Sakaria 1:11 - AHYERƐLƐ KRONGRON

¹¹ Na bebuale AWURADE abɔfo bɔ né ogyi sesea mmakaa nemɔ anu dɔ ne kyɛ, ‘Yahyinihyini aseɛ so, na yieee, né aseɛ amukoraa la berɛ dinn bɔ ode ye nwome ɔ.’

Sakaria 1:11 Iomraidhean Croise

YOB NWOMAA NE 1:7

Yeɛ AWURADE bisale Satan kyɛ, “Nisua yeɛ efi wale ɔ?” Na Satan buale AWURADE kyɛ, “Aseɛ so bɔ mekyinikyini, bɔ medi so akɔneaba ne yeɛ mvi so mmale ɔ.”

Edwein 68:17

Nyameɛ ye teaseɛnam mɔ bɛte apee aburanyɔ sɔ alaa buburugyaa, AWURADE boka bɛ so, kyɛbɔ ɔboka bɛ so wɔ Sinai, nekaa krongron berɛ ne.

Yesaya 14:7

Aseɛ amukoraa so adwo, asomdwee awa, bɛto dwein anigye so.

Daniel 10:20

Yeɛ obisale kyɛ, “Aso ɛse nikyee bɔ yiti yeɛ mawa wɔ berɛ ye? Afei de, ngosa ngɔhɔ me ne Pɛsia katakyie ne yɛkɔɔho, na sɛ mesi nu mekɔ a, tie, Hela katakyie ne kɔwa.

Sakaria 1:10

Yiti biaa bɔ né ogyi sesea mmakaa nemɔ anu dɔ ne, obuale kyɛ, ‘Ɛhemɔ yeɛ AWURADE asoma bɛ kyɛ beehyinihyini aseɛ so ɔ.’

Sakaria 1:15

nakoso maen maen mɔ bɔ bɛ so anu atɔ bɛ ne de, mafɛ bɛ so yaa piri paa; ofikyɛ mvɛle yaa kaaba bie, nakoso maen maen nemɔ de, bɛmane amaneɛnwunɛ ne yɛle piri paa.

Sakaria 1:8

“Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Sakaria 6:7

Na anwoserɛfoɛ nemɔ wale nen, né bɛpe ndɛen bekyinikyini aseɛ so. Na ɔhane kyɛ, “Ɛmɔhɔ beehyinihyini aseɛ so.” Na beehyinihyinini aseɛ so.

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Mateo 13:49

Sɔ ala yeɛ ɔkɔyɛ wɔ ewiase ayieleɛ ne ɔ. Abɔfo mɔ kɔwa bɛkɔɔpa nu bɛkɔye bɔnefoɛ bekofi teneneefoɛ nu,

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,