Sakaria 10:2 - AHYERƐLƐ KRONGRON

² Ofikyɛ abusua amoen nemɔ kekã ngwaseasɛm, ahɔmeɛ nemɔ benwu nnakannaka dwirɛ, na bɛ laleɛ nu dwirɛ bɔ bɛkekã ne, ɔte ngondombo; bɛkyekye ɛmɔ wora mbaen. Yiti maen ne kyinikyini kyɛ mmoaen, bɛyɛ anwumvo, ofikyɛ neafoɛ biala nne berɛ.

Sakaria 10:2 Iomraidhean Croise

Gyenesise 31:19

Né Laban ahɔ kyɛ ɔkwaapepɛ ye mmoaen nwo nwiaa, na Rahɛl wuale ɔse awuro mmosoen.

1 Ahemvo 22:17

Yeɛ Mikaya sele kyɛ, “Nwuni kyɛ Yisrael amukoraa babɔ aya wɔ mmokaa nemɔ aso kyɛ mmoaen bɔ belle neafoɛ ɔ; na AWURADE hane kyɛ, ‘Mmenia hemɔ, belle meneɛ. Ma ebiala ɔhɔ ye awuro asomdwee nu.’ ”

YOB NWOMAA NE 13:4

Na ɛmɔ de, ɛmɔ noa nu yeɛ ɛmɔbobɔ ɔ, ɛmɔ amukoraa bɛte safoɛ bɔ mvasoɛ nne ɛmɔ so ɔ.

YOB NWOMAA NE 21:34

Edwirɛ basabasa mbaen he, ɔkɔyɛ sɛɛ né ɛmɔahora bafa bakyekye me wora, wɔ aberɛ bɔ ɛmɔ mmuayɛɛ te ngondombo ngome ɔ?”

Yesaya 41:29

Tie, bɛ mukoraa bɛte mbaen, bɔ bɛyɔ ne, ɔtte huu, b’amoen mɔ bɔ bahuro nikyee bafa bayɔ ne, bɛte mvrama ne nikyee mbaen.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Yesaya 44:9

Bɛ bɔ bɛyɔ amoen ne, bɛ mukoraa bɛte mmenia mbaen, yeɛ sɔ nningyein ne bɔ bɛ nye gye ye nwo ne, mvasoɛ nne so. B’adanzefoɛ nemɔ, bennwu nikye, yeɛ bɛnze, yiti bɛ nyunu kogua ase.

Yesaya 46:5

“Nwa yeɛ ɛmɔkɔfa ye bɛkɔtoto me nwo, anaa ɛmɔkobu ye kyɛ ɔne me yɛte pɛ ɔ? Nwa yeɛ ɛmɔkɔfa ye bekosusu me kyɛ yɛte pɛ ɔ?

Yeremia 10:8

Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.

Yeremia 14:13

Yeɛ ngane kyɛ, “Aa, AWURADE Nyameɛ! Nea kyɛ ngɔmhyɛlɛfoɛ nemɔ bɛkekã bekyire bɛ kyɛ, ‘Ngrandɛ ngohũhũ ɛmɔ, yeɛ ɛhɔen ngɔpe ɛmɔ wa, na mmom ngɔmaa ɛmɔkonya asomdwee bɔ odi mu ɔ wɔ ɛwa.’”

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yeremia 23:17

Bɛkɔ so bɛkã bekyire bɛ bɔ bebu me animtia ne kyɛ AWURADE nwa nyoo, ‘Ɛmɔkonya asomdwee’; na bɛkã bekyire ebiala bɔ odi ye ti piri ɔyɛ asoserɛ ne kyɛ, ‘Musue biala ngɔto ɛmɔ.’ ”

Yeremia 23:32

Tie, me nye sa bɛ bɔ begyina ngondombo laleɛ so bɛhyɛ ngɔm bɛkekã bekyire mmenia ɔ, AWURADE noa dwirɛ ɛne; na bɛfa bɛ ngondombo ne bɛ suban tɛɛ so bɛma me maen di makyebu, wɔ aberɛ bɔ nnzomane bɛ, anaa mmvale ahyɛdeɛ mmmane bɛ ɔ. Yiti bɛ nwo ngɔwa mvasoɛ biala ngɔma maen he, AWURADE noa dwirɛ ɛne.

Yeremia 27:10

Ofikyɛ ngɔndorɔ yeɛ bedi bekyire ɛmɔ ɔ, kyɛbɔ ɔkɔyɛ bɔ bekotu ɛmɔ bo bekofi ɛmɔ aseɛ so maa ɛmɔkɔhɔ dedeede ɔ; kyɛbɔ ɔkɔyɛ bɔ ngɔfoa ɛmɔ ngofi ɛwa maa ɛmɔkowuwu ɔ.

Yeremia 27:14

Ngɔmhyɛlɛfoɛ bɔ bɛkekã bekyire ɛmɔ kyɛ, ‘Nnɛma ɛmɔso Babilɔn hene’ nen, nnɛma ɛmɔtie bɛ dwirɛ, ofikyɛ ngɔndorɔ yeɛ bedi bekyire ɛmɔ ɔ.

Yeremia 27:9

Yiti, nnɛma ɛmɔtie ɛmɔ ngɔmhyɛlɛfoɛ, ɛmɔ ahɔmeɛ, ɛmɔ mmenia bɔ bekyirekyire laleɛ bo, ɛmɔ ngonyaayelɛfoɛ, anaa ɛmɔ musueyelɛfoɛ bɔ bɛkekã bekyire ɛmɔ kyɛ, ‘Ɛmɔngɔso Babilɔn hene’ ne.

Yeremia 28:15

Na ngɔmhyɛlɛniɛ Yeremia sele ngɔmhyɛlɛniɛ Hanania kyɛ, “Hanania, tie, nna AWURADE yeɛ wasoma wɔ ɔ, nakoso ama maen he bale ngondombo bali.

Yeremia 29:8

Ofikyɛ Asafo AWURADE, Yisrael Nyameɛ nwa nyoo: Nnɛmɔma ɛmɔ nu ngɔmhyɛlɛfoɛ ne ngonyaayelɛfoɛ nemɔ bɛlakalaka ɛmɔ, yeɛ nnɛma ɛmɔtie bɛ laleɛ bɔ bɛkyekye nemɔ.

Yeremia 37:19

Ɛmɔ ngɔmhyɛlɛfoɛ bɔ bɛhyɛle ɛmɔ ngɔm kyɛ, ‘Babilɔn hene ɔngɔfa koɛ ngɔtoa ɛmɔ ne maen he’ ne, bɛwɔ nisua?

Yeremia 50:17

Yisrael te mmoaen kure bɔ babɔ ye basande ɔ; gyata mɔ afoa ye maa wanwati wahɔ. Bɔ oli moa ɔ, Asiria hene ahu ye, na bɔ ɔpɛ ye bo ɔ, Babilɔn hene Nebukadenesa abubu ye mmowue nu.

Yeremia 51:23

wɔ yeɛ mefa wɔ mebubu mmoaenneafoɛ ne ye mmoaen kure nu gɔsɔgɔsɔ ɔ, wɔ yeɛ mefa wɔ mebubu kuaniɛ ne ye nandwie nyii nyɔ bɔ bafa kɔnnua basosɔ bɛ babɔ nu ɔ nu gɔsɔgɔsɔ ɔ; wɔ yeɛ mefa wɔ mebubu maenbulɛfoɛ mɔ ne safohene mɔ nu gɔsɔgɔsɔ ɔ.

Yeremia 6:14

Bande bɛ nye bammia me maen ye ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Yeremia 8:11

Bande bɛ nye bammia me maen ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Awuye 2:14

Nningyein mbaen mbaen ne nnakannaka yeɛ wɔ ngɔmhyɛlɛfoɛ banwu bama wɔ ɔ; na banna w’amumuyɛɛ ali bɔ ɔnate so kɔmaa bɛkɔye wɔ bekofi nnurehyelɛ nu ɔ. Na mmom ngondombo ne nnakannaka nyekyire yeɛ banwu ye bama wɔ ɔ.

Hesekiel 21:21

Ofikyɛ Babilɔn hene waagyina ngwandaa ne aso, nekaa bɔ atee nyɔ nemɔ beyia ne, kyɛ ɔkɔ abisa. Ɔnwaha agyaen, obisa abusua amoen ne, na ɔnea brɛboɛ mɔ nu.

Hesekiel 21:29

wɔ aberɛ bɔ ngondombo nyekyire yeɛ benwu ye bɛma wɔ ɔ, bɛhyɛ wɔ ngɔm bɔ ɔtte nahorɛ ɔ, kyɛbɔ bɛkɔfa sɔ ngrandɛ ne bɛkɔpepɛ bɔnefoɛ bɛ ti ɔ, amumuyɛɛfoɛ bɔ bɛ kyẽa apingye, bɔ b’asohwenɛ mmerɛ adwu ne.

Hesekiel 34:5

Na bɛbɔle aya, ofikyɛ belle neafoɛ biala. Na bɛbɔle aya ne, bɛkakyili eburo ngaka aboyaa amukoraa bɛ noa aleɛ.

Hesekiel 34:8

Kyɛ nde ase ye, susu amba kyɛ, me mmoaen akakyi nikyee bɔ ebiemɔ bɛfẽ bɛfa ɔ; bakakyi eburo ngaka amukoraa b’aleɛ, ofikyɛ belle mmoaenneafoɛ biala; yeɛ me mmoaenneafoɛ nemɔ bambena bɛ boso, na mmom mmoaenneafoɛ nemɔ bɛnea bɛ bɔbɔ bɛ nwo so, na bɛnnea me mmoaen nemɔ aso, AWURADE noa dwirɛ ɛne.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Mika 2:12

Ao, Yakob, ngɔboa ɛmɔ amukoraa ɛmɔ noa amba, amba, ngɔboa Yisrael ngaa ne bɛ noa; ngɔhã bɛ ngɔbɔ nu kyɛ Bosra mmoaen, kyɛ mmoaen kure bɔ begua bɛ tuin nu ɔ, na bɛkɔyɛ dede pee, ɔnate kyɛ bɛte mmenia bɔ bɛsone ne ati.

Habakuku 2:18

Amoen bɔ adwiililɛniɛ wase ne, nzikyɛ mvasoɛ yeɛ ɔwɔ so ɔ? Amoen bɔ bahuro nikyee bafa bayɔ ɔ, bɔ okyirekyire nnakannaka ɔ; adwiililɛniɛ ne, ɔfa ye wora owura ye bɔbɔ ye adwii bɔ wali, bɔ ɔte emumu amoen ne anu.

Sakaria 11:17

Mmoaenneafoɛ tɛɛ bɔ ɔto mmoaen nemɔ asaworam ne, ye yaakɔ! Ngrandɛ kɔpɛ ye sa, yeɛ okotu ye nye famaa. Ye sa kowu bɔkɔɔ, na ye nye famaa kosi bɔkɔɔ.”

Numeri 27:17

sona bɔ okoli bɛ nyunu wɔ nikyee biala anu, na afei watua bɛ noa wɔ bɛ koɛhonɛ nu, amaa AWURADE mmenia banyɛ kyɛ mmoaen bɔ belle neafoɛ ɔ.”

Mateo 9:36

Na onwuni mmenia pembepembe ne, bɛyɛle ye anwumvo, ofikyɛ né bafɛ, na né bɛsamo berɛ kyɛ mmoaen bɔ belle neafoɛ ɔ.

Marko 6:34

Yesu fili ɛlɛen ne anu dwuli ase, na onwuni mmenia wora nen, bɛyɛle ye anwumvo; ofikyɛ né bɛte kyɛ mmoaen bɔ belle neafoɛ ɔ; na ɔhyɛle ye bo hyirehyirele bɛ nningyein pee.

Deuteronomi 13:2

ná sɛ nzɛngyerɛnneɛ ne anwanwadeɛ bɔ ɔka kyire wɔ ne ba nu, ná ɔka kyɛ, ‘Maa yɛɛli nyameɛ foforɛ biemɔ (bɔ ɛnze bɛ) si, ná yɛso bɛ’ a,

Maenbulɛfoɛ 18:14

Yeɛ mmienzua nnu bɔ bɛɛtetɛle Layise aseɛ ne, besele bɛ mmango nemɔ kyɛ, “Aso ɛmɔse kyɛ ɔsɔfo ataadeɛ, abusua amoen, ɔne buralɛ amoen wɔ sua hemɔ anu ɔ? Bɔ odi kyɛ ɛmɔyɔ ne, nna ebie yeɛ ɔbaahyire ɛmɔ ɔ.”