Sakaria 1:13 - AHYERƐLƐ KRONGRON

¹³ Na AWURADE le ndɛenvɛen ne aworakyekyerɛ dwirɛ buale abɔfo bɔ né ɔne me dwudwo ne.

Sakaria 1:13 Iomraidhean Croise

Yesaya 57:18

Manwu ye atee bɔ ɔnate so ɔ, na ngɔsa ye anwonyerɛ, ngɔyɛ ye taataa, ná makyekye ye wora, na ye mmenia bɔ bedi aworabɔlɛ ne, ngɔma bɛ noa dwirɛ kɔyɛ ayɛyelɛ.

Yeremia 29:10

“Ofikyɛ bɔ AWURADE kã ɛhe: Sɛ afoɛ aburasoo nya so wɔ Babilɔn a, ngɔwa ngɔɔpasa ɛmɔ nwo, na ngɔma me ndɛenvɛen ne kɔwa nu kɔma ɛmɔ. Na ngɔfa ɛmɔ ngosa ngɔwa ɛwa.

Daniel 12:6

Na ko bisale biaa bɔ ɔhera nwera, bɔ ɔwɔ asue ne anye ne kyɛ, “Ɔkwaadwu kyinzu yeɛ sɔ anwanwadeɛ hemɔ bɛkɔwa ayieleɛ ɔ?”

Sakaria 1:9

Yeɛ mmisale kyɛ, ‘Me mene, na ɛhemɔ, nzikyɛ ɛne?’ Yeɛ abɔfo bɔ né ɔne me dwudwo ne buale me kyɛ, ‘Ngohyire wɔ bɔ bɛte ɔ.’

Sakaria 4:1

Abɔfo bɔ ɔne me dwudwole ne, osa wale bieku, na otingyele me kyɛ sona bɔ betingye ye befi ye nnafelɛ nu ɔ.

Sakaria 8:19

“Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.