Sakaria 11:5 - AHYERƐLƐ KRONGRON

⁵ Bɛ bɔ bɛtɔ bɛ ne, bekuku bɛ bɛfa bɛ nwo bedi. Yeɛ bɛ bɔ bɛyɛ bɛ atɔen ne koso, bɛkã kyɛ, ‘Animnyam hã AWURADE, ofikyɛ manya me nwo’; yeɛ bɛ bɔbɔ bɛ neafoɛ nemɔ koso bennwu bɛ anwumvoin.

Sakaria 11:5 Iomraidhean Croise

2 Ahemvo 4:1

Ngɔmhyɛlɛfoɛ fekue ne, bɛ nu ko aye oosuni hyirele Elisa kyɛ, “Me hu, bɔ ɔte wɔ somvoɛ ne, wawu. Ɛse kyɛ wɔ somvoɛ, né osuro AWURADE. Nakoso ebie bɔ yɛma ye kerɛ ɔ, wawa kyɛ ɔbaafa me mma nyɔ nemɔ yɛ nganga sie kerɛ ne anoa.”

Nehemia 5:8

na nzele bɛ kyɛ, “Y’eliɛma Yudafoɛ bɔ batɔne bɛ bama Amaenmaensofoɛ mɔ ne, yabɔ mmɔden bɔ yɛkɔhora biala yapɔ bɛ. Nakoso afei de ɛmɔtɔne ɛmɔ bɔbɔ ɛmɔ aliɛma Yudafoɛ bɛma Yudafoɛ maa yɛsa yɛkɔpɔ bɛ!” Bɛyɛle konn, na né bennwu dwirɛ bɔ bɛhã ɔ.

Yeremia 2:3

Né Yisrael te krongron ma AWURADE, ye fieso aleɛ bɔ olili moa fale hɔ ɛne; bɛ bɔ belili bie amukoraa belili fɔ; musue tole bɛ, AWURADE noa dwirɛ ɛne.”

Yeremia 50:7

Bɛ bɔ benwuni bɛ ne amukoraa bahye bɛ bali, na bɛ pɔfoɛ mɔ nwa, ‘Yɛnni fɔ, ofikyɛ bayɔ bɔne batia AWURADE, bɛ tenenee atenaleɛ, AWURADE bɔ ɔte bɛ nana mɔ anyelasoɛ ne.’

Hesekiel 34:10

AWURADE Nyameɛ nwa nyoo: Tie, meko metia mmoaenneafoɛ nemɔ; ngobisa me mmoaen nemɔ ngofi bɛ berɛ; ngɔmaa bɛkɔyakyi mmoaen nemɔ so nealɛ, maa ɔnate so mmoaenneafoɛ nemɔ bɛngɔnea bɛ bɔbɔ bɛ nwo so ko. Na ngofoti me mmoaen nemɔ ngofi bɛ noa nu, amaa ɔnate so bangakyi bɛ noa aleɛ ko.

Hesekiel 34:21

Na ɔnate kyɛ ɛmɔfa ɛmɔ mvenu ne ɛmɔ bati besumusumu, ná ɛmɔfa ɛmɔ mmɛen bɛwowɔ bɛ bɔ bɛnde apɔ ne amukoraa, kɔpem kyɛ ɛmɔkɔbɔ bɛ kɔsande bɛkɔhɔ dedeede ne ati,

Hesekiel 34:6

Me mmoaen nemɔ bɛbɔ bɛsandele wɔ mmokaa mukoraa ne pambaa biala so. Amba, me mmoaen nemɔ bɛbɔle aya bɛhɔle aseɛ so nekaa biala, na ebiala ammisa bɛ boso, yeɛ ebiala ambena bɛ.

Hosea 12:8

Efraim nwa, “Aa, manya me nwo, manya anwonyadeɛ.” M’adwumayɔlɛ amukoraa nu, bannwu amumuyɛɛ biala wɔ me nu, bɔ ɔte bɔne ɔ.

Hosea 12:9

Ofi Misraim aseɛ so, me ole AWURADE wɔ Nyameɛ. Ngɔmaa ekosa kɔtena ɛtena sua mɔ nu, kyɛ aluolue ngyẽa bɔ mahyehyɛ mato berɛ ne ala.

Amose 2:6

AWURADE nwa nyoo, “Ɔnate Yisrael ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛtɔne teneneeniɛ bɛfa bede ɛdwetɛ, yeɛ bɛtɔne ehianiɛ bɛfa bede mmaboa.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Yohane 10:1

Nahorɛ nu paa, mekã mekyire ɛmɔ kyɛ, ebiala bɔ ɔmva anoa ne anu ngɔ mmoaennduin ne anu, ná mmom ɔfo fa nekaa bie ɔkɔ nu nen, ɔte awueniɛ ne awerɔm awueniɛ;

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

Nyekyire 18:13

ɛsaa, pɛprɛ, ɛyɛɛ, krobo, ayirefona, nzaa, ngoo, esam paa, atokoɔ, nyɛmmoa, mmoaen, mbɔngɔ, teaseɛnam mɔ, nganga ne mmenia kra.

Nyekyire 3:17

Ofikyɛ ɛnwa, ‘Manya me nwo, nne agyapadeɛ, na menhia nikyee fee.’ Nakoso ɛnze kyɛ ɛyɛ anwumvo, wɔ nwo yɛ aworabɔ, wahia wɔ, wɔ nye asi, ná wɔ nwo la so ɔ.