Sakaria 10:5 - AHYERƐLƐ KRONGRON

⁵ Na bɛkɔyɛ kyɛ katakyie mɔ bɔ betiatia bɛ pɔfoɛ mɔ so wɔ mmorɔnoɛ so nnɛterɛ nu wɔ koɛ nu ɔ. Bɛkɔho koɛ, ofikyɛ AWURADE gyi bɛ si, na pɔngɔhanɛfoɛ bɔ bɛtete pɔngɔ so ɔ bɛ nyunu kogua ase.

Sakaria 10:5 Iomraidhean Croise

2 Samuel 22:43

Ndini bɛ muhumuhu kyɛ aseɛnwo mvuture, na ndiatiale bɛ so nwɔle bɛ kyɛ dwaaso nnɛterɛ.

2 Samuel 22:8

Yeɛ aseɛ pusuli, na ɔwosole; nyameɛso nyinasoɛ ye bo kekane, na ɔwosole, ɔnate kyɛ Nyameɛ ahone huli.

2 Ahemvo 9:33

Yehu hane kyɛ, Ɛ́mɔfindi ye bɛto aseɛnwo faen.” Yiti befindini Yesebɛl bɛtole aseɛnwo. Ye mogya ne bie bɔ petene terɛ ne anwo ɔne mbɔngɔ bɔ betiatiale ye so nemɔ nwo.

Edwein 18:42

Ndini bɛ muhumuhu kyɛ mvuture bɔ mvrama hu ye kɔ ɔ, na mvindini bɛ nguale kyɛ dwaaso nnɛterɛ.

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Edwein 33:16

Ɛhene biala, nna ye koɛhonɛfoɛ somaa yeɛ bɛkora bɛpepɛ bede ye ɔ; yeɛ koɛhonɛniɛ koso, nna ye anwoserɛ kandinga yeɛ ɔpepɛ de ye ɔ.

Edwein 44:5

Wɔ tumi yeɛ yɛfa yɛdi yɛ pɔfoɛ mɔ so ngonim ɔ, na wɔ dumaa nu yeɛ yɛtiatia bɛ bɔ bedwɔso betia yɛ ɔ so ɔ.

Edwein 45:3

Ao Tuminiɛ, fa wɔ ngrandɛ wura bɔha nu si wɔ taku so, wɔ w’animnyam ne w’ahennie nu animnyam ne anu.

Yesaya 10:6

Maen bɔ benzuro Nyameɛ yeɛ masoma ye kyɛ ɔɔhwe bɛ so ɔ, mahyɛ ye kyɛ ɔɔhwe maen bɔ mafɛ ye so yaa piri paa ne so, kyɛ ɔɔfẽ ye nningyein ɔfa yɛ koɛ nu nzesadeɛ, ná otiatia bɛ so te kyɛ dwaaso nnɛterɛ.

Yesaya 25:10

AWURADE tumi asaa ne kɔtena bokaa he aso, nakoso Moabo de, okotiatia ye so kɔbɛtɛ ye, kyɛbɔ betiatia ewura so wɔ fofoɛ so ɔ.

Yesaya 31:1

Bɛ yaakɔ, bɛ bɔ bɛkɔ Misraim bɛkɔpena mmokalɛ, bɔ bɛfa bɛ nye bɛto mbɔngɔ so, bɔ ɔnate teaseɛnam mɔ bɛ somaa ti bɛfa bɛ wora bewura bɛ nu, bɔ ɔnate pɔngɔhanɛfoɛ mɔ b’anwoserɛ ti bɛfa bɛ wora bewura bɛ nu, nakoso bɛmva bɛ nwo bɛndo Yisrael Krongronniɛ ne so ɔ, anaakyɛ bɛmbena AWURADE si atee ɔ.

Yesaya 41:12

Ɛkɔpena bɛ bɔ bɛmbena wɔ yé ne, nakoso engonwu bɛ, na bɛ bɔ bɛfa koɛ bɛtoa wɔ ne, b’ayieleɛ koyie bɛ pasaa.

Yesaya 41:25

Makanyane ebie mafi sorɔ dɔ maa wawa, okofi eyia afiteleɛ dɔ ɔkɔye me dumaa ayɛ. Okoti ahemvo mɔ kyɛ oti nnɛterɛ ɔ, kyɛbɔ ngukuenwonɛniɛ dɔne ɛfaa ɔ.

Yesaya 8:9

Maen maen mɔ, ɛmɔ de, ɛ́mɔhã ɛmɔ nwo bɛbɔ nu, nakoso ɛmɔkoli ngoguo, dedeede maen mɔ amukoraa, ɛ́mɔyɛ asoɛ bétie, ɛ́mɔyɛ koɛ nu anwoboa, nakoso ɛmɔkoli ngoguo, ɛ́mɔyɛ koɛ nu anwoboa, nakoso ɛmɔkoli ngoguo.

Hesekiel 38:15

Ekofi w’atenaleɛ wɔ sorɔ dɔ paa kɔwa, ɛne maen maen pee bɔ bɛboka wɔ so ɔ, bɔ bɛ mukoraa bɛtete mbɔngɔ so ɔ, ɛlɔen pirikua ne koɛhonɛfoɛ anwoserɛfoɛ;

Amose 2:15

Agyaentolɛniɛ ngɔhora ngogyina ye gya so; sona bɔ ye gya bo so yɛ nyera ne, ɔngɔhora ngɔpepɛ ngole ye nwo, yeɛ pɔngɔhanɛniɛ ngɔhora ngɔpepɛ ngole ye nwo.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Mika 7:10

Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

Sakaria 12:4

AWURADE nwa nyoo, sɔ kyẽa ne, ngɔte anyesotanɛ ngogua pɔngɔ biala so, yeɛ ngɔte ɛlaenbɔlɛ ngɔto bɔ ɔte ye so ne aso. Nakoso Yuda awuro ama de, ngɔlo bɛ, na ngɔprapra anyesiniwaa ngogua maen maen mɔ bɛ pɔngɔ biala so.

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Sakaria 14:13

Sɔ kyẽa ne, AWURADE kɔma ahunundetelɛ piri kɔtɔ bɛ so, maa ɔnate so ebiala kɔpari kɔsɔ obiɛngo sa, na bɛkɔbobɔ bɛ nwo.

Sakaria 14:3

Na afei AWURADE kotu kɔtengyɛ ɔne sɔ maen maen nemɔ bɛkɔɔho, kyɛbɔ ɔhone koɛ wɔ koɛ kyẽa ne ala.

Sakaria 9:13

Ofikyɛ makondo Yuda mayɛ m’agyaen, mafa Efraim mayɛ agyaen bakaa mawura nu, O Sion, ngɔkanyane wɔ mma mmienzua mɔ maa bekodwɔso bekotia Hela mma mmienzua mɔ, na ngɔfa wɔ ngɔyɛ kyɛ katakyie ngrandɛ.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Luka 24:19

Na obisale bɛ kyɛ, “Nzikyɛ dwirɛ ɔ?” Na bebuale ye kyɛ, “Ɔfa Nasarɛteniɛ Yesu bɔ ɔte ngɔmhyɛlɛniɛ bɔ ole tumi wɔ nnwumaa ne edwudwolɛ nu, wɔ Nyameɛ ne maen ne amukoraa nyunu nwo,

Asomafoɛ 18:24

Yudaniɛ bie bɔ bɛfrɛ ye Apolo, bɔ bɛwole ye Aleksandria ɔ, ɔwale Ɛfeso. Ɔte sona bɔ ye noa ate ná afei wasa wabe wɔ Ahyerɛlɛ ne anu paa.

Asomafoɛ 7:22

Bɛfale Misraim nworɛ amukoraa yeɛ bɛtetele Mose ɔ, na onyane nimdeɛ wɔ ye dwudwolɛ ne ye brabɔlɛ nu.

2 Korintofoɛ 10:4

Ofikyɛ y’akodeɛ bɔ yɛfa yɛko ne ɔtte anwoɔnaen nu akodeɛ, na mmom ɔte Nyameɛ tumi akodeɛ bɔ yɛfa yɛdwiri anwoserɛ afealeɛ mɔ yɛgua ɔ.

Deuteronomi 20:1

“Sɛ ɛne wɔ pɔfoɛ mɔ bɛkwaaho koɛ, ná sɛ enwu mbɔngɔ mɔ ne teaseɛnam mɔ, ɔne ɛlɔen bɔ bɛsone bɛtra wɔ a, nnɛsuro bɛ; ofikyɛ AWURADE wɔ Nyameɛ bɔ ɔyele wɔ fili Misraim aseɛ so wale ne, ogyi wɔ si.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

2 Timoteo 4:7

Koɛ paa ne, maho; amirika ne, matu mayie; gyidie ne, masɔ nu.

Yosua 10:14

Ofikyɛ AWURADE ho mane Yisraelfoɛ. Kyẽa bɔ ɔte sɔ de, né ebie ɔwwale le, yeɛ ofi sɔ kyẽa ne koso, sɔ kyẽa ne bie amma le, bɔ yeɛ AWURADE tiele kuro sona sufrɛ sɔa ɔ.

Yosua 10:42

Yosua lili ahemvo hemɔ amukoraa ne b’aseɛ so ngonim wɔ koɛ komapɛ anu, ofikyɛ AWURADE Yisrael Nyameɛ yeɛ ɔho mane Yisrael ɔ.

Nyekyire 19:17

Na nwuni kyɛ abɔfo bie ogyi eyia so ɔ. Na ɔteane nu serɛserɛ frɛle nnomaa amukoraa bɔ betu bɛfa ewienu kyɛ, “Ɛmɔbra beeyia Nyameɛ poentolɛ piri ne abo,

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”