Sakaria 1:3 - AHYERƐLƐ KRONGRON

³ Yiti se bɛ kyɛ, Asafo AWURADE nwa nyoo: Ɛmɔsa bɛbra me berɛ, Asafo AWURADE noa dwirɛ ɛne, na me koso ngosa ngɔwa ɛmɔ berɛ, Asafo AWURADE noa dwirɛ ɛne.

Sakaria 1:3 Iomraidhean Croise

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

2 Aberɛso Dwirɛ 15:4

Nakoso mmerɛ bɔ b’anwokyere nu besa bɛwale AWURADE Yisrael Nyameɛ berɛ, ná bɛpenane ye si atee ne, benwuni ye.

Nehemia 9:28

Nakoso bɛ nwo tɔle bɛ ne, besa bɛyɔle bɔne betiale wɔ, na ɛfale bɛ wurale bɛ pɔfoɛ mɔ sa maa belili bɛ so. Na bɛsesane b’adwene besa besu bɛfrɛle wɔ ne, etiele bɛ fili nyameɛso, na kyɛbɔ w’anwumvoinnwunɛ te ne, ɛpepɛ lele bɛ mmerɛ pee.

YOB NWOMAA NE 22:23

Sɛ esa kɔ Tuminiɛ ne berɛ a, ɔkɔmaa ekosa kɔpe wɔ daa nu; sɛ etu bra fiɛ bo efi w’awuro kɔ dededede a,

Yesaya 31:6

O Yisraelfoɛ, ɛmɔsa bɛbra bɔ ɛmɔayɛ ye nwo lɔen piri paa ne berɛ.

Yesaya 44:22

Makyikyi wɔ mmeraatolɛ ne mafi berɛ kyɛ munungum kabii, ɔne wɔ bɔne mafi berɛ kyɛ munungum. Sa bra me berɛ, ofikyɛ maapɔ wɔ male wɔ.

Yeremia 12:15

Na ɔkɔwa kyɛ, sɛ metu bɛ bo mefi berɛ a, ngosa ngonwu bɛ anwumvoin, na ngosa ngɔfa bɛ nu biala ngɔwa ye agyapadeɛ nu ne ye aseɛ so.

Yeremia 25:5

Bɛhane kyɛ, ‘Odi kyɛ ɛmɔ anu biala sakyera ye adwene fi ye bɔne atee ne ye bɔne yɔleɛ nwo, ná ɛmɔtena aseɛ bɔ AWURADE fa mane ɛmɔ ne ɛmɔ nana mɔ fi tete ne aso afebɔɔ.

Yeremia 3:1

Mebisa ɛmɔ kyɛ, “Sɛ bienzua bie yira ɔye, ná braa ne fi ye berɛ kɔ, ná sɛ biaa foforɛ gya ye a, aso biaa ne kosa koogya ye bieku? Aso sɔ aseɛ ne nwo ngogua fiɛ petee? Ayɛ gyanderaniɛ ɛne wɔ kurofoɛ pee babɔ adwaman, nakoso ɛpena kyɛ esa ba me berɛ? AWURADE noa dwirɛ ɛne.

Yeremia 3:22

Ao mmaa asoserɛfoɛ, ɛ́mɔsa bɛbra, na ngɔsa ɛmɔ asoserɛ ne anwonyerɛ. Yɛsrɛ wɔ, yɛba wɔ berɛ, ofikyɛ wɔ yeɛ ɛte AWURADE yɛ Nyameɛ ɔ.

Yeremia 35:15

Mahɔ so masoma me somvoɛ ngɔmhyɛlɛfoɛ amukoraa wɔ ɛmɔ berɛ dee kyɛ, ‘Odi kyɛ ɛmɔ anu biala sakyera ye adwene wɔ ye bɔne atee nwo, ná ɔbɔ bra paa; na nnɛma ɛmɔkodi nyameɛ foforɛ mɔ si bɛso bɛ, amaa ɔnate so ɛmɔatena aseɛ bɔ mva mane ɛmɔ ne ɛmɔ nana mɔ ne aso. Nakoso ɛmɔanyɛ asoɛ bandie me dwirɛ.

Yeremia 4:1

“Ao Yisrael, sɛ ekosa kɔwa a, sa bra me berɛ, AWURADE noa dwirɛ ɛne. Sɛ ɛye w’akyiwadeɛ nningyein nemɔ fi me nyunu, ná w’adwene anyɛ wɔ ndaa ndaa,

Hesekiel 18:19

“Nakoso ɛmɔ de, ɛmɔnwa: ‘Nzu ati yeɛ baa onnya ye baba amumuyɛɛ nwo asohwenɛ ɔ?’ Sɛ baa ne ayɔ bɔ ɔte paa ne bɔ ɔtengyɛ, ná wali m’ahyɛdeɛ mukoraa so nahorɛ nu a, nahorɛ nu, okonya ngoa.

Hesekiel 18:31

Mmeraatolɛ amukoraa bɔ ɛmɔato ne, ɛ́mɔgyi ye mukoraa béfi ɛmɔ so bégua, ná ɛmɔnya adwene foforɛ ne sunzum foforɛ. O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 18:32

Ofikyɛ me nye ngye ebiala ye wue nwo, AWURADE Nyameɛ noa dwirɛ ɛne, yiti ɛ́mɔsakyera, ná ɛmɔnya ngoa.”

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Yoel 2:12

“Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Malaki 3:7

Ofi ɛmɔ nana mɔ aberɛ so yeɛ ɛmɔali me nhyehyɛleɛ nwo makyebu bɔ ɛmɔanni so ɔ. Ɛ́mɔsa bɛbra me berɛ, na me koso ngosa ngɔwa ɛmɔ berɛ, Asafo AWURADE noa dwirɛ ɛne. Nakoso ɛmɔnwa: ‘Ɔkɔyɛ sɛɛ né yasa yawa?’