Sakaria 1:8 - AHYERƐLƐ KRONGRON

⁸ “Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Sakaria 1:8 Iomraidhean Croise

Gyenesise 20:3

Nyameɛ ɔɔhyene Abimɛlɛke laleɛ kɔngɔen ne, na osele ye kyɛ, “Nea, awu ayie, ɔnate braa ne bɔ aafa ye awa ne ati, ofikyɛ ɔte biaa bie aye!”

Gyenesise 46:2

Na Nyameɛ dwudwo hyirele Yisrael kɔngɔen ne wɔ nyekyire nu. Ɔfrɛle ye: “Yakob, Yakob,” na osurole kyɛ, “Me ɛhe.”

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

Nehemia 8:15

na afei odi kyɛ bɛbɔ ye dawure bɛfa bɛto dwaa wɔ bɛ nguro nemɔ amukoraa ne Yerusalem nu kyɛ, “Ɛmɔhɔ mmokaa nemɔ aso bɛɛfa olive mmaen, eburo olive mmaen, sesea mmaen, ɛberɛ ne mmakaa bɔ bebua kusuu ɔ bɛ mmaen, na ɛmɔɔfa besisi asese nemɔ, kyɛbɔ bahyerɛ ne.

YOB NWOMAA NE 4:13

Kɔngɔen laleɛ bie anu yeɛ ndele ɔ, mmerɛ bɔ adasa bɛda hatee ne.

Edwein Nu Dwein 2:16

Me kurofoɛ ne, ɔte me deɛ, yeɛ me wora nde ye deɛ, ɔfa ye mmoaen kɔ adidie wɔ sukooko mɔ nu.

Edwein Nu Dwein 6:2

Me kurofoɛ ne, watorotoro wahɔ ye turo ne anu, ngofie bɔ balua ayirefona wɔ so nemɔ anwo dɔ, kyɛ ɔkɔ turo nemɔ anu dɔ okodidi ná ɔtete sukooko.

Yesaya 41:19

Ngolua sida, bɔsema, sesea ne olive mmakaa wɔ ɛserɛ so, ngɔma ɛframmire, pataboɛ ne dɔma kɔbɔ nu kogyina aseɛ wosee so,

Yesaya 55:13

Nekaa bɔ ɛfone wɔ ne, ɛframmire kofifi berɛ kosi ye gya nu, sesea kofifi kosi agurɛ gya nu, na ɛhe kɔma AWURADE dumaa so, ɔkɔyɛ nzɛngyerɛnneɛ afebɔɔ bɔ ye bo ngɔpɛ ɔ.”

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Daniel 2:19

Yeɛ Nyameɛ lale mvealeɛ nu dwirɛ ne ali hyirele Daniel wɔ kɔngɔen nyekyire nu. Na Daniel hyɛle nyameɛso Nyameɛ ne animnyam.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Daniel 7:2

Daniel nwa nyoo, “Nwuni ye wɔ me nyekyire ne anu kɔngɔen ne, yieee, nyameɛso mvrama nna nemɔ betuli ɛpo piri ne aso bɛmaa ɔyɛle bagyabagya.

Sakaria 1:10

Yiti biaa bɔ né ogyi sesea mmakaa nemɔ anu dɔ ne, obuale kyɛ, ‘Ɛhemɔ yeɛ AWURADE asoma bɛ kyɛ beehyinihyini aseɛ so ɔ.’

Sakaria 1:11

Na bebuale AWURADE abɔfo bɔ né ogyi sesea mmakaa nemɔ anu dɔ ne kyɛ, ‘Yahyinihyini aseɛ so, na yieee, né aseɛ amukoraa la berɛ dinn bɔ ode ye nwome ɔ.’

Sakaria 1:7

Dario ahennie afoɛ bɔ ɔtɔ so nyɔ ne anu, ye bosome buru ne ko ne, bɔ oli Sebate ne, ye eleburanyɔ ne nna ne aso, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Yosua 5:13

Ɛlɛho bie, né Yosua wɔ nekaa bie bɔ opingye Yeriko. Ɔmane ye ti so, na mvum nu, onwuni biaa bie bɔ wahwe ngrandɛ watira ɔ kyɛ ogyi ye nyunu berɛ. Na Yosua hɔle ye nwo berɛ oobisale ye kyɛ, “Ɛboka yɛ so, anaa ɛboka yɛ pɔfoɛ nemɔ so?”

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Nyekyire 6:2

Nneane, na nwuni pɔngɔ fufue bie. Na bɔ ɔte ye so ne, né otira agyaen; na bɛmane ye abotire, na ofili berɛ hɔle oolili ngonim, na ɔhɔle so lili ngonim.

Nyekyire 6:4

Na pɔngɔ foforɛ kɔkorɛ gonn bie yele ye ti, na bɛmane bɔ ɔte ye so ne tumi kyɛ ɔye asomdwee fi aseɛ so, ná behũhũ bɛ nwo bɛ nwo, na bɛmane ye ngrandɛ pirikua bie.