Sakaria 10:4 - AHYERƐLƐ KRONGRON

⁴ Ye nu yeɛ ndweasoɛ nyɔboɛ ne kofi ɔ, ye nu yeɛ pɛmbɛen ne kofi ɔ, ye nu yeɛ koɛhonɛ agyaen ne kofi ɔ, ye nu yeɛ maenbulɛniɛ biala kofi ɔ.

Sakaria 10:4 Iomraidhean Croise

Gyenesise 49:24

nakoso wando ye agyaen ne, Ɔnate Yakob ye Tuminiɛ ne ye anwoserɛ ti, ye abasa nu kɔyɛ se. (Ɔnate Mmoaenneafoɛ bɔ yeɛ ɔte Yisrael Nyɔbotaen ne dumaa nu).

Ɛsra 9:8

Nakoso mmerɛ kãa ye anu de, AWURADE yɛ Nyameɛ walo yɛ. Wama yɛ ngaa ne yanya yɛ ti yadidi nu, na wabɔ yɛ atenaseɛ wɔ ye nekaa krongron berɛ, kyɛ ɔfa kyekye yɛ wora ná ɔma yɛ nwo tɔ yɛ kãa fi nganga tebea bɔ yahɔ nu ne anu.

Edwein 118:22

Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ.

Yesaya 19:13

Soan nnehyeɛ nemɔ bakakyi ngwaseafoɛ, mmenia alakalaka Memfise nnehyeɛ mɔ, mbanyi bɔ bɛlela ye mmusua nemɔ noa ne, balakalaka Misraim maa wali makyebu.

Yesaya 28:16

Yiti AWURADE Nyameɛ nwa nyoo: “Ɛ́mɔtie, méfa nyɔboɛ bie méto fapem wɔ Sion, nyɔboɛ bɔ maso manea, ndweasoɛ nyɔboɛ bɔ ye nyɔboɛ yɛ se bɔ otimu berɛ pindinn ɔ: ‘Ebiala bɔ ɔkɔfa ye nwo kɔto so ne, ɔngɔte ngɔtɔ.’

Yesaya 49:2

Ɔmane me noa dwirɛ yɛle kyɛ ngrandɛ nnaennaen, ɔfale me feale ye sa bo fɔnwoo nu, ɔfale me yɛle agyaen anoa tworɔntworɔn, na ɔfale me siele ye ndokue nu.

Yesaya 54:16

Tie, me yeɛ mmɔle buralɛ dwumvoɛ bɔ ofita ebunaen see nu, ná ɔbɔ akodeɛ maa akodeɛ ne fata adwuma bɔ bɛfa bɛyɔ ɔ. Nakoso me ala yeɛ mmɔle sɛkyefoɛ kyɛ ɔsɛkye nningyein ɔ.

Yeremia 1:18

Tie, ɛnɛ kyẽa ye, mafa wɔ mayɛ kuro bɔ babɔ ye nwo waen ɔ, buralɛ bonima ne kɔɔbere fasue matia maen ne amukoraa: Yuda ahemvo, ye atitire mɔ, ye asɔfo mɔ ne aseɛ ne aso ama.

Yeremia 51:20

Wɔ yeɛ ɛte m’abopura ne koɛ nu akodeɛ ɔ, mefa wɔ yeɛ mebubu maen maen mɔ nu ɔ, na mefa wɔ yeɛ mesɛkye ahennie mɔ ɔ;

Sakaria 9:10

Ngonua teaseɛnam mɔ boso ngofi Efraim, ngonua mbɔngɔ boso ngofi Yerusalem, yeɛ ngonua koɛhonɛ agyaen boso. Ɔkɔhã asomdwee dwirɛ kohyire maen maen mɔ, ye ahennie kofi ɛpo kɔɔhã ɛpo, okofi asue ne kɔɔhã aseɛ noa dɔ.

Sakaria 9:8

Afei ɔnate ɛlɔen ne ati, ngɔto waen ngɔfa m’awuro ne anwo, ɔnate mmenia bɔ bɛpɛ nu berɛ bɛkɔ, ɔne bɛ bɔ besa bɛba ne ati, na nhyɛsoɛniɛ biala ngɔpɛ nu ngɔfa bɛ nu berɛ ko, ofikyɛ afei de, mefa me nye menea.

Numeri 24:17

Bɔ menwu ye mefa ye nwo ne, nna kekesaala ye yeɛ ɔkɔwa nu ɔ; bɔ me nye tua fa ye nwo ne, ongosi kekesaala ye. Nzramaa bie kofi Yakob nu kofite, na ɛhɔtɔ bie kofi Yisrael nu kodwɔso. Okoli Moabo mbanyi so ngonim, ná wabrɛ Sɛti boso ama amukoraa ase.

Mateo 9:38

Yiti ɛ́mɔsrɛ nnɔbaeɛtelɛ Mene ne, ná ɔma adwumayɔlɛfoɛ bɛbra ye nnɔbaeɛtelɛ adwuma ne anu.”

Luka 20:17

Nakoso ɔneane bɛ haa, na obisale kyɛ, “Né nzaade, ye bo kyire sɛɛ, ɛhe bɔ bahyerɛ ye kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ.’

Ɛfesofoɛ 2:20

Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

2 Timoteo 2:4

Sraaniɛ bɔ ogyi koɛ noa nen, ɔmva daadaa asetena nu dwirɛ mɔ ngyekye ye nwo, ofikyɛ okuro kyɛ ɔsɔ bɔ ɔfale ye adwuma ne nye.

1 Petro 2:6

Ofikyɛ ɔwɔ Ahyerɛlɛ ne anu kyɛ: “Tie, méfa ndweasoɛ nyɔboɛ titire bɔ maneanea nu maye ye, ná odi mu ɔ meto Sion, na ebiala bɔ ode ye di ne, ye nyunu ngogua ase.”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

1 Samuel 14:38

Yeɛ Sɔɔlo sele kyɛ, “Safohene mɔ amukoraa, ɛmɔbra wa. Ɛ́mɔma yɛ́pena atee bɔ bɔne he nate so wale ɛnɛ ɔ.