Sakaria 1:16 - AHYERƐLƐ KRONGRON

¹⁶ Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 1:16 Iomraidhean Croise

YOB NWOMAA NE 38:5

Kyɛbɔ ye piri si te ne, nwa yeɛ ɔhyehyɛle tole berɛ ɔ. Ɛse anaa? Anaakyɛ, nwa yeɛ ɔtole nyamaa susuli ɔ?

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Yesaya 34:11

Ɔkɔyɛ akorɔma ne kɔtɔkɔ mɔ b’aseɛ, patue ne adene mɔ b’atenaleɛ. AWURADE kɔfa basabasayɔlɛ nyamaa kɔsã aseɛ ne aso, yeɛ ɔkɔfa kurofoen nyɔboɛ koguagua so.

Yeremia 30:18

“Bɔ AWURADE kã ɛhe: Tie, ngɔfa Yakob ɛtena sua mɔ ngosa ngofi nnurehyelɛ nu ngɔwa, na ngonwu ye atenaleɛ nemɔ anwumvoin. Bekosa bɛkɔkyekye kuro ne wɔ ye boso, ná bagyina ahemvie ne wɔ nekaa bɔ né ogyi daa ne.

Hesekiel 40:3

Na ɔfale me wale berɛ nen, yieee, né biaa bie wɔ berɛ bɔ ye sue te kyɛ kɔɔbere ɔ. Né ogyi anoa piri ne anu berɛ, né otira nyamabire ne elemmire bɔ bɛfa besusu nikye ɔ.

Hesekiel 47:3

Biaa ne hɔle eyia afiteleɛ so dɔ, bɔ né otira nyamaa bɔ bɛfa besusu nikye ɔ. Osusuli agyirɛ apee ko; ɔfale me pɛle nzue ne, na né odwu me gya kɔme.

Hesekiel 48:35

Ɛpɛ kuro ne anwo kango bra yia a, ɔte agyirɛ apee buru ne mmɔtwɛ. Na ofi sɔ kyẽa ne bɔ ɔkɔ ɔ, kuro ne dumaa li: “AWURADE wɔ berɛ.”

Hagae 1:14

Na AWURADE kanyane Sɛtiɛl awa Serubabɛl bɔ ɔte Yuda amrado ne ye sunzum, ɔne Yehosadake awa ɔsɔfo panyi Yosua sunzum, yeɛ maen mmaa ngaa ne amukoraa bɛ sunzum. Yiti bɛwale bɛɛyɔle Asafo AWURADE, bɛ Nyameɛ n’awuro ne nwo adwuma,

Sakaria 10:6

“Ngɔma Yuda awuro ama b’ahone kɔyɛ se, na ngɔpepɛ ngole Yosef awuro ama. Ngosa ngɔfa bɛ ngɔwa ngɔɔbɔ bɛ atenaseɛ, ofikyɛ manwu bɛ anwumvoin, ngɔyɛ bɛ kyɛ nna bɛ yeɛ mbole bɛ ne, ofikyɛ me ole AWURADE bɛ Nyameɛ, na ngotie bɛ sufrɛ.

Sakaria 2:4

na osele ye kyɛ, “Tu amirika kɔhã kyire aberandeɛ he kyɛ, ‘Yerusalem kɔyɛ kyɛ nguraa nguraa bɔ fasue nne bɛ nwo ɔ, ɔnate nu mmenia somaa ne nu nyɛmmoa somaa ti.

Sakaria 2:5

Ofikyɛ me bɔbɔ, ngɔyɛ ye see fasue ngɔpɛ ye nwo ngɔbra ngoyia, AWURADE noa dwirɛ ɛne, na ngɔyɛ ye nu animnyam.’ ”

Sakaria 2:6

Huuu, huuu! Ɛ́mɔnwati béfi sorɔ dɔ aseɛ ne aso oo, AWURADE noa dwirɛ ɛne; ofikyɛ mabɔ ɛmɔ masande kyɛ anwuro mvrama nna ne, AWURADE noa dwirɛ ɛne.

Sakaria 4:9

“Serubabɛl sa yeɛ wato awuro he fapem ɔ, na ye sa yeɛ okosi koyie ɔ. Na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ.

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.