Rutu 4:4 - AHYERƐLƐ KRONGRON

⁴ Yiti mayɛ kyɛ meye w’asotire kyɛ, pɔ aseɛ ne wɔ mbanyi bɔ bayia wa ye, ɔne me maen mbanyi ye mɔ bɛ nyunu. Sɛ ɛkɔpɔ aseɛ ne a, pɔ ye; nakoso sɛ ɛngɔpɔ ye de a, ka kyire me maa nwu ye, ofikyɛ sona biala nne berɛ bɔ osã wɔ nwo ɔpɔ aseɛ ne a ɔyɛ yé ɔ. Sɛ ambɔ aseɛ ne a, yeɛ mekora mepɔ ye ɔ.” Na obuale kyɛ, “Ngɔpɔ aseɛ ne.”

Rutu 4:4 Iomraidhean Croise

Gyenesise 23:11

“Me mene, daabi, tie me kãa. Mefa aseɛ ne mema wɔ, na nyɔboɛ bɔ wasi sua wɔ nu ne koso mefa mema wɔ. Mefa mema wɔ wɔ me mmenia ye anyunu wa. Fa sie wɔ fuin ne.”

Gyenesise 23:18

ɔɔyɛle Abraham deɛ wɔ Hitifoɛ nyunu, wɔ bɛ bɔ né bayia kuro ne tiwaa berɛ ne amukoraa nyunu.

Yeremia 32:25

Nakoso, ao AWURADE Nyameɛ, ahã ahyire me kyɛ, “Ɔwɔ nu kyɛ bafa kuro ne bawura Kaldeafoɛ nemɔ sa de, nakoso te sikaa tɔ eboo ne, ná pena ye nwo adanzefoɛ.’ ”

Romanfoɛ 12:17

Nnɛma ɛmɔfa bɔne betua ebiala bɔne kerɛ. Na mmom ɛ́mɔdwene bɔ ɔte paa wɔ mmenia mukoraa bɛ nye so ɔ nwo.

2 Korintofoɛ 8:21

Ofikyɛ yafa yasie yɛ nye so kyɛ yɛtoto nikyee biala pɛpɛɛpɛ, nna Awurade ngome nyunu, na kuro sona koso nyunu.

Deuteronomi 25:8

Afei ɔsɛ kyɛ kuro berɛ mbanyi to bɛ sa bɛfrɛ biaa ne ná bebisa ye. Na sɛ ɔkɔ so ka kyɛ, ‘Menguro kyɛ ngogya ye’ a,

Filipifoɛ 4:8

Afei aliɛmaa mɔ, medwura edwirɛ ne kyɛ, nikyee biala bɔ ɔte nahorɛ, bɔ ɔte animnyam, bɔ ɔtengyɛ, bɔ ye nwo te, bɔ ɔyɛ nyemene, bɔ ole dumaa paa; sɛ bra paa bie wɔ berɛ a, sɛ ayɛyelɛ bie wɔ berɛ a, sɔ nningyein nemɔ yeɛ ɔsɛ kyɛ ɛmɔdwenedwene bɛ nwo ɔ.

Rutu 2:20

Na Naomi sele ye sia ne kyɛ, “AWURADE bɔ daa ɔdo teasefoɛ ne awufoɛ ne, óyira sɔ sona ne!” Naomi sa sele ye kyɛ, “Sɔ biaa ne, ɔte yɛ abusuaniɛ, yɛ bɔbɔ yɛ nwoniɛ kaenn.”

Rutu 3:12

Na ɔwɔ nu kyɛ nde abusuaniɛ kaenn de, nakoso abusuaniɛ foforɛ bie wɔ berɛ bɔ opingye wɔ sia abusua tra me ɔ.

Rutu 3:9

Obisale kyɛ, “Wɔ nwa ɛne?” Yeɛ obuale ye kyɛ, “Me ɔ, w’afaneɛ Rutu; trɛ wɔ tena ne anu fa kata me nwo, ofikyɛ wɔ yeɛ ɛte koliagyaa ɔ.”