Sakaria 10:1 - AHYERƐLƐ KRONGRON

¹ Odi kyɛ ɛmɔsrɛ AWURADE maa ɔtɔ esue wɔ bamborɔ mmerɛ nu; AWURADE bɔ ɔma esue muna ne, ye yeɛ ɔma esue tɔ pee ma mmenia ɔ, na ɔtɔ ma ebiala maa onya fieso aleɛ.

Sakaria 10:1 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

YOB NWOMAA NE 29:23

Bɛnwondɛle me kyɛbɔ sona nwondɛ esue ɔ, na bebukyele bɛ noa nu belele edwirɛ ne, kyɛ ebiaa bokyisue ahɔ ɔ.

Edwein 104:13

Efi w’atenaleɛ berɛ yeɛ eguagua mmokaa nemɔ aso nzue ɔ; na wɔ sa noa nnwumaa yi aseɛ so tɛkyɛ.

Edwein 135:7

Ye yeɛ ɔma munungum fi aseɛ noa dɔ kɔ anwuro ɔ; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Edwein 65:9

Ɛba bapasa aseɛ ye anwo, na eguagua so nzue, ɛmaa nningyein paa ba so. Nyameɛ asue ne, nzue ayi ye to, ɛmaa yɛnya aleɛ yɛdi, ofikyɛ wɔ yeɛ ahyehyɛ ye sɔ ɔ.

Edwein 72:6

Ɛhene ne, maa ɔyɛ kyɛ esue bɔ ɔtɔ gua ɛserɛ bɔ bapɛ so ɔ so, kyɛ nyenyenzue bɔ ɔdoadoa aseɛ so ɔ.

Anyandera 16:15

Sɛ ɛhene nyunu yɛ sereserelɛ a, ɔte ngoa, yeɛ sɛ ɔdo wɔ a, ɔte kyɛ munungum bɔ ɔtɔ bamborɔ ɔ.

Yesaya 30:23

Na afei ɔkɔtɔ esue kogua nningyein bɔ edua ye wɔ aseɛ so ɔ so, ɔne aseɛ ne aso aleɛ bɔ ɔkɔwa ɔ so, na bɛkɔyɛ mbiri mbiri ne pee. Sɔ mmerɛ ne, wɔ nyɛmmoa kodidi wɔ aseɛ pirikua bɔ ngaka aleɛ wɔ so ɔ so.

Yesaya 44:3

Ofikyɛ ngohwie nzue ngogua aseɛ bɔ nzuhɔen ku ye ne aso, yeɛ ngɔma asue mmaa mmaa kɔwa aseɛ wosee ne aso; ngohwie me Sunzum ngogua wɔ boso ama so, ná mahwie me saleɛ magua wɔ mma so.

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yeremia 10:13

Ɔma ye komvi so a, esue bobɔ nu wɔ ewienu, ɔma tutue fi aseɛ noa dɔ tu kɔ anwuro; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yeremia 5:24

Bɛndwene ye nwo kyɛ, ‘Ɛ́mɔma yɛsuro AWURADE yɛ Nyameɛ bɔ ɔma esue tɔ wɔ mmerɛ bɔ ɔsɛ ɔ nu, bamborɔ ne nyenyenzue, ná ɔnea kyɛ fieso nningyein koti mmerɛ bɔ yeɛ ɔsɛ ɔ nu.’

Yeremia 51:16

Ɔbɔ nu kurudududu a, nzue pee ba ewienu, ɔma tutue fi aseɛ noa dɔ tu kɔ anwuro; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Hesekiel 34:26

Bɛ ne aseɛ bɔ bapɛ me bokaa ne anwo bayia ne, ngɔmaa bɛkɔyɛ saleɛ, na ngɔma esue kɔtɔ wɔ ye mmerɛ nu; ɔkɔyɛ saleɛ esue.

Hesekiel 36:37

“AWURADE Nyameɛ nwa nyoo: Asa koso, ngɔma Yisrael awuro ama bɛkɔsrɛ me maa ngɔyɔ ɛhe ngɔma bɛ: Ngɔmaa bɛkɔyɛ mmenia bɔ bata pee kyɛ mmoaen kure ɔ.

Hosea 10:12

Ɛmɔlua tenenee bɛ́ma ɛmɔ nwo, ɛ́mɔbu ye wɔ anwumvoinnwunɛ nu, ɛ́mɔso ɛmɔ hɔayeɛ too ne. Ofikyɛ mmerɛ aso kyɛ ɛmɔpena AWURADE si atee ɔ, kɔpem kyɛ ɔkɔwa kɔɔtɔ tenenee nzue kogua ɛmɔ so ɔ.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Amose 4:7

“Asa koso, mama esue ayakyi tɔlɛ wama ɛmɔ wɔ aberɛ bɔ wahã bosome nza koraka né buberɛ adwu ɔ; mama esue watɔ wagua kuro ko aso, yeɛ mamma wandɔ wangua kuro ko aso. Esue tɔ guale eboo ko aso, na eboo bɔ esue wandɔ wangua so ne, nu nningyein yerale.

Mika 5:7

Na Yakob boso ama ngaa ne, bɛkɔyɛ kyɛ bosue bɔ ofi AWURADE berɛ ɔ wɔ maen maen pee bɛ nu, kyɛ nyenyenzue bɔ ogua ndire so ɔ, bɔ ɔmva ye nwo ndo sona so, anaa ɔnnwondɛ adasa mmaa ɔ.

Yohane 16:23

Na sɔ kyẽa ne dwu a, ɛmɔngobisa me nikye fee. Nahorɛ nu paa, mekã mekyire ɛmɔ kyɛ: Nikyee biala bɔ ɛmɔkɔsrɛ Baba ne wɔ me dumaa nu ne, ɔkɔfa kɔma ɛmɔ.

1 Korintofoɛ 3:6

Me de nnuale, yeɛ Apolo wora oguaguale so nzue ɔ, nakoso Nyameɛ yeɛ ɔmaa onyini ɔ.

Deuteronomi 28:23

Ewienu bɔ ɔkata wɔ so ne kɔyɛ kyɛ kɔɔbere, na aseɛ bɔ egyi so ne kɔyɛ kyɛ buralɛ.

Yakobo 5:7

Yiti aliɛmaa mɔ, ɛ́mɔnya ndoboaseɛ maa oodwu kyɛ Awurade kɔwa ɔ. Ɛ́mɔtie, kuaniɛ bɔ ɔnwondɛ ma aseɛ kye aleɛ bɔ ye nyɔboɛ yɛ se ne, onya ye nwo aboterɛ maa okodwu kyɛ feefee ne asuso kotikye ɔ.