Rutu 4:6 - AHYERƐLƐ KRONGRON

⁶ Yeɛ abusuaniɛ ne tele sɔ dwirɛ nen, ɔhane kyɛ, “Sɛ mepɔ agyapadeɛ ye mefa a, me mma kɔhwere me bɔbɔ deinn m’agyapadeɛ deɛ. Agyapadeɛ bɔ ahaa me yeɛ odi kyɛ mepɔ ne, kɔpɔ fa, ofikyɛ mengɔhora ngɔpɔ ye.”

Rutu 4:6 Iomraidhean Croise

Gyenesise 38:8

Yeɛ Yuda sele Onan kyɛ, “Kɔ eliɛma n’aye ne nekaa, yɔ w’asɛdeɛ ma ye kyɛ ohu aliɛma, na wo mmaa ma eliɛma ne.

Lewitikɔso 25:25

“Sɛ ebiɛngo nwo kyere ye, ná ɔtɔne ye agyapadeɛ bie ma wɔ a, odi kyɛ ye nwoniɛ kaenn ɔbapɔ bɔ ye abusuaniɛ ne atɔne ye ne.

Deuteronomi 25:7

Nakoso sɛ biaa ne nguro kyɛ okogya oliɛma n’aye ne a, ye de ɔsɛ kyɛ kunaniɛ ne kɔ mbanyi mɔ nyunu wɔ nekaa bɔ bedi dwirɛ ɔ, ná ɔka kyɛ, ‘Me hu aliɛma ne nguro kyɛ ɔkɔma oliɛma ne dumaa kɔha Yisrael ɔ, onguro kyɛ ɔkɔyɔ huɛ aliɛmaa asɛdeɛ kɔma me ɔ.’

Deuteronomi 25:8

Afei ɔsɛ kyɛ kuro berɛ mbanyi to bɛ sa bɛfrɛ biaa ne ná bebisa ye. Na sɛ ɔkɔ so ka kyɛ, ‘Menguro kyɛ ngogya ye’ a,

Deuteronomi 25:9

ye de ɔsɛ kyɛ oliɛma n’aye ne kogyina ye nwo berɛ wɔ mbanyi nemɔ nyunu berɛ, ná opuro biaa ne gya nu mbaboa, ná ɔ́fe nwɔserɛ gua ye nyunu, ná ɔka kyɛ, ‘Sona bɔ onguro kyɛ ɔboka ma oliɛma bɔ wawu nya bosofoɛ ne, bɔ bɛfa bɛyɔ ye hɔ ɛne.’

Rutu 2:20

Na Naomi sele ye sia ne kyɛ, “AWURADE bɔ daa ɔdo teasefoɛ ne awufoɛ ne, óyira sɔ sona ne!” Naomi sa sele ye kyɛ, “Sɔ biaa ne, ɔte yɛ abusuaniɛ, yɛ bɔbɔ yɛ nwoniɛ kaenn.”

Rutu 3:13

Da wa ɛnɛ kɔngɔen ye, na aleɛ kye ngyerɛmɔ, ná sɛ ode to nu kyɛ ɔkɔyɛ ehu koliagyaa kogya wɔ a, ye de ye paa nu ɔ. Na sɛ ɔngɔyɛ ehu koliagyaa ngogya wɔ de a, ye de, kyɛ AWURADE te ase ye, me yeɛ ngɔyɛ ehu koliagyaa ngogya wɔ ɔ. Da wa ma aleɛ hye.”

Rutu 3:9

Obisale kyɛ, “Wɔ nwa ɛne?” Yeɛ obuale ye kyɛ, “Me ɔ, w’afaneɛ Rutu; trɛ wɔ tena ne anu fa kata me nwo, ofikyɛ wɔ yeɛ ɛte koliagyaa ɔ.”