Rutu 4:15 - AHYERƐLƐ KRONGRON

¹⁵ Ɔkɔmaa ekonya wɔ boso ama, ná wama wɔ wɔ noa aleɛ wɔ wɔ nworowaa nu. Ofikyɛ wɔ sia bɔ okuro wɔ dwirɛ, bɔ yeɛ ɔtra mmaa mmienzua nzoo ma wɔ ne, ye yeɛ ɔwole ye ɔ.”

Rutu 4:15 Iomraidhean Croise

Gyenesise 45:11

Mengɔma hwee ngohia wɔ wɔ berɛ, ofikyɛ ɛhɔen piri ne, waha afoɛ nnu. Anyɔ a, ɛne w’awuro ama, ɔne bɔ ele ye amukoraa nwo kɔhyere bɛ.”

Gyenesise 47:12

Na Yosef mane ɔse ne oliɛma mɔ ne ɔse awuro ama mukoraa bɛ noa aleɛ, kyɛbɔ ebiala ye sasofoɛ somaa te ɔ.

Edwein 55:22

Fa w’adesoa to AWURADE so, na ɔkɔsɔ wɔ nu; ɔngɔnea ngɔma teneneeniɛ ngofi ase.

Anyandera 18:24

Abiɛngoɛ biemɔ fa sona kɔ sɛkyelɛ nu, nakoso abiɛngoɛ bie bata wɔ tra aliɛmaa.

Yesaya 46:4

Na ɔkwaadwu ɛmɔ aworowaabɔlɛ nu po, bɔ nde ala yeɛ nde ɔ, yeɛ ɔkwaadwu ɛmɔ egyeinfulɛ nu po, ngododo ɛmɔ. Me yeɛ mmɔle ɛmɔ ɔ, ngogyina ɛmɔ si, ngododo ɛmɔ ná mapepɛ male ɛmɔ.

Rutu 4:16

Yeɛ Naomi mane akwadaa ne aso fale ye bɔle ye hue so, na ɔyɛle akwadaa ne neafoɛ.

1 Samuel 1:8

Na ohu Ɛlkana bisale ye kyɛ, “Hana, na esuɛ ye ɛ? Nzu ati yeɛ engodidi ɔ? Nzu ati yeɛ wɔ wora abɔ ye? Aso mendra ngwadaa mmienzua buru memma wɔ?”

1 Samuel 2:5

Bɛ bɔ né bɛ ko ayi ne, afei de bekoli paa koraka né banya aleɛ bali, nakoso bɛ bɔ né ɛhɔen apɛ bɛ ne, afei de aleɛ abu bɛ so. Mmotaen braa wawo nzoo, nakoso braa bɔ ye mma pee ne, afei de waha ye ngome.