Sakaria 10:10 - AHYERƐLƐ KRONGRON

¹⁰ Ngosa ngɔye bɛ ngofi Misraim aseɛ so ngɔwa, yeɛ ngɔboaboa bɛ noa ngofi Asiria; na ngɔfa bɛ ngɔwa Gileade ne Lebanon aseɛ so, na berɛ aseɛ po, ɔkɔyɛ kãa kɔma bɛ.

Sakaria 10:10 Iomraidhean Croise

Yesaya 60:22

Wɔ nu kaaba ne po, ɔkɔkakyi abusua, yeɛ bɔ ɔte kãa paa ne, ɔkɔkakyi anwoserɛ maen. Me, AWURADE, sɔ mmerɛ ne dwu a, ngɔmaa ɔkɔyɛ berɛ ndɛndɛ.

Yeremia 22:6

Ofikyɛ bɔ AWURADE ɔkã fa Yuda hene awuro ama nwo ɛhe, “ ‘Ɛte kyɛ Gileade ma me, ɔne Lebanon ti afia; nakoso amba ngɔmaa ɛkɔkakyi aseɛ pralaa ne nguro bɔ sona nne so ɔ.

Yeremia 50:19

Ngosa ngɔfa Yisrael ngɔhɔ ye atenaleɛ, na okodidi wɔ Kamɛl ne Basan’. Ye kra ko koyi wɔ Efraim bokaa ne Gileade bokaa so.

Hosea 11:10

Bekoli AWURADE si. Afei ɔkɔbobɔ nu kyɛ gyata, na sɛ ɔbobɔ nu a, ye mmaa mɔ kofi eyia atɔleɛ bɛkɔwa bɔ bɛ nwo wosowoso bɛ ɔ.

Hosea 11:11

Bekofi Misraim bɛkɔwa bɔ bɛ nwo wosowoso bɛ kyɛ anomaa ɔ, ɔne Asiria aseɛ so bɛkɔwa bɔ bɛ nwo wosowoso bɛ kyɛ abubure ɔ, na ngɔfa bɛ ngɔtena b’awuro mɔ nu, AWURADE noa dwirɛ ɛne.

Obadia 1:20

Yisraelfoɛ bɔ bɛhyele bɛ nnure bɛhɔle ne, bɛ lɔen ne kɔɔfa Kanaan aseɛ bɛkɔyɛ bɛ deɛ koodwu Sarefate; na Yerusalemfoɛ bɔ bɛhyele bɛ nnure bɛhɔle bɔ bɛwɔ Sefarade ne, bɛkɔɔfa ngwaen dɔ nguro nemɔ bɛkɔyɛ bɛ deɛ.

Mika 7:14

Wɔ pɔmaa ne, fa nea wɔ maen so, mmoaen kure bɔ bɛte w’agyapadeɛ, bɔ bɛ ngome bɛte ɛhɔayeɛ ne anu, wɔ Kamɛl so ne; maa bedidi wɔ Basan ne Gileade, kyɛ daa tete ne ala.

Sakaria 8:7

Asafo AWURADE nwa nyoo: Tie, ngɔpepɛ ngole me maen ngofi eyia afiteleɛ maen ne sa nu, ɔne eyia atɔleɛ maen ne sa nu;

Sakaria 8:8

na ngɔfa bɛ ngɔwa maa bɛkɔɔtena Yerusalem; bɛkɔyɛ me maen, na me koso mayɛ bɛ Nyameɛ, wɔ nahorɛ ne tenenee nu.”