Sakaria 1:4 - AHYERƐLƐ KRONGRON

⁴ Nnɛma ɛmɔyɛ kyɛ ɛmɔ nana mɔ, bɔ ngɔmhyɛlɛfoɛ bɔ belili moa nemɔ bɔle edwirɛ ne dawure behyirele bɛ kyɛ, ‘Asafo AWURADE nwa nyoo: Ɛmɔhwe ɛmɔ nwo befi ɛmɔ bɔne atee ne ɛmɔ bɔne yɔleɛ nwo,’ ne. Nakoso bandie, yeɛ bandɛ me so, AWURADE noa dwirɛ ɛne.

Sakaria 1:4 Iomraidhean Croise

2 Aberɛso Dwirɛ 30:6

Yiti Nana Hesekia ne ye mbanyi mɔ ngrataa ne, ɛbɔfoɛ mɔ fa bɛhɔle Yisrael ne Yuda nekaa biala, kyɛbɔ Nana Hesekia fale ahyɛdeɛ mane bɛ ne. Ngrataa ne anu dwirɛ ole kyɛ, “Ao Yisrael maen, ɛ́mɔsa bɛ́bra AWURADE Abraham, Yisake ne Yisrael Nyameɛ ne berɛ, amaa ɔnate so ɛmɔ ngaa bɔ ɛmɔanya bɛ ti badidi nu bafi Asiria ahemvo mɔ sa nu ne, AWURADE wasa waagyina ɛmɔ si.

2 Aberɛso Dwirɛ 30:7

Nnɛma ɛmɔyɛ kyɛ ɛmɔ nana mɔ ne ɛmɔ aliɛma mɔ bɔ banni nahorɛ bamma AWURADE bɛ nana mɔ Nyameɛ ne, maa ɔnate so wamma b’ayieleɛ wanyie bɛ yé, kyɛbɔ ɛmɔ nye tua ne.

2 Aberɛso Dwirɛ 34:21

“Nwomaa bɔ banwu ye ne, nu dwirɛ ne, ɛmɔhɔ AWURADE berɛ beebisa bɛma me ne mmenia bɔ baha wɔ Yisrael ne Yuda ne. AWURADE afɛ yɛ so yaa piri paa, ofikyɛ yɛ nana mɔ bandie AWURADE dwirɛ, yeɛ edwirɛ amukoraa bɔ bahyerɛ ye nwomaa he anu ne, banni so.”

Ɛsra 9:7

Fite yɛ nana mɔ aberɛ so toonn bɔ ɔbaadwu ɛnɛ ɔ, mvomsoɛ ali yɛ ti. Na ɔnate yɛ ne y’ahemvo mɔ ne y’asɔfo mɔ amumuyɛɛ ti, yeɛ Amaenmaensofoɛ ahemvo mɔ bɛ sa ahã yɛ bɔ beku yɛ, bɛkye yɛ nnure, bɛfẽ yɛ nningyein bɛfa, ná begua yɛ nyunu ase, kyɛbɔ kekesaala ye ɔte ye.

Nehemia 9:16

“Nakoso bɛ ne yɛ nana mɔ bɛyɛle anwomasoɛ ne asoserɛ, na banni wɔ mmeraa dwirɛ ne aso.

Nehemia 9:26

“Nakoso bɛyɛle asoserɛ, na bɛyɛle wɔ nwo lɔen, bɛfale wɔ mmeraa ne bɛtole ahameɛ, na wɔ ngɔmhyɛlɛfoɛ bɔ bɛbɔle bɛ kɔkɔ kyɛ besa beeli wɔ si ne, behuhuni bɛ maa ɔnate so bɛbɔle musue mbiri mbiri paa.

Nehemia 9:30

Afoɛ pee yeɛ enyane bɛ nwo aboterɛ ɔ, na ɛnate wɔ Sunzum so fale wɔ ngɔmhyɛlɛfoɛ so bɔle bɛ kɔkɔ; nakoso bandie. Yiti ɛfale bɛ wurale aseɛ nemɔ aso ama bɛ sa.

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Yesaya 31:6

O Yisraelfoɛ, ɛmɔsa bɛbra bɔ ɛmɔayɛ ye nwo lɔen piri paa ne berɛ.

Yeremia 18:11

Yiti afei, kɔ Yuda mmienzua ne Yerusalemfoɛ berɛ kose bɛ kyɛ, ‘Bɔ AWURADE kã ɛhe: Tie, medwene ɛmɔ nwo adwene tɛɛ, yeɛ mesusu tɛɛ mefa ɛmɔ nwo. Yiti odi kyɛ ɛmɔ amukoraa ɛmɔsakyera befi ɛmɔ bɔne atee ne anwo, ná ɛmɔsesã ɛmɔ atee ne ɛmɔ yɔleɛ maa ɔyɛ paa.

Yeremia 23:22

Nakoso sɛ bɛmaa me ne bɛ yɛtuli agyina, yeɛ sɛ bɛmane me maen bɛtele me dwirɛ a, ahaa bɛmaa bɛsesane befili b’atee tɛɛ ne aso, ɔne bɛ bɔne yɔleɛ ne anwo.

Yeremia 25:8

“Yiti Asafo AWURADE nwa nyoo: Ɔnate kyɛ ɛmɔandie me dwirɛ ne ati,

Yeremia 26:5

ná ɛmɔandie me somvoɛ ngɔmhyɛlɛfoɛ nemɔ bɔ ngɔle so nzomane bɛ ɛmɔ berɛ ne bɛ noa dwirɛ, bɔ yeɛ ɛmɔandie ne,

Yeremia 3:12

Kɔ sorɔ dɔ, ná kɔbɔ sɔ dwirɛ ne dawure kyɛ, ‘AWURADE nwa nyoo: Sa bra, asoserɛniɛ Yisrael. Mengɔfɛ wɔ so yaa, ofikyɛ mese anwumvoin, yiti mengɔfɛ yaa afebɔɔ, AWURADE noa dwirɛ ɛne.

Yeremia 3:14

Ao, mmaa asoserɛfoɛ, ɛ́mɔsa bɛbra, AWURADE noa dwirɛ ɛne. Me yeɛ nde ɛmɔ Mene ɔ; ngɔye sona ko ngofi kuro biala so, ná maye mmenia nyɔ mafi abusua biala anu, ná mafa ɛmɔ mawa Sion.

Yeremia 35:15

Mahɔ so masoma me somvoɛ ngɔmhyɛlɛfoɛ amukoraa wɔ ɛmɔ berɛ dee kyɛ, ‘Odi kyɛ ɛmɔ anu biala sakyera ye adwene wɔ ye bɔne atee nwo, ná ɔbɔ bra paa; na nnɛma ɛmɔkodi nyameɛ foforɛ mɔ si bɛso bɛ, amaa ɔnate so ɛmɔatena aseɛ bɔ mva mane ɛmɔ ne ɛmɔ nana mɔ ne aso. Nakoso ɛmɔanyɛ asoɛ bandie me dwirɛ.

Yeremia 4:1

“Ao Yisrael, sɛ ekosa kɔwa a, sa bra me berɛ, AWURADE noa dwirɛ ɛne. Sɛ ɛye w’akyiwadeɛ nningyein nemɔ fi me nyunu, ná w’adwene anyɛ wɔ ndaa ndaa,

Yeremia 44:16

“Edwirɛ bɔ ahã ahyire yɛ wɔ AWURADE dumaa nu ne, yɛngotie wɔ dwirɛ ne.

Hesekiel 14:6

“Yiti kã kyire Yisrael awuro ama kyɛ, AWURADE Nyameɛ nwa nyoo: Ɛ́mɔsakyera ɛmɔ adwene ná ɛ́mɔyakyi ɛmɔ mmosoen nemɔ si lilɛ; ná ɛ́mɔhwe ɛmɔ nwo befi ɛmɔ akyiwadeɛ amukoraa anwo.

Hesekiel 20:18

“Na nzele bɛ mma mɔ wɔ ɛserɛ ne aso kyɛ, ‘Ɛmɔ nana mɔ yɔleɛ ne, nnɛma ɛmɔyɔ bie, nnɛma ɛmɔtu b’agyirɛ bɔ betuli ne bie, yeɛ nnɛma ɛmɔsɔne bɛ mmosoen nemɔ begua ɛmɔ nwo fiɛ.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 33:4

ye de ebiala bɔ ɔkɔte totorobɛndo hulɛ ne, sɛ wamva kɔkɔbɔlɛ ne wanyɛ huu, ná ngrandɛ ne ba baku ye a, ye mogya kɔbɔ ye bɔbɔ ye ti so.

Daniel 9:6

Wɔ somvoɛ ngɔmhyɛlɛfoɛ bɔ begyinane wɔ dumaa nu bedwudwo behyirele yɛ ahemvo mɔ, yɛ atitirefoɛ, yɛ nana mɔ ne aseɛ ne aso mmenia amukoraa ne, yandie bɛ.

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Amose 5:24

Na mmom odi kyɛ ɛmɔma ndɛenbualɛ turoloo tengyɛ kyɛ asue, ná tenenee ɔsẽ kyɛ asue piri.

Mika 2:6

Bese bɛ bɔ bɛhyɛ ngɔm nemɔ kyɛ, “Nnɛma ɛmɔhyehyɛ ngɔm, nnɛma ebiala hyɛ ɛhemɔ nwo ngɔm kyire bɛ, amaa ɔnate so animguaseɛ anga yɛ.”

Sakaria 1:3

Yiti se bɛ kyɛ, Asafo AWURADE nwa nyoo: Ɛmɔsa bɛbra me berɛ, Asafo AWURADE noa dwirɛ ɛne, na me koso ngosa ngɔwa ɛmɔ berɛ, Asafo AWURADE noa dwirɛ ɛne.

Sakaria 7:7

Mmerɛ bɔ né mmenia tete Yerusalem bɔ né wanya ngɔsoɛ, bɔ né ye nguro mɔ bapɛ ye nwo bayia, bɔ né mmenia tete ye ngwaen dɔ ne aseɛ pralaa ne aso ne, aso nna sɔ dwirɛ hemɔ yeɛ AWURADE fale daa ngɔmhyɛlɛfoɛ nemɔ aso bɔle ye dawure ɔ?”

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

1 Petro 1:18

Ofikyɛ ɛmɔse kyɛ, bra fiɛ bɔ ɛmɔ nana mɔ fa yakyili ɛmɔ ne, nna nningyein bɔ bɛporɔ te kyɛ ɛdwetɛ anaa sikaa kɔkorɛ yeɛ bɛfa bɛyɛle ɛmɔ ti nyɔboɛ bɛpɔle ɛmɔ befili nu ɔ,