Rutu 4:11 - AHYERƐLƐ KRONGRON

¹¹ Yeɛ mmenia bɔ né baayia pambim ne anu berɛ ne amukoraa, bɛ ne mbanyi nemɔ bebuale kyɛ, “Yɛdi adanzeɛ. Braa ye bɔ ɛkwaagya ye ba w’awuro ne, AWURADE ma ɔyɛ kyɛ Rahɛl ne Lea, bɔ bɛ munyɔ yeɛ besuli Yisrael awuro ama nen. AWURADE ma wɔ boso trɛ wɔ Efrata, ná ɛyɛ sona titire wɔ Betlehem.

Rutu 4:11 Iomraidhean Croise

Gyenesise 23:10

Né Hitiniɛ Efron boka Hitifoɛ nemɔ so wɔ berɛ bie, na Efron buale Abraham mane Hitifoɛ amukoraa bɔ bawa kuro ne anoa nu berɛ ne tele kyɛ,

Gyenesise 24:60

Beyirayirale Rebɛka, na besele ye kyɛ, “Aliɛmaa, ɛ́kɔ ye, su mmenia apee apee; ná wɔ bosofoɛ mɔ koso beli bɛ pɔfoɛ kuro mɔ so ngonim!”

Gyenesise 29:16

Né Laban le mmaa mmrasua nyɔ; panyi ne li Lea, yeɛ kãa ne li Rahɛl.

Gyenesise 29:25

Aleɛ hyene ne, Yakob kwaanea a, saa Lea mmom ɔ! Yiti obisale Laban kyɛ, “Nzikyɛ dwirɛ yeɛ afa ali me ye? Nna Rahɛl ti yeɛ nzole wɔ ɔ? Nzu ati yeɛ alakalaka me ye?”

Gyenesise 29:32

Lea nwonzɛle, na ɔwole baa bienzua, na ɔtole ye dumaa Ruben. Na ɔhane kyɛ, “AWURADE anwu m’amaneɛ bɔ méfa nu ne ati, kekesaala ye de me hu kohuro me.”

Gyenesise 35:23

Lea mma mmienzua mɔ ɛhe: Ruben (Yakob bamuɛbaa), Simeon, Lewi, Yuda, Yisaka ne Sebulɔn.

Gyenesise 35:24

Rahɛl mma mmienzua mɔ ɛhe: Yosef ne Benyamin.

1 Ahemvo 21:8

Yiti Yesebɛl fale Ahabo dumaa hyerɛle ngrataa, na ɔfale Ahabo nzɔanoɛ sosɔle bɛ noa. Ɔsomane maa bɛfale ngrataa ne bɛɛmane mbanyi ne atitire bɔ bɛ ne Nabɔto bɛte kuro berɛ ne.

1 Aberɛso Dwirɛ 2:51

Salma bɔ osuli Betlehemfoɛ ne, yeɛ Harefe bɔ ɔkyekyele Bete Gadere ne.

Edwein 132:6

Amba, yɛtele ye wɔ Efrata; yɛnwuni ye wɔ ɛhɔayeɛ aseɛ ne aso.

Anyandera 14:1

Brasua nworɛniɛ osi ye sua, nakoso brasua kwaseaa de, ɔfa ye sa dwiri ye gua.

Anyandera 31:23

Ohu te sona bɔ mmenia bu ye badwa nu ɔ, na kuro berɛ mbanyi bɛbɔ dwaa a, ɔte nu bie.

Yeremia 32:10

Na mvale me sa nwurale ye nwo ngrataa bo, mvale nzɔanoɛ nzɔle ye noa, mbenane ye nwo adanzefoɛ mɔ, na ngarili sikaa ne wɔ tonyi nu mane ye.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Mateo 2:6

‘Wɔ, Betlehem bɔ ɛwɔ Yuda aseɛ so ɔ, wɔ dibea wɔ Yuda atitirefoɛ nu ɔtte ba; ɔnate kyɛ wɔ nu yeɛ maenbulɛniɛ bɔ ɔbaanea me maen Yisrael so ne okofi kɔwa ɔ.’ ”

Deuteronomi 25:7

Nakoso sɛ biaa ne nguro kyɛ okogya oliɛma n’aye ne a, ye de ɔsɛ kyɛ kunaniɛ ne kɔ mbanyi mɔ nyunu wɔ nekaa bɔ bedi dwirɛ ɔ, ná ɔka kyɛ, ‘Me hu aliɛma ne nguro kyɛ ɔkɔma oliɛma ne dumaa kɔha Yisrael ɔ, onguro kyɛ ɔkɔyɔ huɛ aliɛmaa asɛdeɛ kɔma me ɔ.’

Deuteronomi 25:9

ye de ɔsɛ kyɛ oliɛma n’aye ne kogyina ye nwo berɛ wɔ mbanyi nemɔ nyunu berɛ, ná opuro biaa ne gya nu mbaboa, ná ɔ́fe nwɔserɛ gua ye nyunu, ná ɔka kyɛ, ‘Sona bɔ onguro kyɛ ɔboka ma oliɛma bɔ wawu nya bosofoɛ ne, bɔ bɛfa bɛyɔ ye hɔ ɛne.’

Rutu 1:2

Biaa ne li Elimɛlɛke, yeɛ ɔye ne koso li Naomi. Ye mma mmienzua nemɔ li Malon ne Kilion. Bɛte Efratefoɛ bɔ befi Betlehem bɔ ɔwɔ Yuda, na betu bɛɛtenane Moabo aseɛ so.