Sakaria 1:5 - AHYERƐLƐ KRONGRON

⁵ Ɛmɔ nana nemɔ, bɛwɔ nisua? Yeɛ ngɔmhyɛlɛfoɛ nemɔ koso, aso bɛte ngoa nu afebɔɔ?

Sakaria 1:5 Iomraidhean Croise

2 Ahemvo 13:14

Afei mmerɛ bɔ Elisa bɔle anwonyerɛ bɔ ɔnate so maa nziɛ ye owuli ne, Yisrael hene Yoase hɔle ye berɛ, na oosuni wɔ ye nyunu berɛ sele kyɛ, “Me baba ee! Me baba ee! Yisrael teaseɛnam mɔ ne pɔngɔhanɛfoɛ ee!”

2 Ahemvo 13:20

Afei Elisa wuli, na besiele ye. Sɛ bɛhyɛ afoɛ bo biala a, ɔyɛ a né Moabo koɛhonɛfoɛ mɔ bɛfa koɛ bɛbateta Yisrael maen ne.

Edwein 90:10

Ngyẽa bɔ yɛdi ye aseɛ ye aso te afoɛ aburasoo, anaa sɛ anwoserɛ wɔ nu po a, ɔte afoɛ aburawɔtwɛ, na ɛhene po, nu fɛɛ ne amaneɛ! Ɔngyɛ né wapɛ nu, ná yatu yamini.

Nworɛ Dwirɛhanɛniɛ 1:4

Aworɛ ndoatoasoɛ ko pɛ nu kɔ, né foforɛ koso awa, nakoso aseɛ de, otimu berɛ afebɔɔ.

Nworɛ Dwirɛhanɛniɛ 12:5

kyẽa bɔ sona kosuro nningyein bɔ so kɔ anwuro ɔ, bɔ atee so kɔyɛ suro ɔ, bɔ atonwaa kɔbɔ nyerɛen ɔ, bɔ torɔka kɔhwe ye nwo ase ɔ, bɔ akɔnnɔ bo kɔpɛ ɔ; ofikyɛ sona kɔ ye awuro afebɔɔ ne anu, bɔ ɛsɛenvoɛ bekyinikyini mmorɔnoɛ so ɔ;

Nworɛ Dwirɛhanɛniɛ 12:7

koraka né nnɛterɛ asa ahɔ nnɛterɛ nu kyɛbɔ né ɔte daa ne ala, koraka né nwomeɛ wasa wahɔ Nyameɛ bɔ ɔfa mane ne berɛ.

Yeremia 36:28

“Fa nwomaa bɔ babobɔ ɔ foforɛ, na edwirɛ daa ne amukoraa bɔ né ɔwɔ nwomaa bɔ babobɔ bɔ oli moa ne anu, bɔ Yuda hene Yehoakim wayera ye ne, kyerɛ gua nu.

Awuye 5:7

Yɛ nana mɔ bayɔ bɔne, na bawuwu, na yɛ yeɛ yasoa b’amumuyɛɛ ɔ.

Yohane 8:52

Yeɛ Yudafoɛ nemɔ sele ye kyɛ, “Afei yeɛ yanwu kyɛ ele sunzummɔne ɔ. Abraham wuli, yeɛ ngɔmhyɛlɛfoɛ nemɔ koso bewuwuli ɔ, nakoso wɔ de ɛnwa, ‘Sɛ ebie di me dwirɛ so a, ongowu le.’

Asomafoɛ 13:36

Ofikyɛ, Dawide de, ɔsole Nyameɛ wɔ ye aberɛ so yiele nen, ɔlale, na besiele ye wɔ nekaa bɔ ye nana mɔ la ɔ, na ɔporɔle kumaa nu.

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,

1 Samuel 25:1

Samuel wuli, na Yisrael amukoraa boale bɛ noa besuni ye. Besiele ye wɔ ye kuro Rama. Afei Dawide sili nu hɔle Paran ɛserɛ ne aso dɔ.