Sakaria 10:6 - AHYERƐLƐ KRONGRON

⁶ “Ngɔma Yuda awuro ama b’ahone kɔyɛ se, na ngɔpepɛ ngole Yosef awuro ama. Ngosa ngɔfa bɛ ngɔwa ngɔɔbɔ bɛ atenaseɛ, ofikyɛ manwu bɛ anwumvoin, ngɔyɛ bɛ kyɛ nna bɛ yeɛ mbole bɛ ne, ofikyɛ me ole AWURADE bɛ Nyameɛ, na ngotie bɛ sufrɛ.

Sakaria 10:6 Iomraidhean Croise

Edwein 89:21

Me tumi kogyina ye si, na m’abasa ne kɔma ye anwoserɛ.

Yesaya 11:12

Ɔkɔfa frangaa kɔpena berɛ kɔma maen maen mɔ, bɛ bɔ bapɛ b’asue bafi Yisrael ne, ɔkɔboaboa bɛ noa, yeɛ bɛ bɔ babɔ aya bafi Yuda ne, ɔkɔboaboa bɛ noa kofi aseɛ ndweasoɛ nna ne aso.

Yesaya 14:1

Amba, AWURADE konwu Yakob anwumvoin. Okosa kɔneanea nu kɔye Yisrael, na ɔkɔfa bɛ koolua bɛ bɔbɔ b’aseɛ so. Na amanvrafoɛ kɔɔboka bɛ so bɛkɔfa bɛ nwo bɛkɔbɔ Yakob boso ama.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 54:4

“Nnɛsuro, ofikyɛ wɔ nyunu ngogua ase, nnɛmaa ɔyɛ wɔ nya, ofikyɛ animguaseɛ ngɔhã wɔ, ofikyɛ wɔ wora kofi wɔ ndaluwa nu nyanzoen ne, yeɛ wɔ kunalilɛ nu animguaseɛ ne, ɛngɔkaye ye ko.

Yesaya 54:8

Mvɛle ɛyaa piri paa, na mvale me nyunu mveale wɔ mmerɛ kãa bie, nakoso ngɔfa ɔdɔ bɔ olle ayieleɛ ɔ ngonwu wɔ anwumvoin, AWURADE, wɔ Defoɛ ne, ye noa dwirɛ ɛne.

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Yeremia 3:18

Sɔ mmerɛ ne anu, Yuda awuro ama kɔboka Yisrael awuro ama nemɔ aso, na aseɛ bɔ mva mane ɛmɔ nana mɔ maa ɔyɛle b’agyapadeɛ ne, bɛkɔbɔ nu bekofi sorɔ dɔ aseɛ ne aso bɛkɔwa so.

Yeremia 30:18

“Bɔ AWURADE kã ɛhe: Tie, ngɔfa Yakob ɛtena sua mɔ ngosa ngofi nnurehyelɛ nu ngɔwa, na ngonwu ye atenaleɛ nemɔ anwumvoin. Bekosa bɛkɔkyekye kuro ne wɔ ye boso, ná bagyina ahemvie ne wɔ nekaa bɔ né ogyi daa ne.

Yeremia 30:20

Bɛ mma mɔ kɔyɛ kyɛbɔ né bɛte daa ne ala, bɛ badwa ne kotindim wɔ me nyunu; na bɛ bɔ bɛtane bɛ nye ne, ngɔhwe bɛ mukoraa bɛ so.

Yeremia 31:1

“Sɔ mmerɛ ne, ngɔyɛ Yisrael mmusua nemɔ amukoraa bɛ Nyameɛ, na bɛ koso bɛkɔyɛ me maen, AWURADE noa dwirɛ ɛne.”

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Yeremia 31:31

“Tie, mmerɛ bie ɔ́ba bɔ me ne Yisrael awuro ama ne Yuda awuro ama yɛkɔyɛ apam foforɛ, AWURADE noa dwirɛ ɛne.

Hesekiel 36:11

Ngɔma mmenia ne ngaka bɛkɔta pee wɔ ɛmɔ so; bɛkɔwowo bɛkɔsone pee. Ngɔmaa mmenia kɔtenatena ɛmɔ so kyɛ daa ne ala, na ngɔlo ɛmɔ ngɔtra bɔ nyɛle ɛmɔ daa ne, na afei ɛmɔkonwu kyɛ me ole AWURADE.

Hesekiel 36:37

“AWURADE Nyameɛ nwa nyoo: Asa koso, ngɔma Yisrael awuro ama bɛkɔsrɛ me maa ngɔyɔ ɛhe ngɔma bɛ: Ngɔmaa bɛkɔyɛ mmenia bɔ bata pee kyɛ mmoaen kure ɔ.

Hesekiel 37:16

“Sona awa, fa bakaa ná kyerɛ so kyɛ, ‘Ogyi berɛ ma Yuda, ɔne Yisraelfoɛ bɔ bɛboka ye so ne.’ Afei fa bakaa bieku, ná kyerɛ so kyɛ, ‘Ogyi berɛ ma Yosef bɔ ɔte Efraim bakaa ne, ɔne Yisraelfoɛ amukoraa bɔ bɛboka ye so ne.’

Hesekiel 39:25

“Yiti AWURADE Nyameɛ nwa nyoo: Ngosa ngɔfa Yakob ngofi nnurehyelɛ nu ngɔwa, na ngonwu Yisrael awuro ama mukoraa anwumvoin, na ngɔhwe me dumaa krongron ne nwo nungunɛ.

Hosea 1:11

Yudafoɛ ne Yisraelfoɛ bɛkɔbɔ nu bekoyia, ná bɛkɔye panyi ko maa okotua bɛ noa. Na bekofi aseɛ ne aso bɛkɔwa, ofikyɛ Yesreel kyẽa ne kɔyɛ kyẽa piri.

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Hosea 2:23

Ngolua ye ngɔma me nwo wɔ aseɛ ne aso. Ngonwu bɔ mannwu ye anwumvoin ne anwumvoin, na ngose bɔ ɔtte me maen ne kyɛ, ‘Ɛte me maen,’ na bɛ koso bɛkɔhã kyɛ, ‘Ɛte me Nyameɛ.’ ”

Obadia 1:18

Yakob boso ama kɔyɛ see, Yosef boso ama kɔyɛ see bɔ ogye ɔ, na Yisɔ boso ama de, bɛkɔyɛ ngyɛngyɛma, na bɛkɔsɔ wɔ bɛ nu bɛkɔyera bɛ. Yisɔ boso ama biala ngɔha, ofikyɛ bɔ AWURADE ahã hɔ ɛne.

Mika 4:13

Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.

Mika 4:6

Na sɔ kyẽa ne, ngɔboaboa mmubuafoɛ mɔ noa, na ngɔboaboa bɛ bɔ bapɛ bɛ asue mɔ noa, ɔne bɛ bɔ mafa bɛ mafa yealɛ nu ɔ bɛ noa, AWURADE noa dwirɛ ɛne.

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Mika 7:16

Maen maen mɔ konwu ye, na bɛ nyunu kogua ase, b’anwoserɛ amukoraa si ne. Bɛkɔfa bɛ sa bɛkɔto bɛ noa, na bɛ so koti.

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 10:12

Ngɔmaa bekogyina pindinn wɔ AWURADE nu, na ye dumaa nu yeɛ bɛkɔnate ɔ,” AWURADE noa dwirɛ ɛne.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Sakaria 8:11

Nakoso kekesaala ye de, maen he mmenia bɔ baha ne, me ne bɛ ngoli ye kyɛbɔ nyɔle ye daa ne, Asafo AWURADE noa dwirɛ ɛne.

Sakaria 9:16

Na sɔ kyẽa ne, AWURADE bɛ Nyameɛ kole bɛ ngoa, ɔnate kyɛ bɛte ye maen mmoaen kure, ofikyɛ bɛkɔyɛ kyɛ mbembenanneɛ bɔ betuatua abotire nu bɔ bɛta wɔ ye aseɛ so ɔ.