Sakaria 11:9 - AHYERƐLƐ KRONGRON

⁹ Yeɛ nzele kyɛ, “Mengɔyɛ ɛmɔ neafoɛ ko. Bɔ odi kyɛ owu ne, ówu; bɔ odi kyɛ ye boso nua ne, ye boso ónua; na bɛ bɔ baha ne, ebiala óli obiɛngo naen.”

Sakaria 11:9 Iomraidhean Croise

Yeremia 19:9

Ngɔmaa bɛkɔpɛ bɛ nwo bekoli bɛ mma mmienzua ne bɛ mma mmrasua mɔ naen. Na ebiala koli obiɛngo naen, ɔnate kuro ne bɔ batua ye, ɔne amaneɛ bɔ bɛ pɔfoɛ mɔ bɔ bɛpena bɛ beku bɛ ne, bamaa wato bɛ ne ati.’

Yeremia 23:33

Sɛ sɔ maen ye, anaa ngɔmhyɛlɛniɛ ne, anaa ɔsɔfo bie bisa wɔ kyɛ, ‘AWURADE ye adesoa ne ole nzu?’ a, ye de kã kyire bɛ kyɛ, ‘Ɛmɔ yeɛ ɛmɔte adesoa ne ɔ, na ngogyi ɛmɔ ngɔto, AWURADE noa dwirɛ ɛne.’

Yeremia 23:39

yiti tie, me, me wora kofi ɛmɔ bɔkɔɔ, na ngɔpo ɛmɔ ne kuro bɔ mva mane ɛmɔ ne ɛmɔ nana mɔ ne, na ngɔfoa ɛmɔ ngofi me nyunu.

Yeremia 43:11

Ɔkɔwa kɔɔsɛkye Misraim maen ne, na bɛ bɔ bɛfata ewue ne, ɛhunɛ yeɛ bekohu bɛ ɔ, bɛ bɔ bɛfata nnurehyelɛ ne, bɛkɔhye bɛ nnure, bɛ bɔ bɛfata ngrandɛ ne, bɛkɔtɔ ngrandɛ noa.

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Sakaria 13:8

Na ɔkɔwa kyɛ, aseɛ ne aso amukoraa, bekohũhũ nza nu ngyɛmuɛ nyɔ, nakoso nza nu ngyɛmuɛ ko ne de, bɛkɔyakyi bɛ wɔ so, AWURADE noa dwirɛ ɛne.

Mateo 15:14

Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

Mateo 21:19

Na onwuni borɔdoma bakaa bie wɔ atee ne noa, ɔhɔle ye nwo berɛ, na wannwu hwee wɔ so, sana nyaa ngome. Na osele bakaa ne kyɛ, “Engosu mmaa ko le!” Na berɛ ne ala, borɔdoma bakaa ne wuli.

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 8:21

Na Yesu sele bɛ bieku kyɛ, “Me de, mékɔ, na ɛmɔkɔpena me, na ɛmɔkowu ɛmɔ bɔne nu; na nekaa bɔ mékɔ ne, ɛmɔngɔhora ngɔwa berɛ.”

Yohane 8:24

Ye sɔ ati yeɛ nzele ɛmɔ kyɛ, ɛmɔkowu ɛmɔ bɔne nu ne; na sɛ ɛmɔanne banni kyɛ me ole ye a, ɛmɔkowu ɛmɔ bɔne nu.”

Nyekyire 22:11

Bɔ ɔndengyɛ ne, ɔhɔ so yɛ sona bɔ ɔndengyɛ ɔ; yeɛ bɔ ye nwo nde ne, ɔhɔ so yɛ sona bɔ ye nwo nde ɔ. Bɔ ɔtengyɛ ne, ɔhɔ so yɛ sona bɔ ɔtengyɛ ɔ, yeɛ bɔ ɔte krongron ne, ɔhɔ so yɛ sona bɔ ɔte krongron ɔ.”