Sakaria 11:6 - AHYERƐLƐ KRONGRON

⁶ Ofikyɛ mengonwu aseɛ ne aso ama anwumvoin ko, AWURADE noa dwirɛ ɛne. Tie, ngɔma mmenia kɔtotɔ, bɔ ebiala kɔtɔ wɔ obiɛngo sa nu, ɔne ye hene sa nu ɔ. Bɛkɔyɛ aseɛ ne pasaa, na mengɔpepɛ mengole bɛ nngofi bɛ sa nu.”

Sakaria 11:6 Iomraidhean Croise

Edwein 50:22

“Ɛmɔ bɔ ɛmɔ wora ofi Nyameɛ ne, ɛ́mɔdwene ɛhe anwo, ná mandete ɛmɔ nu pasapasa bɔ ɛmɔngonya defoɛ ɔ.

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 3:5

Mmenia kɔhyɛ bɛ mmango so, bɛkɔhyɛ bɛ biɛngo so, ebiala kɔhyɛ obiɛngo so. Mmerandeɛ ne ndaluwa bɛ nye ngɔsɔ mbanyi, yeɛ kwahweabaa koso ye nye ngɔsɔ animnyamniɛ.

Yeremia 13:14

Na ngɔkekã bɛ ti ngɔbobɔ nu, seɛ mɔ ne mmaa mɔ po, AWURADE noa dwirɛ ɛne. Mengonwu bɛ anwumvoin, mengɔma bengonya bɛ ti bengodidi nu, yeɛ me kunu ngɔtete me ngɔma bɛ, na mmom ngohũhũ bɛ.’ ”

Awuye 2:21

Ngwadaa ne mbanyi, bɛlela aseɛnwo wɔ dwaa nemɔ aso. Me ndaluwa mɔ ne me mmerandeɛ mɔ, batotɔ ngrandɛ noa. Ahũhũ bɛ wɔ wɔ yaafɛlɛ kyẽa ne anu; ahũhũ bɛ, na annwu bɛ anwumvoin.

Awuye 5:8

Nganga mɔ yeɛ bedi yɛ so ɔ, na ebiala nne berɛ bɔ okole yɛ kofi bɛ sa nu ɔ.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Hesekiel 9:10

Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Hosea 1:6

Osa nwonzɛle, na ɔwole baa brasua. Na AWURADE sele Hosea kyɛ, “To ye dumaa Lo Ruhama, ofikyɛ mengonwu Yisrael awuro ama anwumvoin ko bɔ ɔkɔmaa ngɔfa bɛ bɔne ngɔhyɛ bɛ bieku ɔ.

Hosea 2:10

Na afei ngɔla ye nyanzoen bra ne ali wɔ ye kurofoɛ nemɔ nyunu, na ebiala ngɔpepɛ ngole ye ngofi me sa nu.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Mika 6:14

Ekodidi, nakoso wɔ ko ngoyi; ɛhɔen kandinga kɔwa wɔ wɔ nu, ɛkɔfa nningyein kosie, nakoso ɛngɔhora ngɔbɔ ye nwo waen; nakoso bɔ ɛkɔbɔ ye nwo waen ne, ngɔmaa okofi wɔ sa wɔ koɛ nu.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

Sakaria 11:14

Yeɛ mmuli me pɔmaa bɔ oli Koyɛlɛ ne anu, kyɛ mefa mepɛ aliɛmaayɛlɛ bɔ ɔla Yuda ne Yisrael b’afia ne anu.

Sakaria 11:5

Bɛ bɔ bɛtɔ bɛ ne, bekuku bɛ bɛfa bɛ nwo bedi. Yeɛ bɛ bɔ bɛyɛ bɛ atɔen ne koso, bɛkã kyɛ, ‘Animnyam hã AWURADE, ofikyɛ manya me nwo’; yeɛ bɛ bɔbɔ bɛ neafoɛ nemɔ koso bennwu bɛ anwumvoin.

Sakaria 11:9

Yeɛ nzele kyɛ, “Mengɔyɛ ɛmɔ neafoɛ ko. Bɔ odi kyɛ owu ne, ówu; bɔ odi kyɛ ye boso nua ne, ye boso ónua; na bɛ bɔ baha ne, ebiala óli obiɛngo naen.”

Sakaria 14:13

Sɔ kyẽa ne, AWURADE kɔma ahunundetelɛ piri kɔtɔ bɛ so, maa ɔnate so ebiala kɔpari kɔsɔ obiɛngo sa, na bɛkɔbobɔ bɛ nwo.

Sakaria 8:10

Ofikyɛ, anzana sɔ mmerɛ ne baawa ne, né akatuaa biala nne berɛ mma sona, yeɛ né ebie koso nne berɛ mma kaka. Na sɛ né ebie ɔkɔ oo, anaa ɔba oo, pɔfoɛ ne ati, né olle asomdwee biala, ofikyɛ nganyane sona biala maa odwɔso tiale obiɛngo.

Malaki 4:6

Na ɔkɔma mmaa mɔ bɛkɔla seɛ mɔ b’ahone nwo, ná seɛ mɔ koso bala mmaa mɔ b’ahone nwo, amaa ɔnate so mamma mambrapra ɛnomalɛ mangua aseɛ ne aso.”

Mateo 10:21

“Aliɛmaa kɔye aliɛmaa kɔma maa bekohu ye, seɛ kɔye baa kɔma, na mmaa kodwɔso kotia awofoɛ maa bekohu bɛ.

Mateo 22:7

Na ɛhene ne tele ne, ye ahone huli, na ɔsomane ye asraafoɛ maa beehuhuni sɔ awudifoɛ nemɔ, na bɛyerale bɛ kuro.

Mateo 24:10

Na afei, ɛhe kɔto mmenia pee sundidua; na bɛkɔyeye bɛ nwo ne bɛ nwo bɛkɔma, ná bapopɔ bɛ nwo ne bɛ nwo.

Yohane 19:15

Na bɛteateane nu kyɛ, “Fa ye kɔ! Fa ye kɔ! Bɔ ye mmeamudua nu!” Na Pilato bisale bɛ kyɛ, “Mmɔ ɛmɔ Hene ne mmeamudua nu anaa?” Na asɔfo mbanyi nemɔ buale kyɛ, “Yɛ de, yɛlle hene biala kyɛ Kaesare.”

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.