Sakaria 10:11 - AHYERƐLƐ KRONGRON

¹¹ Ɔkɔɔfa anwokyere ɛpo ne anu, okoli ɛpo nu asorɔkye ne aso ngonim, na asue Naele nu buma mukoraa kɔwewe. Ɔkɔbrɛ Asiria anwomasoɛ ne ase, na Misraim ɛhɔtɔ ne, ye boso komini.

Sakaria 10:11 Iomraidhean Croise

Gyenesise 8:1

Nakoso Nyameɛ lole Nowa ne ngaka ne nyɛmmoa mukoraa bɔ bɛ ne ye wɔ ɛlɛen alaka ne anu. Nyameɛ mane mvrama tu fale aseɛ so, na nzue ne hwene.

2 Ahemvo 2:14

Elia ataadeɛ aguasoɛ bɔ ofili ye nwo puro guale ase ne, Elisa fa fini asue ne anye, na obisale kyɛ, “AWURADE, Elia ye Nyameɛ ne, ɔwɔ ni?” Ɔfale ataadeɛ ne fini asue ne anye ne, asue ne anu pakyele nyɔ guale bɛen ne famaa, na ɔfale nu pɛle asue ne.

2 Ahemvo 2:8

Yeɛ Elia yele ye ataadeɛ aguasoɛ ne, ɔbobɔle fa fini asue ne anye, na asue ne anu pakyele nyɔ guale bɛen ne famaa, kɔpem kyɛ bɛ munyɔ bɛnatele bɛpɛle wɔ aseɛ wosee so ɔ.

Ɛsra 6:22

Bele anigye belili Paanoo Kabrɛdi aluolue ne ɛlɛsoo. Bɛ nye gyele, ofikyɛ né AWURADE ama Asiria hene anwu bɛ anwumvoin, bɔ ɔnate so ɔbokale bɛ wɔ Nyameɛ, Yisrael Nyameɛ ne, ye awuro ne silɛ nu ɔ.

Edwein 114:3

Ɛpo nwuni ye, na ɔnwatili; asue Yɔɔdan sale ye si.

Edwein 114:5

Ao ɛpo, nzikyɛ yeɛ wayɔ wɔ maa anwati ye? Ao asue Yɔɔdan, nzikyɛ yeɛ wamaa asa wɔ si ye?

Yesaya 14:25

kyɛ ngɔsɛkye Asiria pasaa wɔ m’aseɛ so, yeɛ ngotiatia ye so wɔ me mmokaa nemɔ aso, ye kɔnnua ne kɔye kofi bɛ kɔme anu, na ye adesoa bɔ ɔla bɛ bati ne kɔye kofi berɛ.”

Yesaya 19:16

Sɔ kyẽa ne, Misraim kɔyɛ kyɛ mmrasua, na ɛserɛ kɔma bɛ nwo kɔwoso bɛ tɛtɛtɛtɛ wɔ Asafo AWURADE nyunu, ɔnate ye tumi bɔ ɔfa tea bɛ ne ati.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Yesaya 44:27

Me yeɛ mekã mekyire buma kyɛ, ‘Wewe, ngɔma w’asue mɔ kɔwewe’.

Yesaya 51:10

Ɛpo bɔ ɔte buma kandinga ne anu nzue ne, aso nna wɔ yeɛ ɛmaa ɔwewele ɔ? Aso nna wɔ yeɛ ɛmane ɛpo buma ne abo dɔ kakyili atimbire mane bɛ bɔ aapɔ bɛ ne kyɛ bɛpɛ ye ɔ?

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Hesekiel 30:13

“AWURADE Nyameɛ nwa nyoo: Ngɔsɛkye mmosoen nemɔ, na ngɔpra amoen mɔ bɔ bɛwɔ Memfise ɔ bɛ boso. Bengonya ɛhene biala wɔ Misraim aseɛ so ko; na ngɔfa ahunundetelɛ ngɔto Misraim aseɛ so.

Sefania 2:13

Ɔkɔfa koɛ kɔɔteta sorɔ dɔ maen ne, na ɔkɔbɔ Asiria tɔɔ; ɔkɔkakyi Ninewe kurofoen maa ɔkɔyɛ pralaa kyɛ ɛserɛ so.

Nyekyire 16:12

Na abɔfo bɔ ɔtɔ so nzia ne hwiele bɔ ɔwɔ ye kulie ne anu guale asue piri Yufreti nu, na nu nzue ne wewele, kyɛbɔ okosiesie atee kɔto berɛ kɔma ahemvo mɔ bɔ befi eyia afiteleɛ dɔ ɔ.