Sakaria 10:3 - AHYERƐLƐ KRONGRON

³ “M’ahone ahu mmoaenneafoɛ nemɔ so, na ngɔhwe mbɔngye nemɔ so; ofikyɛ Asafo AWURADE kɔɔpasa ye mmoaen kure bɔ ye ole Yuda awuro ama ne anwo, na ɔkɔfa bɛ kɔyɛ kyɛ ye anidie pɔngɔ wɔ koɛ nu.

Sakaria 10:3 Iomraidhean Croise

YOB NWOMAA NE 39:25

Behu totorobɛndo a, ɔtea nu kyɛ, ‘Yieee!’ Koɛ wɔ dedeede a, ɔte ye nwo mverɛ, yeɛ safohene mɔ b’esebɔlɛ ne koɛ esebɔlɛ koso, ɔwɔ dede a, ɔte.

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Anyandera 21:31

Besiesie pɔngɔ bɛfa bɛnwondɛ koɛ kyẽa, nakoso ngonimlilɛ de, ɔwɔ AWURADE sa nu.

Edwein Nu Dwein 1:9

O wɔ bɔ mekuro wɔ ɔ, mefa wɔ metoto Faro teaseɛnam mbɔngɔ nemɔ anwo.

Yesaya 10:12

Sɛ AWURADE yɔ ye adwuma mukoraa wɔ Sion bokaa so ne Yerusalem yie a, ɔkɔhwe Asiria hene so wɔ ye anwomasoɛ mvamva ne ye dwɛɛ ne anwo.

Yesaya 24:21

Na ɔkɔwa kyɛ, sɔ kyẽa ne, AWURADE kɔhwe anwuro abɔdeɛ mɔ bɔ bɛwɔ ewienu ɔ bɛ so, yeɛ ɔkɔhwe aseɛ so ahemvo mɔ bɔ bɛwɔ aseɛ so ɔ bɛ so.

Yeremia 10:21

Ofikyɛ neafoɛ nemɔ bagyimi, na bɛmbena AWURADE si ate; yiti wanyie bɛ yé, na bɛ mmoaen amukoraa babɔ aya.

Yeremia 11:22

Yiti bɔ Asafo AWURADE kã ɛhe: “Tie, ngɔhwe bɛ so, mmerandeɛ nemɔ kɔtotɔ ngrandɛ noa, na ɛhɔen kɔma bɛ mma mmienzua ne bɛ mma mmrasua bekowuwu,

Yeremia 25:12

Na ɔkɔwa kyɛ, afoɛ aburasoo ne asi ne, Babilɔn hene ne sɔ maen ne bɔ ɔte Kaldeafoɛ b’aseɛ ne, ngɔhwe bɛ so, ɔnate b’amumuyɛɛ ti, na ngɔma aseɛ ne kɔyɛ kurofoen afebɔɔ, AWURADE noa dwirɛ ɛne.

Yeremia 25:34

“Ɛmɔ, mmoaenneafoɛ, ɛ́mɔbɔ awuye ná ɛ́mɔsu; mmoaen kure nemɔ so atitire mɔ, ɛ́mɔmunumunu ɛmɔ nwo wɔ nzoen nu, ofikyɛ ɛmɔ hunɛ ne ɛmɔ ayabɔlɛ ngyẽa ne wadwu, na ɛmɔkowuwu kyɛ mmoaen nyii bɔ balɔ ɔ.

Yeremia 50:6

“Me maen akakyi mmoaen bɔ bamini ɔ; bɛ neafoɛ nemɔ amaa bali makyebu. Bɛmaa behyinini wɔ mmokaa nemɔ aso; bafi mmokaa so bahɔ pambaa mɔ so, bɛ wora afi bɛ dabea.

Hesekiel 34:11

“Ofikyɛ AWURADE Nyameɛ nwa nyoo: Tie, me, me bɔbɔ ngɔɔpena me mmoaen nemɔ boso, na ngɔnea bɛ so.

Hesekiel 34:12

Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Daniel 11:32

Na bɛ bɔ bebu apam ne aso ne, ɔkɔfa ye noa dwirɛ menemene kɔhwehwe bɛ kɔsɛkye b’adwene; nakoso bɛ bɔ bɛse bɛ Nyameɛ ne de, bekosi bɛ hue bɛkɔho bekotia sɔ nikyee ne.

Sefania 1:8

AWURADE afɔleɛ kyẽa ne dwu a, ngɔhwe atitirefoɛ mɔ ne ɛhene mma nemɔ bɛ so, bɛ ne bɛ bɔ bewura maen bie sofoɛ mɔ bɛ ndaadeɛɔ.

Sefania 2:7

Mboanoa aseɛ ne kɔyɛ Yuda awuro ama bɔ banya bɛ ti badidi nu ɔ bɛ deɛ, bɔ bɛkɔfa ngaka bɛkɔhɔ so adidie ɔ, na Asekelɔn awuro mɔ nu yeɛ bekobutubutu nɔsoa ɔ; ofikyɛ AWURADE bɛ Nyameɛ kɔpɛ ye nye kɔnea bɛ, na ɔkɔfa bɛ bɔ bahye bɛ nnure nemɔ kosa kɔwa.

Sakaria 11:17

Mmoaenneafoɛ tɛɛ bɔ ɔto mmoaen nemɔ asaworam ne, ye yaakɔ! Ngrandɛ kɔpɛ ye sa, yeɛ okotu ye nye famaa. Ye sa kowu bɔkɔɔ, na ye nye famaa kosi bɔkɔɔ.”

Luka 1:68

“Animnyam hã Awurade, Yisrael Nyameɛ ne, ɔnate kyɛ waapasa ye maen nwo, na wapɔ ye wale ye,

1 Petro 2:12

Ɔwɔ nu kyɛ Amaenmaensofoɛ nemɔ bɛkekã ɛmɔ nwo dwirɛ kyɛ ɛmɔte bɔnefoɛ de, nakoso ɛ́mɔma ɛmɔ bra yɛ sannwuu wɔ bɛ nu, amaa banwu ɛmɔ bra paa ne, ná bahyɛ Nyameɛ animnyam wɔ kyẽa bɔ ɔkɔwa ne.

Rutu 1:6

Naomi tele ye wɔ Moabo aseɛ so kyɛ AWURADE alo ye maen maa banya aleɛ. Yiti ɔne ye sia mmrasua nemɔ besili nu kyɛ befi Moabo aseɛ so besa bɛkɔ ye kuro.