Rutu 4:14 - AHYERƐLƐ KRONGRON

¹⁴ Yeɛ mmrasua nemɔ sele Naomi kyɛ, “Animnyam hã AWURADE bɔ ɛnɛ kyẽa ye wamaa anya koliagyaa wɔ w’awuro ɔ. AWURADE ɔma ɔyɛ sona titire wɔ Yisrael!

Rutu 4:14 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

Gyenesise 24:27

kyɛ, “Animnyam hã AWURADE, me mene Abraham Nyameɛ bɔ wamma ye wora amvi ye paayɛlɛ ne ye nahorɛ bɔ odi ma me mene ɔ. Na me koso, AWURADE ayɛ me taataa wafa me wawa me mene abusuafoɛ awuro.”

Gyenesise 29:35

Osa nwonzɛle bieku na ɔwole bienzua, na ɔhane kyɛ, “Afei de ngɔye AWURADE ayɛ,” yiti ɔtole ye dumaa Yuda. Na ye aworɛ te hɔle.

Luka 1:58

Na ye mandamu berɛ ama ne ye abusuafoɛ bɛtele kyɛbɔ Awurade asi alo ye paa nen, bɛ ne ye bɛ nye gyele.

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.

1 Tɛsalonikafoɛ 5:18

Ɛ́mɔfa asennaa bɛ́ma Nyameɛ wɔ nikyee biala nu, ofikyɛ ɛhe yeɛ ɔte Nyameɛ apɛdeɛ wɔ Kristo Yesu nu ma ɛmɔ ɔ.

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.