Sakaria 1:2 - AHYERƐLƐ KRONGRON

² “AWURADE ahone huli paa wɔ ɛmɔ nana mɔ so.

Sakaria 1:2 Iomraidhean Croise

2 Ahemvo 22:19

mmerɛ bɔ ɛtele edwirɛ bɔ nga mvale maen he ɔne nu ama nwo, kyɛ maen ne kɔbɔ ná musue kɔto bɛ ne, ɔnate kyɛ enuni wɔ nwo ná ɛbrɛle wɔ nwo ase wɔ AWURADE nyunu, ná afei esunzuale wɔ ndaadeɛ nu, ná esuni wɔ me nyunu ne ati, me koso mate bɔ aha ne. Bɔ AWURADE kã hɔ ɛne.

2 Ahemvo 23:26

Nakoso ɛhe amukoraa si ne, AWURADE yaa piri bɔ né wafɛ ye wɔ Yuda so ne, AWURADE ahone andɔ nzue nu, ɔnate nningyein amukoraa bɔ né Manase wayɔ wafa wahu AWURADE ahone ne ati.

Ɛsra 9:13

Yɛ bɔne ne y’amumuyɛɛ kandinga ne ati yeɛ ɛhemɔ atoto yɛ ɔ. Nakoso ɛhe asi ye po, wɔ, yɛ Nyameɛ, y’amumuyɛɛ nwo asohwenɛ bɔ afa ama yɛ ne ɔte kãa, na ama yɛ ngaa ne yanya yɛ ti yadidi nu.

Edwein 60:1

Ao Nyameɛ, apo yɛ, abɔ yɛ asande; afɛ yaa, ao yɛsrɛ wɔ, maa yɛpe yɛ daa nu!

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Yeremia 44:6

Yiti me yaafɛlɛ ne m’ahonehulɛ wale, na begyele wɔ Yuda nguro mɔ ne Yerusalem mmorɔnoɛ mɔ so maa babɔ bakakyi kurofoen, kyɛbɔ ɔte ɛnɛ ye.

Awuye 5:7

Yɛ nana mɔ bayɔ bɔne, na bawuwu, na yɛ yeɛ yasoa b’amumuyɛɛ ɔ.

Hesekiel 22:31

Yiti mama m’ahone ahu bɛ so piri paa, mafa m’anyeborolɛ see ne mayera bɛ, na mama bɛ yɔleɛ abɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Sakaria 1:15

nakoso maen maen mɔ bɔ bɛ so anu atɔ bɛ ne de, mafɛ bɛ so yaa piri paa; ofikyɛ mvɛle yaa kaaba bie, nakoso maen maen nemɔ de, bɛmane amaneɛnwunɛ ne yɛle piri paa.

Sakaria 7:12

Bɛyɛle bɛ so serɛ kyɛ twerɛboɛ, kyɛbɔ ɔkɔyɛ bɔ bɛngɔte mmeraa ne ne edwirɛ bɔ Asafo AWURADE nate ye Sunzum so mane daa ngɔmhyɛlɛfoɛ nemɔ bɛbɔle ye dawure ne ɔ. Yiti Asafo AWURADE ahone huli piri paa.

Sakaria 8:14

Ofikyɛ Asafo AWURADE nwa nyoo, “Kyɛbɔ nyɛle m’adwene kyɛ me ne ɛmɔ yɛkoli ye weewee, mmerɛ bɔ ɛmɔ nana mɔ huli m’ahone, bɔ manzesã m’adwene ne, Asafo AWURADE noa dwirɛ ɛne,

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,