Sakaria 10:8 - AHYERƐLƐ KRONGRON

⁸ “Ngɔbɔ mvrɛma ngɔfrɛ bɛ ngɔboaboa bɛ noa, ofikyɛ mapɔ bɛ male bɛ, na bɛkɔta pee kyɛbɔ bɛtale pee ne.

Sakaria 10:8 Iomraidhean Croise

1 Ahemvo 4:20

Né Yudafoɛ ne Yisraelfoɛ bɛ somaa te kyɛ mboanoa anweaa; na né benya bɔ bedi ɔ ne bɔ bɛno ɔ ma bɛ nye gye.

Ɛksadɔso 1:7

Nakoso Yisrael boso ama nemɔ wowole, bɛ boso trɛle, na bɛ nwo yɛle se. Yiti beyili maen ne anu tɛkyɛ.

Yesaya 44:22

Makyikyi wɔ mmeraatolɛ ne mafi berɛ kyɛ munungum kabii, ɔne wɔ bɔne mafi berɛ kyɛ munungum. Sa bra me berɛ, ofikyɛ maapɔ wɔ male wɔ.

Yesaya 48:20

Ɛ́mɔfi Babilɔn béfite bɛhɔ, ɛ́mɔnwati béfi Kaldeafoɛ nu, ɛ́mɔfa ahurusililɛ bɛ́bɔ ye nwo ese, ɛ́mɔbɔ ye nwo dawure, ɛ́mɔma odwu aseɛ so nekaa biala. Ɛ́mɔhã kyɛ, “AWURADE apɔ ye somvoɛ Yakob wale ye!”

Yesaya 5:26

AWURADE kɔpagya frangaa kohyire dedeede maen maen mɔ, ɔkɔbɔ mvrɛma kɔfrɛ bɛ kofi aseɛ noa dɔ; na nea, bele amirika bɛkɔwa ndɛndɛ!

Yesaya 51:11

Na bɛ bɔ AWURADE aapɔ bɛ ne, bekosa bɛkɔwa, bɛkɔfa ahurusililɛ bɛkɔwa Sion, anigye afebɔɔ kɔyɛ b’abotire; bekonya anika ne anwosɛpɛ, na aworabɔlɛ ne yealɛlilɛ kotu kofi bɛ so.

Yesaya 7:18

“Sɔ mmerɛ ne, AWURADE kɔbɔ mvrɛma kɔfrɛ nwɔsea bɔ bɛwɔ Misraim asue mɔ bɛ sorɔ dɔ, ɔne ɛwommaa bɔ bɛwɔ Asiria aseɛ so ɔ.

Yesaya 7:19

Bɛ mukoraa bɛkɔwa bɛkɔɔtenatena kongonyi nemɔ anu, nyɔbotaen ndokuro nemɔ anu, ndire mmowue mmowue ne nzenzaen amukoraa so.

Yeremia 33:22

Kyɛbɔ bɛngɔhora ewienu nzramaa ka, ná bɛngɔhora mboanoa anweaa susu ne, sɔ alaa yeɛ ngɔmaa me somvoɛ Dawide ye boso ama, yeɛ Lewifoɛ bɔ bɛso me ne, bɛkɔta pee ɔ.”

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Mika 2:12

Ao, Yakob, ngɔboa ɛmɔ amukoraa ɛmɔ noa amba, amba, ngɔboa Yisrael ngaa ne bɛ noa; ngɔhã bɛ ngɔbɔ nu kyɛ Bosra mmoaen, kyɛ mmoaen kure bɔ begua bɛ tuin nu ɔ, na bɛkɔyɛ dede pee, ɔnate kyɛ bɛte mmenia bɔ bɛsone ne ati.

Sakaria 9:11

Na wɔ koso, ɔnate w’apam mogya ne ati, wɔ mmenia bɔ begua kuku nu ne, ngɔye bɛ ngofi kumaa bɔ nzue nne nu ne anu.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.