Sakaria 1:6 - AHYERƐLƐ KRONGRON

⁶ Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”

Sakaria 1:6 Iomraidhean Croise

2 Ahemvo 15:12

Bɔhyɛ bɔ AWURADE hyɛle Yehu ole kyɛ, “Wɔ mma mmienzua mɔ koli Yisrael bia maa okoodwu aworɛ ndoatoasoɛ nna so.” Na ɔwale nu sɔ ala.

YOB NWOMAA NE 6:29

Ɛ́mɔyakyi, nnɛma ɛmɔbua me ndɛengyea, ɛ́mɔyakyi, na medi be.

Yesaya 21:17

Na Kedare agyaentolɛfoɛ ahoneserɛfoɛ kãa bie yeɛ bɛkɔha ɔ; ofikyɛ AWURADE Yisrael Nyameɛ noa dwirɛ ɛne.”

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Yesaya 55:11

sɔ ala yeɛ me dwirɛ bɔ ofi me noa kɔwa ne ɔte ɔ. Ongosa ngɔwa me berɛ mbaen, na mmom sana wayɔ bɔ mekuro kyɛ meyɔ ɔ, ɔne kyɛ okoyie botaeɛ bɔ yiti yeɛ nzomane ye ɔ.

Yeremia 23:20

AWURADE ɛyaafɛlɛ ne ngɔhwe ngosa kɔpem kyɛ okoyie bɔ ɔyɔ ɔ, kɔpem kyɛ wayɔ bɔ wadwene ye nwo wɔ ye ti anu ɔ. Na ngyẽa bɔ oli nziɛ ne anu, ɛmɔkɔte ye bo yé paa.

Yeremia 26:15

Na mmom, ɛ́mɔnwu ye kyɛ amba, sɛ ɛmɔku me a, mogya bɔ odi be ɔ yeɛ ɛmɔkɔmaa ɔkɔbɔ ɛmɔ bɔbɔ deinn, kuro he ɔne nu ama bɛ ti so ɔ. Ofikyɛ nahorɛ nu, AWURADE yeɛ ɔsomane me ɛmɔ berɛ kyɛ mmanga sɔ dwirɛ ye amukoraa ngyire ɛmɔ maa ɔhɔ ɛmɔ so anu ɔ.”

Yeremia 28:17

Sɔ afoɛ ne ala, ye bosome bɔ ɔtɔ so nzoo ne anu, ngɔmhyɛlɛniɛ Hanania wuli.

Yeremia 32:24

Ao nea, bagyinagyina nyinasoɛ mɔ wɔ kuro ne anwo kyɛ bɛfa betua kuro ne bedi so ngonim, na ɔnate ngrandɛ ne ɛhɔen ne ewue anwonyerɛ ne ati, bafa kuro ne bawura Kaldeafoɛ bɔ bafa koɛ bateta ye ne, bɛ sa. Edwirɛ bɔ ɛhane ne wawa nu, na nea, wɔ bɔbɔ enwu ye.

Yeremia 36:28

“Fa nwomaa bɔ babobɔ ɔ foforɛ, na edwirɛ daa ne amukoraa bɔ né ɔwɔ nwomaa bɔ babobɔ bɔ oli moa ne anu, bɔ Yuda hene Yehoakim wayera ye ne, kyerɛ gua nu.

Yeremia 39:16

“Kɔ ná kɔhã kyire Yitiopianiɛ Ebede Meleke kyɛ, ‘Asafo AWURADE, Yisrael Nyameɛ nwa nyoo: Tie, me dwirɛ bɔ mahã mafa kuro he anwo, kyɛ ngɔfa bɔ ɔtte mayee ngoli ye, na mmom nna paa ahɔ nen, ɔkɔwa nu wɔ wɔ nyunu sɔ kyẽa ne.

Yeremia 4:4

Ao Yudafoɛ ne Yerusalemfoɛ, odi kyɛ ɛmɔye ɛmɔ ahone nwo bɔne ndwirahoɛ ne wɔ AWURADE nyunu, kyɛbɔ bɛpɛ sona ye bienzua ɔ, Wanyɛ sɔ a, m’ahone kohu kyɛ see, na okogye alaa bɔ ebiala ngɔhora ye nua ɔ, ɔnate ɛmɔ bɔne yɔleɛ ne ati.

Yeremia 44:2

“Bɔ Asafo AWURADE, Yisrael Nyameɛ kã ɛhe: Ɛmɔanwu musue amukoraa bɔ maprapra magua Yerusalem ne Yuda nguro amukoraa so ne. Na ɛ́mɔnea, ɛnɛ bayɛ kurofoen bɔ ebiala nne berɛ bɔ ɔte so ɔ,

Yeremia 44:28

Na bɛ nu kãa bie bɔ bɛkɔnwati bekofi ngrandɛ noa ne, bekosa bekofi Misraim aseɛ so bɛkɔwa Yuda aseɛ so. Na Yudafoɛ ngaa amukoraa bɔ bɛhɔle Misraim aseɛ so bɛɛtenane dɔ ne, bekonwu bɔ ye noa dwirɛ kɔyɛ adwuma ɔ: kyɛ me deɛ oo, anaa bɛ deɛ oo.

Yeremia 44:29

Na ɛhe kɔyɛ sɛngyerɛnneɛ kɔma ɛmɔ, AWURADE noa dwirɛ ɛne, kyɛ ngɔhwe ɛmɔ so wɔ wa, amaa ɔnate so ɛmɔanwu kyɛ amba, me noa dwirɛ kɔwa nu kɔprapra amaneɛ kogua ɛmɔ so.

Yeremia 44:6

Yiti me yaafɛlɛ ne m’ahonehulɛ wale, na begyele wɔ Yuda nguro mɔ ne Yerusalem mmorɔnoɛ mɔ so maa babɔ bakakyi kurofoen, kyɛbɔ ɔte ɛnɛ ye.

Yeremia 5:14

Yiti AWURADE, Asafo Nyameɛ nwa: “Ɔnate kyɛ ɛmɔkã sɔ dwirɛ ne ati, tie, ngɔma me dwirɛ ne kɔkakyi see wɔ wɔ noa nu; maen he kɔkakyi eyein, na see kɔyera bɛ dwɛɛ.

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 3:42

“Yayɛ amumuyɛɛ, yeɛ yayɛ lɔen, na amva angyɛ.

Hesekiel 20:43

Berɛ yeɛ ɛmɔkɔkaye atee bɔ ɛmɔnate so ɔ, ɔne bɔ ɛmɔayɔ amukoraa bafa bagua ɛmɔ nwo fiɛ ɔ; na ɔnate ɛmɔ bɔne amukoraa bɔ ɛmɔayɔ ne ati, ɛmɔ nwo kɔyɛ ɛmɔ tɛ.

Hesekiel 37:11

Yeɛ osele me kyɛ, “Sona awa, mmowue hemɔ ole Yisrael awuro ama amukoraa. Tie, bɛnwa: ‘Yɛ mmowue nwo ayɛ kokwakokwa, yɛ anyelasoɛ atu amini, yeɛ waye ye sa wafi yɛ bo koraa.’

Daniel 4:28

Sɔ dwirɛ ne amukoraa wale Nana Nebukadenesa so.

Hosea 5:9

Efraim kɔkakyi kurofoen wɔ asohwenɛ kyẽa ne anu; mafa edwirɛ bɔ ɔkɔwa nu amba ɔ mato dwaa wɔ Yisrael mmusua kure nemɔ anu.

Hosea 9:15

Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Amose 9:10

Me maen nu bɔnefoɛ amukoraa bɛkɔtotɔ ngrandɛ noa; bɛ yeɛ bɛkekã kyɛ, ‘Musue biala ngɔto yɛ anaa ɔngɔhora yɛ’ ne.

Sakaria 1:7

Dario ahennie afoɛ bɔ ɔtɔ so nyɔ ne anu, ye bosome buru ne ko ne, bɔ oli Sebate ne, ye eleburanyɔ ne nna ne aso, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Numeri 32:23

Nakoso sɛ ɛmɔanyɔ sɔ a, ye de ɛmɔayɔ bɔne batia AWURADE, na ɛ́mɔkaye kyɛ ɛmɔ bɔne nwo asohwenɛ kɔwa ɛmɔ so.

Numeri 33:56

Na nikyee bɔ nyɛle m’adwene kyɛ ngɔfa ngɔyɔ bɛ ne, ɛmɔ yeɛ ngɔfa ngɔyɔ ɛmɔ ɔ.”

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Deuteronomi 28:15

“Nakoso sɛ andie AWURADE wɔ Nyameɛ dwirɛ, ná anni ye mmeraa dwirɛ ne ye ahyɛdeɛ bɔ mehyɛ mema wɔ ɛnɛ ye aso nahorɛ nu a, ye de sɔ musue ye amukoraa kɔto wɔ, na okobu kɔfa wɔ so:

Deuteronomi 28:2

Sɛ etie AWURADE wɔ Nyameɛ dwirɛ a, ekonya saleɛ hemɔ amukoraati maa ɔkɔbo wɔ so:

Deuteronomi 28:20

“AWURADE kɔprapra musue, amaneɛ ne anyesotanɛ kogua wɔ so wɔ nikyee biala bɔ ɛkɔyɔ ɔ nu, kɔpem kyɛ w’amumuyɛɛ ti ɔkɔsɛkye wɔ ɔ, na okohu wɔ ndɛndɛ, ofikyɛ apo me.

Deuteronomi 28:45

“Musue hemɔ amukoraati kɔto wɔ, okoli wɔ si, na okobu kɔfa wɔ so, kɔpem kyɛ ekowu ɔ, ofikyɛ andie AWURADE wɔ Nyameɛ dwirɛ, na anni ye mmeraa dwirɛ ne ye ahyɛdeɛ bɔ ɔhyɛ mane wɔ ne aso.

1 Tɛsalonikafoɛ 5:4

Nakoso aliɛmaa mɔ, ɛmɔ de ɛmɔnne awosii nu, ná kyẽa ne waafũ ɛmɔ nu kyɛ awueniɛ.