Sakaria 1:17 - AHYERƐLƐ KRONGRON

¹⁷ Bɔ ye dawure bieku kyɛ, Asafo AWURADE nwa nyoo: Me nguro nemɔ kosa konya ngɔsoɛ mmorosoɛ, na AWURADE kosa kɔkyekye Sion wora, na okosa kɔneanea nu kɔye Yerusalem.’ ”

Sakaria 1:17 Iomraidhean Croise

2 Aberɛso Dwirɛ 6:6

Nakoso nneane nu nyele Yerusalem kyɛ mefa me dumaa meto so, yeɛ nneane nu nyele Dawide kyɛ oli me maen Yisrael so.’

Nehemia 11:20

Na Yisraelfoɛ ngaa ne, bɛ ne asɔfo ne Lewifoɛ ngaa ne, né bɛwɔ Yuda nguro ne amukoraa so bɔ ebiala ɔte ye aseɛ deɛ so ɔ.

Nehemia 11:3

Mbɔtam mbanyi ne, né bɛtete Yerusalem. Nakoso Yuda nguro ngaa nemɔ aso de, Yisraelfoɛ ngaa ne, asɔfo, Lewifoɛ, asɔneyɛɛ sua nu somvoɛ ne Solomon somvoɛ nemɔ bɛ boso ama nemɔ, né ebiala te ye bɔbɔ ye aseɛ so.

Edwein 69:35

Ofikyɛ Nyameɛ kɔpepɛ kole Sion, na okosa kɔkyekye Yuda nguro nemɔ, na bɛkɔtena berɛ bɛkɔfa berɛ bɛkɔyɛ bɛ deɛ.

Yesaya 14:1

Amba, AWURADE konwu Yakob anwumvoin. Okosa kɔneanea nu kɔye Yisrael, na ɔkɔfa bɛ koolua bɛ bɔbɔ b’aseɛ so. Na amanvrafoɛ kɔɔboka bɛ so bɛkɔfa bɛ nwo bɛkɔbɔ Yakob boso ama.

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Yesaya 49:13

O anwuro, ɛ́mɔto anigye dwein! O aseɛ, di ahurusi! O mmokaa mɔ, ɛ́mɔbɔ ese! Ofikyɛ AWURADE akyekye ye maen wora, na okonwu ye mmenia bɔ bɛyɛ anwumvo ne anwumvoin.

Yesaya 51:12

“Me, me yeɛ mekyekye ɛmɔ wora ɔ, na wɔ, nzikyɛ sona ole wɔ, bɔ esuro kuro sona bɔ owu ɔ, ɔne sona awa bɔ bɛyɔle ye kyɛ ndire ɔ;

Yesaya 51:3

AWURADE kɔkyekye Sion wora, ɔkɔkyekye ye kurofoen amukoraa wora, ye ɛserɛ ne, ɔkɔkakyi ye maa ɔkɔyɛ kyɛ Eden, ɔne ye aseɛ pralaa ne kyɛ AWURADE turo, na bekonwu anika ne anigye wɔ nu, yeɛ asennaa ne edweintolɛ.

Yesaya 52:9

Yerusalem dandue mɔ, ɛ́mɔbɔ nu bɛ́to dwein; ofikyɛ AWURADE akyekye ye maen wora, na waapɔ Yerusalem wale ye.

Yesaya 54:8

Mvɛle ɛyaa piri paa, na mvale me nyunu mveale wɔ mmerɛ kãa bie, nakoso ngɔfa ɔdɔ bɔ olle ayieleɛ ɔ ngonwu wɔ anwumvoin, AWURADE, wɔ Defoɛ ne, ye noa dwirɛ ɛne.

Yesaya 66:13

Na kyɛbɔ baa oni si kyekye ye wora ne, sɔ ala yeɛ me koso ngɔkyekye ɛmɔ wora ɔ; ɛmɔ wora kɔkyekye wɔ Yerusalem.

Yeremia 31:13

Yeɛ ndaluwa kɔfa anigye bekogo abilie ne, mmerandeɛ ne nworowaa bɛ nye kɔgye kɔbɔ nu; ofikyɛ ngɔma bɛ suɛ kɔkakyi ahurusililɛ, ngɔkyekye bɛ wora, na ngɔma bɛ nye kɔgye kofi b’aworabɔlɛ nu.

Yeremia 33:13

Mmokaa maen nguro nemɔ aso, bɔnza nu nguro nemɔ aso, ngwaen dɔ nguro nemɔ aso, Benyamin aseɛ so, Yerusalem nwo aseɛ nemɔ aso, yeɛ Yuda nguro nemɔ aso, sona bɔ ɔka mmoaen onwu bɛ somaa ne, okosa ɔkɔha bɛ, AWURADE noa dwirɛ ɛne.

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Hesekiel 36:33

“AWURADE Nyameɛ nwa nyoo: Kyẽa bɔ ngɔte ɛmɔ nwo ngofi ɛmɔ amumuyɛɛ amukoraa nwo ne, ngɔmaa ɛmɔkɔtenatena nguro nemɔ aso, na ɛmɔkosa bɛkɔkyekye kurofoen nemɔ.

Amose 9:14

Ngosa ngɔfa me maen Yisrael ngofi nnurehyelɛ nu ngɔwa, na bekosa bɛkɔkyekye kurofoen nemɔ bɛkɔtenatena so, bɛkɔyɛ bobe boo mɔ bɛkɔno bobe nzaa, na bɛkɔyɛ turo mɔ bekoli nu mmakaammaa ne.

Obadia 1:20

Yisraelfoɛ bɔ bɛhyele bɛ nnure bɛhɔle ne, bɛ lɔen ne kɔɔfa Kanaan aseɛ bɛkɔyɛ bɛ deɛ koodwu Sarefate; na Yerusalemfoɛ bɔ bɛhyele bɛ nnure bɛhɔle bɔ bɛwɔ Sefarade ne, bɛkɔɔfa ngwaen dɔ nguro nemɔ bɛkɔyɛ bɛ deɛ.

Sakaria 1:14

Yiti abɔfo bɔ né ɔne me yɛdwudwo ne, osele me kyɛ, ‘Bɔ ye dawure kyɛ, Asafo AWURADE nwa nyoo: Metwe Yerusalem ne Sion nwo nungunɛ piri paa,

Sakaria 1:18

Afei, ndole me nye anwuro, na yieee, nwuni mmɛen nna.

Sakaria 2:12

AWURADE kɔfa Yuda kɔyɛ ye agyapadeɛ kyɛ ye kyɛfa deɛ wɔ aseɛ krongron ne aso, na okosa kɔfa Yerusalem kɔyɛ ye deɛ.”

Sakaria 2:4

na osele ye kyɛ, “Tu amirika kɔhã kyire aberandeɛ he kyɛ, ‘Yerusalem kɔyɛ kyɛ nguraa nguraa bɔ fasue nne bɛ nwo ɔ, ɔnate nu mmenia somaa ne nu nyɛmmoa somaa ti.

Sakaria 3:2

Yeɛ AWURADE sele Satan kyɛ, “Wɔ, Satan, AWURADE ohwi wɔ nyunu! AWURADE bɔ waneanea nu waye Yerusalem ne, ohwi wɔ nyunu! Ɛhe, aso nna gyetia bɔ baye bafi see nu ɔ?”

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.