Sakaria 1:15 - AHYERƐLƐ KRONGRON

¹⁵ nakoso maen maen mɔ bɔ bɛ so anu atɔ bɛ ne de, mafɛ bɛ so yaa piri paa; ofikyɛ mvɛle yaa kaaba bie, nakoso maen maen nemɔ de, bɛmane amaneɛnwunɛ ne yɛle piri paa.

Sakaria 1:15 Iomraidhean Croise

YOB NWOMAA NE 30:13

Betua me atee, bɛpena me ne asefinɛ, bɔ ebiala nga kyɛ bɛyakyi ɔ.

Edwein 123:4

Mmenia bɔ bɛ nwo atɔ bɛ ne, bagoro yɛ kra nwo maa wafono yɛ, yeɛ anwomasoɛfoɛ bagua yɛ kra nyunu ase maa wafono yɛ.

Edwein 137:7

Ao AWURADE, kaye bɔ Edomfoɛ bɛyɔle ye kyẽa bɔ Yerusalem bɔle ne, na tua bɛ so kerɛ; kyɛbɔ bɛhane kyɛ, Ɛ́mɔbubu ye bégua ase! ɛ́mɔbubu ye bégua ase! Ɛ́mɔbubu ye bégua ase maa ɔɔhã ye fapem!” ne.

Edwein 69:26

Ofikyɛ sona bɔ abɔ ye apura ye ne, bɛtane ye nye, na bɛ bɔ apura bɛ ne, besa bɛmaa bɛfa yealɛ nu.

Yesaya 54:8

Mvɛle ɛyaa piri paa, na mvale me nyunu mveale wɔ mmerɛ kãa bie, nakoso ngɔfa ɔdɔ bɔ olle ayieleɛ ɔ ngonwu wɔ anwumvoin, AWURADE, wɔ Defoɛ ne, ye noa dwirɛ ɛne.

Yeremia 30:16

Yiti bɛ bɔ bɛtete wɔ nu pasapasa ne amukoraa, bɛ koso ebiemɔ kɔtete bɛ nu pasapasa, na wɔ pɔfoɛ mɔ amukoraa, bɛ nu biala bɛkɔhye ye nnure bɛkɔhɔ; bɛ bɔ bɛfẽ wɔ nningyein ne, bɛ koso ebie mɔ kɔfẽ bɛ deɛ, na bɛ bɔ bɛbɔ wɔ so apaa ne, ngɔmaa ebiemɔ kɔbɔ bɛ mukoraa bɛ so apaa.

Yeremia 50:33

“AWURADE nwa nyoo: Bɛhyɛle Yisraelfoɛ so, yeɛ bɛhyɛle Yudafoɛ koso so, na bɛ bɔ bɛhyele bɛ nnure ne amukoraa, bɛwɛnene bɛ anyeserɛ so paa, na bambene so kyɛ bɛkɔyakyi bɛ maa bɛkɔhɔ ɔ.

Yeremia 51:24

“Na ngotua Babilɔn ne Kaldeafoɛ amukoraa bɛ so kerɛ, ɔnate b’amumuyɛɛ amukoraa bɔ bayɔ ye wɔ Sion bɔ ɛmɔ nye tua ne ati, AWURADE noa dwirɛ ɛne.

Hesekiel 26:2

“Sona awa, ɔnate kyɛ Tiro wahã wafa Yerusalem nwo kyɛ, ‘Ehee! Pambim bɔ né maen maen mɔ bɛfa nu bekodi dwaa ne, wabubu. Afei de, dwaa nningyein ne kɔkakyi kɔwa me berɛ; na kekesaala ye bɔ wabɔ ye de, ngonya me nwo,’ ne ati,

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Habakuku 3:12

Ele ɛyaa piri yeɛ ɛnate fale aseɛ so ɔ. Etiatiale maen maen mɔ so wɔ ahonehulɛ nu.

Sakaria 1:11

Na bebuale AWURADE abɔfo bɔ né ogyi sesea mmakaa nemɔ anu dɔ ne kyɛ, ‘Yahyinihyini aseɛ so, na yieee, né aseɛ amukoraa la berɛ dinn bɔ ode ye nwome ɔ.’

Sakaria 1:2

“AWURADE ahone huli paa wɔ ɛmɔ nana mɔ so.

Sakaria 14:12

Na maen maen amukoraa bɔ bafa koɛ baatoa Yerusalem ne, ɛhawo he yeɛ AWURADE kɔprapra kogua bɛ so ɔ: Bɛ nwonaen kɔporɔ wɔ mmerɛ bɔ bɛtɛ gyigyi bɛ gya so ɔ, bɛ nye kɔporɔ wɔ bɛ nye tokuro ne anu, yeɛ bɛ temverema kɔporɔ wɔ bɛ noa nu.

Sakaria 6:8

Na ɔteane nu sele me kyɛ, “Nea, bɛ bɔ bɛ́kɔ sorɔ dɔ maen ne anu ne, bama me Sunzum kunu adwo ye fɔnwoo wɔ sorɔ dɔ maen ne anu.”