Sakaria 11:11 - AHYERƐLƐ KRONGRON

¹¹ Yiti nu pɛle sɔ kyẽa ne, na mmoaen kure ne anu biemɔ bɔ né bɛyɛ anwumvo, bɔ né bɛ nye tua me ne, benwuni kyɛ AWURADE noa dwirɛ ɛne.

Sakaria 11:11 Iomraidhean Croise

2 Aberɛso Dwirɛ 9:14

asora bɔ dwadifoɛ nemɔ ne bɛ bɔ bɛkɔ atee so nemɔ bɛfa bɛwale ɔ; yeɛ esikaa kɔkorɛ ne ɛdwetɛ bɔ Arabia ahemvo amukoraa ɔne maen ne anu amrado nemɔ bɛfa bɛwale ɔ.

Edwein 69:33

Ofikyɛ AWURADE tie ehiafoɛ sufrɛ, ná ye mmenia bɔ bɛwɔ amaneɛ nu ne, ommu bɛ animtia.

Yesaya 14:32

Ɛbɔfoɛ mɔ bɔ befi sɔ maen ne aso ne, nzikyɛ mmuayɛɛ yeɛ bɛkɔfa bɛkɔma bɛ ɔ? Yɛkobua kyɛ, ‘AWURADE akyekye Sion, na ye maen ne anu mmenia bɔ bɛyɛ anwumvo ne, bɛkɔbɔ bɛ nwo adwaa wɔ nu.’

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Yesaya 8:17

AWURADE bɔ waye ye nye wato buro wafea Yakob boso ama ne, ngɔfa me wora ngowura ye nu, ngɔpena ye si atee.

Yeremia 32:8

Yeɛ me baba aliɛma bienzua awa Hanamel gyinane AWURADE dwirɛ so wale me berɛ wɔ kuku nu aluo berɛ, na osele me kyɛ, ‘Mesrɛ wɔ, tɔ me boo bɔ ɔwɔ Anatote bɔ ɔwɔ Benyamin maen nu ne, ofikyɛ wɔ yeɛ ele ye nwo ate kyɛ agyapadeɛ ne ɔbadi wɔ berɛ ɔ; wɔ yeɛ odi kyɛ ɔba wɔ sa nu; yiti tɔ ná fa. Na nwuni kyɛ edwirɛ ne, ɔte AWURADE dwirɛ.

Mika 7:7

Yiti me de, AWURADE yeɛ me nye la ye so ɔ; ngɔfa me wora ngowura me ngoalelɛ Nyameɛ nu; me Nyameɛ kotie me.

Sefania 3:12

Anwumvoin mmenia ne awiɛmvoɛ mmenia yeɛ ngɔmaa bɛkɔha wɔ wɔ nu ɔ, na AWURADE dumaa yeɛ bɛkɔfa bɛ wora bekowura nu ɔ.

Luka 19:48

nakoso bannya ye nwo ate, ofikyɛ né mmenia ne amukoraa bayɛ asoɛ betie edwirɛ bɔ ɔkã ne.

Luka 2:25

Na sɔ mmerɛ ne, né biaa bie bɔ bɛfrɛ ye Simeon ɔ ɔwɔ Yerusalem. Né ɔtengyɛ, yeɛ osuro Nyameɛ, na né ɔ́nwondɛ Yisrael aworakyekyerɛ ne, yeɛ afei né Sunzum Krongron wɔ ye so.

Luka 2:38

Na sɔ mmerɛ ne anu ala, ye koso oogyinane berɛ bie yele Nyameɛ ayɛ sɔ ala, na ɔhane akwadaa ne nwo dwirɛ hyirele bɛ bɔ né bɛ́nwondɛ elelɛ bɔ bɛkɔɔpɔ Yerusalem bekole ye ne.

Luka 23:51

bɔ ye de wambene bɛ porɛ ne bɛ yɔleɛ ne aso ɔ, né ye de ɔ́nwondɛ Nyameɛ ahennie ne.

Luka 7:22

Yeɛ Yesu buale ɛbɔfoɛ nemɔ kyɛ, “Ɛmɔhɔ bɛɛhã bɔ ɛmɔanwu ye, ɔne bɔ ɛmɔate ɔ behyire Yohane, kyɛ anyesiniwaafoɛ benwu nikye, mmubuafoɛ bɛnate, kwatafoɛ nwo fi, asotiniwaafoɛ bɛte dwudwolɛ, awufoɛ betingye, na nzɛmba ne, bɛkã bekyire ehiafoɛ.

Deuteronomi 31:21

Na sɛ musue ne amaneɛ pee toto bɛ a, sɔ dwein he koli adanzeɛ kotia bɛ, ofikyɛ ongofi bɛ bosofoɛ ti anu. Na aseɛ bɔ ndale ndaen kyɛ ngɔfa ngɔma bɛ ne, anzana ngɔfa bɛ ngoodwu so ne po, mese porɛ horɛ bɔ kekesaala ye babɔ ye bɛ ti anu ɔ.”

Deuteronomi 31:29

Ofikyɛ, mese kyɛ me wue asi ne, edwirɛ tɛɛ ala yeɛ ɛmɔkoli ɔ, na mmeraa bɔ mahyɛ mama ɛmɔ ne, ɛmɔkobu so. Na musue kɔto ɛmɔ kyẽa bie, ofikyɛ ɛmɔkɔyɔ AWURADE nyunu bɔne, na ɛmɔ sa noa adwuma kɔma ye ahone kohu.”