Sakaria 11:7 - AHYERƐLƐ KRONGRON

⁷ Na ngɔyɛ akumyɛɛ mmoaen kure ne aso neafoɛ, nganga, bɛ bɔ bɛyɛ anwumvo wɔ mmoaen kure ne anu ne. Mvale pɔmaa nyɔ. Ndole ko dumaa: Ɛlolɛ, yeɛ ko ne wora ndole ye dumaa: Koyɛlɛ, na nneane mmoaen kure ne aso.

Sakaria 11:7 Iomraidhean Croise

Edwein 23:4

Sɛ nnate ewue bɔnza awosii kabii nu po a, menzuro musue biala, ofikyɛ ɛne me yeɛ yɛnate ɔ; wɔ bakaa ne wɔ pɔmaa yeɛ bɛkyekye me wora ɔ.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 90:17

Mesrɛ kyɛ AWURADE yɛ Nyameɛ adom ne ɔbra yɛ so, ma yɛ sa noa adwuma ɔ́yɛ yee ɔ́ma yɛ. Ao, ma yɛ sa noa nnwumaa ɔ́yɛ yee!

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Yeremia 39:10

Nakoso ehiafoɛ nemɔ bie bɔ belle hwee ne, awɛmvoɛ nemɔ aso safohene Nebusaradan yakyili bɛ wɔ Yuda aseɛ so, na osa mane bɛ bobe boo mɔ ne eboo mɔ sɔ mmerɛ ne ala.

Lewitikɔso 27:32

Nandwie kure ne mmoaen kure nemɔ buru nu ngyɛmuɛ ko ne, sɛ mmoaenneafoɛ ne bukye bɛ na bɛbaase bɛfa ye pɔmaa ne abo a, bɛ nu biala bɔ ɔtɔ so buru ne, bɛkɔyɛ krongron bɛkɔma AWURADE.

Mika 7:14

Wɔ pɔmaa ne, fa nea wɔ maen so, mmoaen kure bɔ bɛte w’agyapadeɛ, bɔ bɛ ngome bɛte ɛhɔayeɛ ne anu, wɔ Kamɛl so ne; maa bedidi wɔ Basan ne Gileade, kyɛ daa tete ne ala.

Sefania 3:12

Anwumvoin mmenia ne awiɛmvoɛ mmenia yeɛ ngɔmaa bɛkɔha wɔ wɔ nu ɔ, na AWURADE dumaa yeɛ bɛkɔfa bɛ wora bekowura nu ɔ.

Sakaria 11:14

Yeɛ mmuli me pɔmaa bɔ oli Koyɛlɛ ne anu, kyɛ mefa mepɛ aliɛmaayɛlɛ bɔ ɔla Yuda ne Yisrael b’afia ne anu.

Sakaria 11:4

AWURADE me Nyameɛ nwa nyoo, “Mmoaen kure bɔ bɛ́fa bɛ bɛ́kɔ akumyɛɛ ne, yɛ bɛ so neafoɛ.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Marko 12:37

Dawide bɔbɔ frɛ ye Awurade, na ɔwale ye sɛ bɔ ɔɔyɛle ɔwa ɔ?” Na ɛlɔen ne tiele ye wɔ anigye so.

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

1 Samuel 17:40

Afei Dawide fale ye bɔbɔ ye pɔmaa ne tirale, ɔsesale kokwaboba nnu wɔ asue ba ne anu, na ɔfa guale bɔtɔ bɔ ɔwɔ ye mmoaenneafoɛ kotoku ne anu. Ɔfale ye taya ne tirale, na afei ɔbɔ pingyele Filistiniɛ ne.

1 Samuel 17:43

Na Filistiniɛ ne sele Dawide kyɛ, “Mmokuroma yeɛ ɛfa ba me so ɔ, nde kyea hɔ ɔ?” Afei Filistiniɛ ne fale ye nyameɛ mɔ payele Dawide.