Sakaria 10:9 - AHYERƐLƐ KRONGRON

⁹ Ngolualua bɛ wɔ maen maen mɔ so, na bɛkɔkaye me wɔ maen maen mɔ so dedeede dɔ, na bɛ ne bɛ mma mɔ bekonya ngoa ná basa bawa.

Sakaria 10:9 Iomraidhean Croise

Nehemia 1:9

nakoso sɛ ɛmɔsa bɛba me berɛ, ná ɛmɔdi me mmeraa dwirɛ so a, ye de aseɛ ye aso nekaa biala bɔ mama ɛmɔ babɔ aya baagua ne, ngɔboaboa ɛmɔ noa ngofi dɔ; ná mafa ɛmɔ mawa nekaa bɔ maye masie berɛ mafa me dumaa mato so ne.’

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

Yesaya 44:21

O Yakob ne Yisrael, kaye sɔ dwirɛ hemɔ, ofikyɛ ɛte me somvoɛ; me yeɛ nwone wɔ ɔ, ɛte me somvoɛ. O Yisrael, me wora ngofi wɔ.

Yesaya 64:4

Ofi tetetete yeɛ mmenia bennya bɛttele, anaa ɔppɛle bɛ so anu ɔ, yeɛ anyeɛ biala koso onnwuni Nyameɛ bɔ ɔte kyɛ wɔ bɔ ɔko ma bɛ bɔ bɛ wora wura ye nu kyɛ wɔ ɔ.

Yesaya 65:23

Bɛngɔyɔ adwuma ngɔfɛ mbaen, yeɛ bɛngɔwo mmaa bɔ bɛkɔpe bekowu ɔ; ofikyɛ bɛkɔyɛ bɛ bɔ AWURADE ayira bɛ ɔ bɛ bosofoɛ, bɛ ne bɛ mma mɔ.

Yesaya 65:9

Ngɔye bosofoɛ mɔ ngofi Yakob nu, yeɛ ngɔye bɛ bɔ me mmokaa nemɔ kɔɔyɛ bɛ deɛ ɔ ngofi Yuda; bɛ bɔ maneanea nu maye bɛ ne yeɛ ɔkɔyɛ bɛ deɛ ɔ, na berɛ yeɛ me somvoɛ mɔ bɛkɔtena ɔ.

Yeremia 31:27

“Tie, mmerɛ bie ɔ́ba bɔ Yisrael awuro ama ne Yuda awuro ama mɔ, ngɔfa mmenia bosofoɛ ne ngaka bosofoɛ yeɛ ngolua ɔ, AWURADE noa dwirɛ ɛne.

Yeremia 51:50

“Ɛmɔ bɔ ɛmɔanya ɛmɔ ti badidi nu bafi ngrandɛ noa ɔ, ɛ́mɔfi wa bɛhɔ, nnɛma ɛmɔgyina! Odi kyɛ ɛmɔkaye AWURADE wɔ dedeede dɔ, ná ɛ́mɔkaye Yerusalem koso.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hosea 2:23

Ngolua ye ngɔma me nwo wɔ aseɛ ne aso. Ngonwu bɔ mannwu ye anwumvoin ne anwumvoin, na ngose bɔ ɔtte me maen ne kyɛ, ‘Ɛte me maen,’ na bɛ koso bɛkɔhã kyɛ, ‘Ɛte me Nyameɛ.’ ”

Amose 9:9

“Ofikyɛ tie, ngɔfa ahyɛdeɛ ngɔma, na ngohuhu Yisrael awuro ama so wɔ maen maen amukoraa nu, kyɛbɔ behuhu aburoo so wɔ huhuamoa nu ɔ, nakoso aburoo ne kaaba ko po ngɔtɔ ase.

Mika 5:7

Na Yakob boso ama ngaa ne, bɛkɔyɛ kyɛ bosue bɔ ofi AWURADE berɛ ɔ wɔ maen maen pee bɛ nu, kyɛ nyenyenzue bɔ ogua ndire so ɔ, bɔ ɔmva ye nwo ndo sona so, anaa ɔnnwondɛ adasa mmaa ɔ.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

Asomafoɛ 8:4

Na agyidifoɛ bɔ bɛbɔle aya ne, behyinini bɛhane nzɛmba ne.

Romanfoɛ 11:24

Na sɛ bapɛ ɛmɔ bafi olive bakaa bɔ ogyi eburo nwo, ná bakwati abɔdeɛ mmeraa bafa ɛmɔ bamata olive bakaa bɔ bahyɛ da balua nwo a, nzaade a ɔkɔyɛ mmerɛ kɔma Nyameɛ kyɛ ɔkɔfa olive bakaa bɔ bahyɛ da balua ne bɔbɔ mmaen kosa kɔmata ye bɔbɔ ye bakaa nwo.