeremia 30:16

Yiti bɛ bɔ bɛtete wɔ nu pasapasa ne amukoraa, bɛ koso ebiemɔ kɔtete bɛ nu pasapasa, na wɔ pɔfoɛ mɔ amukoraa, bɛ nu biala bɛkɔhye ye nnure bɛkɔhɔ; bɛ bɔ bɛfẽ wɔ nningyein ne, bɛ koso ebie mɔ kɔfẽ bɛ deɛ, na bɛ bɔ bɛbɔ wɔ so apaa ne, ngɔmaa ebiemɔ kɔbɔ bɛ mukoraa bɛ so apaa.

Yeremia 38:16

Yeɛ Nana Sedekia feale ye nwo tale ndaen hyirele Yeremia kyɛ, “Kyɛ AWURADE bɔ ɔbɔle yɛ kra ɔte ase ye, mengohu wɔ, yeɛ mengɔfa wɔ mengowura bɛ bɔ bɛpena wɔ beku wɔ nemɔ bɛ sa.”

Yeremia 50:34

Nakoso bɛ Defoɛ ne nwo yɛ se; ye dumaa ole Asafo AWURADE. Okoli bɛ dwirɛ kɔma bɛ amba, amaa ɔnate so wama aseɛ ye ale ye nwome, ná wama basabasa ato Babilɔnfoɛ.

Yeremia 51:15

“Ye yeɛ ole ye tumi ɔbɔle aseɛ ɔ, ye nworɛ yeɛ ɔnate so fale wiase tindimuni berɛ ɔ, na ye nimdeɛ yeɛ ɔfa trɛtrɛle ewienu nu ɔ.

Awuye 2:14

Nningyein mbaen mbaen ne nnakannaka yeɛ wɔ ngɔmhyɛlɛfoɛ banwu bama wɔ ɔ; na banna w’amumuyɛɛ ali bɔ ɔnate so kɔmaa bɛkɔye wɔ bekofi nnurehyelɛ nu ɔ. Na mmom ngondombo ne nnakannaka nyekyire yeɛ banwu ye bama wɔ ɔ.

Hesekiel 18:4

Ɛ́mɔtie, mmenia mukoraa bɛ kra te me deɛ. Na kyɛbɔ baba kra te me deɛ ne, sɔ ala yeɛ baa kra koso ɔte me deɛ ɔ: ɛkra bɔ ɔyɔ bɔne ne, ye yeɛ okowu ɔ.

Yoel 3:19

“Misraim kɔbɔ, na Edom kɔyɛ ɛserɛ pralaa, ɔnate akakabenzɛm bɔ bali ye wɔ Yudafoɛ so ne ati, ofikyɛ bahã mogya bɔ odi be ɔ bagua wɔ b’aseɛ ne aso.

Yoel 3:21

Bɛ mogya bɔ mandɔ so wereɛ ne, ngɔtɔ so wereɛ, ofikyɛ AWURADE te Sion.”

Sakaria 9:1

AWURADE dwirɛ ne ɔko tia Hadrake aseɛ, na ɔkɔho kotia Damasko koso. Na adasa mmaa bɛ nye kɔkakyi kɔwa AWURADE berɛ, kyɛbɔ Yisrael mmusua kure amukoraa bɛ nye kɔkakyi kɔwa ye berɛ ne.

Malaki 1:1

AWURADE noa dwirɛ bɔ ɔnate Malaki so ɔfa brɛle Yisrael ne, ye ɛhe.

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Hebrifoɛ 12:9

Afei koso, yɛle seɛ mɔ wɔ aseɛ ye aso bɔ bɛtea yɛ ɔ, na yɛfa ebuo yɛma bɛ. Sɛ ɔte sɔ de a, aso onhia kyɛ yɛbrɛ yɛ nwo ase bɔ ɔtra so yɛma yɛ sunzum nu Seɛ ne na yanya ngoa anaa?