Sakaria 1:12 - AHYERƐLƐ KRONGRON

¹² Yeɛ AWURADE abɔfo ne bisale kyɛ, ‘O Asafo AWURADE, Yerusalem ne Yuda nguro bɔ w’ahone ahu bɛ so afoɛ aburasoo ɛhe ne, ɔkwaadwu kyinzu yeɛ engonwu bɛ anwumvoin ɔ?’

Sakaria 1:12 Iomraidhean Croise

2 Aberɛso Dwirɛ 36:21

Ɛhe sili, amaa AWURADE dwirɛ bɔ ɔnate Yeremia so hane ne, wawa nu; amaa ɔnate so aseɛ ne wanya ate wali ye afofingyẽa. Ngyẽa amukoraa bɔ aseɛ ne lale berɛ mbaen ne, né odi afofikyẽa alaa kɔpem kyɛ afoɛ aburasoo sone ɔ.

Edwein 102:10

ɔnate wɔ ɛyaafɛlɛ ne w’ahonehulɛ ne ati; ofikyɛ apagya me afindi me ato.

Edwein 102:13

Ekodwɔso konwu Sion anwumvoin, ofikyɛ mmerɛ aso kyɛ ɛdo ye ɔ, mmerɛ bɔ ahyehyɛ ato berɛ ne waso.

Edwein 69:5

Ao Nyameɛ, wɔ yeɛ ɛse ngwaseasɛm bɔ mali ɔ; me mvomsoɛ mvea wɔ wɔ nyunu.

Edwein 74:10

Ao Nyameɛ, bɛ bɔ bekyi wɔ ne, kyinzu koraa yeɛ bɛ ngorohoɛ ne okoodwu ɔ? Pɔfoɛ ne, aso ɔkɔsɛkye wɔ dumaa afebɔɔ anaa?

Edwein 79:5

Ao AWURADE, ɔkwaapem kyinzu? Aso ɛkɔfɛ yɛ so yaa afebɔɔ anaa? Wɔ nungunɛhwenɛ ne, aso okogye kyɛ see?

Nworɛ Dwirɛhanɛniɛ 3:3

ehunɛ le ye mmerɛ, yeɛ anwonyerɛsalɛ le ye mmerɛ; nikyee sɛkyelɛ le ye mmerɛ, yeɛ ye siesielɛ le ye mmerɛ;

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yeremia 12:4

Aseɛ ne kɔbɔ awuye koodwu kyinzu, na eboo biala so ndire kɔkese maa okoodwu kyinzu? Ofikyɛ aseɛ ne aso ama, b’amumuyɛɛ ti, ngaka ne nnomaa batu bamini, ofikyɛ mmenia nwa, “Ongonwu y’ayieleɛ.”

Yeremia 15:17

Mandena ngorohoɛfoɛ bɛ dwaa bɔ bɛbɔ nu, yeɛ manni ahurusi, na ɔnate kyɛ wɔ sa la me so ne ati, ndele me nwo ndenane nekaa bie, ofikyɛ afa ɛyaafɛlɛ ayi me nu to.

Yeremia 29:10

“Ofikyɛ bɔ AWURADE kã ɛhe: Sɛ afoɛ aburasoo nya so wɔ Babilɔn a, ngɔwa ngɔɔpasa ɛmɔ nwo, na ngɔma me ndɛenvɛen ne kɔwa nu kɔma ɛmɔ. Na ngɔfa ɛmɔ ngosa ngɔwa ɛwa.

Yeremia 30:18

“Bɔ AWURADE kã ɛhe: Tie, ngɔfa Yakob ɛtena sua mɔ ngosa ngofi nnurehyelɛ nu ngɔwa, na ngonwu ye atenaleɛ nemɔ anwumvoin. Bekosa bɛkɔkyekye kuro ne wɔ ye boso, ná bagyina ahemvie ne wɔ nekaa bɔ né ogyi daa ne.

Daniel 12:6

Na ko bisale biaa bɔ ɔhera nwera, bɔ ɔwɔ asue ne anye ne kyɛ, “Ɔkwaadwu kyinzu yeɛ sɔ anwanwadeɛ hemɔ bɛkɔwa ayieleɛ ɔ?”

Daniel 9:2

ye ahennie afoɛ bɔ oli moa ne anu, me, Daniel, mbɛnzɛmbɛnzɛle ngrataa nemɔ anu nwuni afoɛ aburasoo bɔ odi kyɛ ɔpɛ nu koraka né Yerusalem abɔ, bɔ ɔte AWURADE dwirɛ bɔ ɔlale ye ali hyirele ngɔmhyɛlɛniɛ Yeremia ne.

Habakuku 1:2

Ao AWURADE, ɔkwaadwu kyinzu yeɛ ngosu ngɔpena mmokalɛ, nakoso ɛngɔtɛ me so ɔ? Metea nu mekyire wɔ kyɛ, “Nhyɛsoɛ oo”, nakoso ɛngɔpepɛ ngole yɛ!

Sakaria 1:8

“Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Sakaria 7:5

“Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”