Sakaria 10:7 - AHYERƐLƐ KRONGRON

⁷ Efraim kɔyɛ kyɛ katakyie, na bɛ ti anu kɔyɛ bɛ fɛfɛɛfɛ kyɛ bano nzaa ɔ. Amba, bɛ mma konwu ye, na bekoli ahurusi, na bɛ ti anu kɔyɛ bɛ fɛfɛɛfɛ wɔ AWURADE nu.

Sakaria 10:7 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Gyenesise 43:34

Bɛfale aleɛ ne bie befili Yosef poen ne aso bɛbrɛle bɛ, nakoso Benyamin de, né ye deɛ te bɛ ngaa ne deɛ mmɔhoɛ nnu. Yiti bɛnone nzaa, na bɛ ne Yosef bɛ mukoraa bɛ nye gyele.

Edwein 102:28

Wɔ somvoɛ mɔ, bɛ mma mɔ kɔtena ase asomdwee nu, bɛ boso ama mɔ, bɛ bo kotimu wɔ wɔ nyunu.

Edwein 104:15

ɔne nzaa bɔ ɔma sona nye gye ɔ, ɔne sakyeɛ bɔ ɔma sona nyunu yɛ mmenanwo mmenanwo ɔ, yeɛ aleɛ bɔ ɔma sona wora kyekye ɔ.

Edwein 13:5

Na me de, mafa me nwo mato wɔ ɔdɔ bɔ onni ngasi ne aso; na wɔ ngoalelɛ ne, ngoli ahurusi wɔ nu.

Edwein 28:7

AWURADE te m’anwoserɛ ne m’akokyɛm, ye yeɛ me nye la ye so ɔ; yiti ɔboka me, na me nye gye. Ngɔfa me dweintolɛ ngɔla ye ase.

Edwein 33:21

Yɛ nye agye wɔ ye nu, ofikyɛ yɛ wora wura ye dumaa krongron ne anu.

Edwein 90:16

Ma wɔ somvoɛ mɔ benwu wɔ nnwumaa, w’animnyam ne, ye ye ali kyire bɛ mma mɔ.

Yesaya 25:9

Na sɔ kyẽa ne, mmenia kose kyɛ, “Ɛ́mɔnea, yɛ Nyameɛ bɔ yɛ nye la ye so kyɛ okole yɛ ne, ye ɛhe! AWURADE bɔ yafa yɛ nye yato ye so ne, ye ɛne. Ɛ́mɔma yɛ nye gye, ná yɛli ahurusi wɔ ye ngoalelɛ ne anu.”

Yesaya 38:19

Ateasefoɛ, ateasefoɛ yeɛ bɛda wɔ ase ɔ, kyɛbɔ ɛnɛ meda wɔ ase ye; baba yeɛ okyire mmaa wɔ nahorɛlilɛ ne ɔ.

Yesaya 54:13

AWURADE kohyirehyire wɔ mma mukoraa nikye, na wɔ mma konya asomdwee pee.

Yesaya 66:14

Ɛmɔnwu ye sɔ a, ɛmɔ nye kɔgye“‘, ɛmɔ bowue nu komia kyɛ ndire frɔmfrɔm, mmenia konwu kyɛ AWURADE tumi gyi ye somvoɛ mɔ si, na ye ahone hu ye pɔfoɛ mɔ so.

Yeremia 32:39

Ngɔma bɛ ahone ko ne atee ko, amaa ɔnate so basuro me afebɔɔ, ɔnate bɛ bɔbɔ bɛ yeeyɛlɛ, ɔne kyẽa bie bɛ mma mɔ yeeyɛlɛ ti.

Hesekiel 37:25

Bɛkɔtena aseɛ bɔ mva mane me somvoɛ Yakob, bɔ ɛmɔ nana mɔ tenane so ne aso; na bɛ ne bɛ mma mɔ ne bɛ nnomaa mɔ bɛkɔtena berɛ daa, na me somvoɛ Dawide koli bɛ so panyi daa.

Yoel 2:23

Ɛmɔ, Sion mma mɔ, ɛ́mɔma ɛmɔ nye gye, ná ɛmɔli AWURADE ɛmɔ Nyameɛ nu ahurusi, ofikyɛ wama asuso atikye wama ɛmɔ wɔ mmerɛ bɔ ɔsɛ ɔ nu, na wama bamborɔ watɔ wama ɛmɔ, asuso ɔne bamborɔ kyɛ daa ne ala.

Habakuku 3:18

nakoso me de, ngoli ahurusi wɔ AWURADE nu. Ngɔma me nye kɔgye wɔ me ngoadefoɛ Nyameɛ nu.

Sefania 3:14

O Sion awa brasua, to ahurusi dwein, O Yisrael, bɔ ese! Ma wɔ nye gye ná fa w’ahone amukoraa di ahurusi, O Yerusalem awa brasua!

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Sakaria 9:15

Asafo AWURADE kɔbɔ bɛ nwo waen, bekoli ngonim, bekohwi bɛkɔfa taya nyɔboɛ so, bɛkɔno, na bɛkɔbɔ ese kyɛ ebiaa babobo ne, bɛ ko koyi kyɛ talie, kyɛ afɔleɛ bokyea ndweasoɛ nemɔ.

Sakaria 9:17

Ah, kyɛbɔ osi te paa ɔ, kyɛbɔ ye nwo si yɛ nyemene ɔ! Aburoo kɔma mmerandeɛ mɔ kɔyɛ tukutukuu, na nzaa monɛ koso kɔma ndaluwa kɔyɛ sɔ ala.

Luka 1:47

na me sunzum di ahurusi wɔ me Ngoadefoɛ Nyameɛ nu;

Yohane 16:22

Na ɛmɔ koso, kekesaala ye de, ɛmɔdi aworabɔlɛ, nakoso ngonwu ɛmɔ bieku, na ɛmɔ ahone kɔtɔ ɛmɔ kunu; na ɛmɔ anigye ne, ebiala ngole ngofi ɛmɔ sa nu.

Asomafoɛ 13:33

kyɛ anohoba bɔ Nyameɛ bɔle yɛ nana mɔ ne, ɔnate Yesu bɔ otingyele ye ne aso wamaa wawa nu wama yɛ mɔ bɔ yɛte bɛ bosofoɛ ne, kyɛbɔ bahyerɛ ye wɔ Edwein bɔ ɔtɔ so nyɔ ne anu kyɛ, ‘Ɛte Mma; ɛnɛ mayɛ wɔ Baba.’

Asomafoɛ 2:26

Yiti m’ahone lili ahurusi, na me temverema nwo sandele ye; na me nwonaen koso kɔla wɔ anyelasoɛ nu.

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

Filipifoɛ 4:4

Ɛ́mɔma ɛmɔ nye gye wɔ Awurade nu daa. Mesi so bieku kyɛ, ɛ́mɔma ɛmɔ nye gye!

1 Petro 1:8

Ye yeɛ ɛmɔnnwuni ye, nakoso ɛmɔkuro ye dwirɛ; ɔwɔ nu kyɛ kekesaala ye de ɛmɔnnwu ye, nakoso ɛmɔde ye bedi, na ɛmɔanya anigye bɔ olle kabea bɔ animnyam wɔ nu ɔ,

1 Samuel 2:1

Afei Hana bɔle mbaeɛ kyɛ, “Me wora akyekye wɔ AWURADE nu; AWURADE nu yeɛ m’anwoserɛ wɔ ɔ. Mesere me pɔfoɛ mɔ, me nye gye, ofikyɛ ali ngonim ama me.