Rutu 4:2 - AHYERƐLƐ KRONGRON

² Yeɛ Boase frɛle kuro berɛ mbanyi nemɔ anu buru, na osele bɛ kyɛ, “Ɛ́mɔtena wa.” Na bɛtenatenane berɛ.

Rutu 4:2 Iomraidhean Croise

1 Ahemvo 21:8

Yiti Yesebɛl fale Ahabo dumaa hyerɛle ngrataa, na ɔfale Ahabo nzɔanoɛ sosɔle bɛ noa. Ɔsomane maa bɛfale ngrataa ne bɛɛmane mbanyi ne atitire bɔ bɛ ne Nabɔto bɛte kuro berɛ ne.

Ɛksadɔso 21:8

Na ye mene bɔ ɔtɔle ye ne, sɛ ye nye ngye ye nwo a, ye de ɔma bɛɛpɔ ye. Atee nne berɛ kyɛ ɔyɛ ye atɔen ma amanvrafoɛ ɔ, ofikyɛ wali ye ngasi.

Anyandera 31:23

Ohu te sona bɔ mmenia bu ye badwa nu ɔ, na kuro berɛ mbanyi bɛbɔ dwaa a, ɔte nu bie.

Awuye 5:14

Nworowaa mɔ bayakyi kuro berɛ pambim ne anu hɔlɛ, na mmerandeɛ bayakyi bɛ dweintolɛ ne.

Asomafoɛ 6:12

Na besili maen ne ne maen mbanyi ne ahyerɛlɛfoɛ nemɔ adua, na bɛwale ye so bɛɛhyele ye, na bɛfale ye bɛhɔle badwa ne anyunu.

Deuteronomi 25:7

Nakoso sɛ biaa ne nguro kyɛ okogya oliɛma n’aye ne a, ye de ɔsɛ kyɛ kunaniɛ ne kɔ mbanyi mɔ nyunu wɔ nekaa bɔ bedi dwirɛ ɔ, ná ɔka kyɛ, ‘Me hu aliɛma ne nguro kyɛ ɔkɔma oliɛma ne dumaa kɔha Yisrael ɔ, onguro kyɛ ɔkɔyɔ huɛ aliɛmaa asɛdeɛ kɔma me ɔ.’

Deuteronomi 29:10

“Ɛnɛ kyẽa ye, ɛmɔ amukoraa begyi AWURADE ɛmɔ Nyameɛ nyunu: ɛmɔ abusua kure mbanyi, ɛmɔ maen mbanyi, ɛmɔ atitirefoɛ, Yisrael mmienzua mukoraati,

Deuteronomi 31:28

Ɛ́mɔma ɛmɔ abusua kure mbanyi mukoraati ne mbanyi mɔ bɛɛbɔ dwaa wɔ me nwo wa, ná nga edwirɛ he amukoraa ma bɛte, ná mvrɛ anwuro ne aseɛ ma beli adanzeɛ betia bɛ.