Rutu 4:1 - AHYERƐLƐ KRONGRON

¹ Boase hɔle kuro berɛ pambim ne anwo ɔɔtenane ase. Wangyɛ yeɛ busuaniɛ bɔ Boase hane ye dwirɛ ne koso ɔɔpɛle nu berɛ ɔ. Na Boase frɛle ye kyɛ, “Nniɛma, bra wa baatena ase.” Na opingyele ye ɔɔtenane ase.

Rutu 4:1 Iomraidhean Croise

Gyenesise 19:1

Abɔfo nyɔ ne beedwuli Sodom nɔsoa; na né Lɔto te Sodom kuro ne tiwaa. Mmerɛ bɔ Lɔto nwuni bɛ nen, odwɔsole ooyiale bɛ, na ɔfale ye nyunu butuli berɛ.

Gyenesise 23:10

Né Hitiniɛ Efron boka Hitifoɛ nemɔ so wɔ berɛ bie, na Efron buale Abraham mane Hitifoɛ amukoraa bɔ bawa kuro ne anoa nu berɛ ne tele kyɛ,

Gyenesise 34:20

Yiti Hamɔ ne ɔwa Sɛkem bɛhɔle bɛ kuro n’anoa nu dɔ, na besele kuro berɛ mmienzua ne kyɛ,

2 Samuel 15:2

Alebahyene biala, atee bɔ ɔkɔ kuro berɛ pambim ne anu ne, ɔyɛ a né Absalom dwɔso kogyina so. Na sɛ ebie ɔ́fa ye dwirɛ ba Nana Dawide gya so maa odi a, ɔyɛ a Absalom frɛ ye bisa ye kyɛ, “Efi kuro beni aso?” Na sɛ sɔ sona ne bua ye kyɛ, “W’akoaa, mvi sɔ abusua kure he anu,” a,

2 Aberɛso Dwirɛ 18:9

Sɔ mmerɛ ne, né Yisrael hene ne Yuda hene Yehosafate bɛtete b’ahennie bia so bɔ baherahera b’ahemvo ndena, wɔ nekaa bɔ bɛboro aburoo wɔ Samaria pambim ne anyunu berɛ ɔ. Né ngɔmhyɛlɛfoɛ ne amukoraa bɛhyehyɛ ngɔm wɔ ahemvo nemɔ anyunu berɛ.

YOB NWOMAA NE 29:7

Mmerɛ bɔ né ɔyɛ a mekɔ kuro berɛ pambim ne anu, bɔ né ɔyɛ a metena mbanyi bia so wɔ nekaa bɔ bɛbɔ dwaa ne,

YOB NWOMAA NE 31:21

Sɛ ɔnate kyɛ ndɛenbualɛfoɛ begyi me si ti, matengyɛ me sa wɔ ayisiaaniɛ so manwunanwuna ye a,

Edwein 69:12

Bɛ bɔ bɛwɔ kuro berɛ pambim ne anu ne, me nwo dwirɛ ala yeɛ bɛkã ɔ, na me yeɛ akɔnomnzafoɛ bɛfa me bɛto dwein ɔ.

Anyandera 31:23

Ohu te sona bɔ mmenia bu ye badwa nu ɔ, na kuro berɛ mbanyi bɛbɔ dwaa a, ɔte nu bie.

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Yeremia 32:10

Na mvale me sa nwurale ye nwo ngrataa bo, mvale nzɔanoɛ nzɔle ye noa, mbenane ye nwo adanzefoɛ mɔ, na ngarili sikaa ne wɔ tonyi nu mane ye.

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Sakaria 2:6

Huuu, huuu! Ɛ́mɔnwati béfi sorɔ dɔ aseɛ ne aso oo, AWURADE noa dwirɛ ɛne; ofikyɛ mabɔ ɛmɔ masande kyɛ anwuro mvrama nna ne, AWURADE noa dwirɛ ɛne.

Deuteronomi 16:18

“Wɔ nguro amukoraati bɔ AWURADE wɔ Nyameɛ ɔ́fa ma wɔ ne, neanea nu ná yeye ndɛenbualɛfoɛ ne mbanyi fi w’abusua kure nemɔ anu, na bɛ yeɛ bɛkɔfa ndɛen bɔ ɔtengyɛ bekobu maen ne ɔ.

Deuteronomi 17:5

ye de, fa sɔ bienzua anaa brasua bɔ wabɔ sɔ musue ne kɔ wɔ kuro ne tiwaa, ná boro ye nyɔboɛ ma owu.

Deuteronomi 21:19

ye de ɔsɛ kyɛ ɔse ne oni bɛkye ye bɛba ye kuro berɛ mbanyi nyunu, wɔ kuro berɛ pambim ne anyunu,

Deuteronomi 25:7

Nakoso sɛ biaa ne nguro kyɛ okogya oliɛma n’aye ne a, ye de ɔsɛ kyɛ kunaniɛ ne kɔ mbanyi mɔ nyunu wɔ nekaa bɔ bedi dwirɛ ɔ, ná ɔka kyɛ, ‘Me hu aliɛma ne nguro kyɛ ɔkɔma oliɛma ne dumaa kɔha Yisrael ɔ, onguro kyɛ ɔkɔyɔ huɛ aliɛmaa asɛdeɛ kɔma me ɔ.’

Yosua 20:4

Na sona bɔ wali awue ne, ɔsɛ kyɛ ɔnwati kɔ sɔ nguro nemɔ ko aso, ná okogyina kuro berɛ pambim ne anyunu, ná okyirekyire ye dwirɛ ne anu kyire kuro berɛ mbanyi mɔ. Na ɛhe asi ye, odi kyɛ bɛfa ye bɛkɔ kuro ne anu bɛkɔɔma ye nekaa maa ɔne bɛ tena berɛ.

Rutu 3:12

Na ɔwɔ nu kyɛ nde abusuaniɛ kaenn de, nakoso abusuaniɛ foforɛ bie wɔ berɛ bɔ opingye wɔ sia abusua tra me ɔ.

Rutu 3:18

Yeɛ Naomi buale kyɛ, “Mma, nya aboterɛ ná nea bɔ okofi edwirɛ ne anu kɔwa ɔ, ofikyɛ biaa ne ngɔhora tena, sana wabɔ edwirɛ ne porɛ ɛnɛ.”